అరటి పండు తగిలి ఆసుపత్రిపాలైన టీచర్, పరిస్థితి విషమం!

0
0


తుంటరి విద్యార్థుల సరదా టీచర్ ప్రాణం మీదకు తెచ్చింది. వారి వల్ల ఆమె ఆసుపత్రిలో ప్రాణాల కోసం పోరాడుతోంది. అమెరికాలోని ఒహియోలో చోటుచేసుకున్న ఈ అరుదైన ఘటన వివరాలు ఇలా ఉన్నాయి. కె-8 స్కూల్‌లో పనిచేస్తున్న ఓ టీచర్‌కు ‘ఫ్రూట్స్ అలర్జీ’ ఉంది. దీంతో ఆమె తరగతి గది తలుపుకు ‘బనానా ఫ్రీ జోన్’ బోర్డు కూడా పెట్టారు.

తన తరగతిలో ఎవరూ అరటి పండ్లు తినకూడదని, బయటకు వెళ్లి తిన్నట్లయితే చేతులు శుభ్రం చేసుకుని తరగతి గదిలోకి రావాలనే నిబంధన పెట్టారు. ఆమెకు ఈ సమస్య ఉన్నట్లు ఆ స్కూల్‌లో విద్యార్థులందరికీ తెలుసు. దీంతో ముగ్గురు విద్యార్థులు ఆమెను సరదాగా ఆటపట్టించాలని భావించారు. తరగతి గది డోర్ హ్యాండిల్స్‌కు అరటి పండు గుజ్జును పూసి, తొక్క వలచిన అరటి పండ్లను ఆమెపైకి విసిరారు.

Read Also: రెండు అరటి పండ్లు రూ.442 మాత్రమే.. రేటు చూసి షాకైన హీరో!

అరటి పండ్లు తగలగానే ‘అనాఫిలాక్టిక్ షాక్‌’కు గురైంది. 15 నిమిషాల తర్వాత ఆమె శరీరం రంగు మారిపోయింది. దీంతో ఆమెకు వెంటనే ఎపీపెన్ (epipen – తీవ్రమైన అలర్జీకి ఇచ్చే ఔషదం) ఇచ్చారు. అప్పటికీ ఆమె తేరుకోలేదు. ఫలితం లేకపోవడంతో ఆమెను హుటాహుటిన ఆసుపత్రికి తరలించారు. ప్రస్తుతం ఆమె ఐసీయూలో చావుబతుకుల మధ్య పోరాడుతోంది. పోలీసులు ఆ ముగ్గురు విద్యార్థులను అదుపులోకి తీసుకున్నారు.

Read Also: క్లాస్‌రూమ్‌లో విద్యార్థితో లేడీ టీచర్ సెక్స్.. గుట్టురట్టు చేసిన యాప్

ఇటీవల పశ్చిమ లండన్‌లోని గ్రీన్‌ఫోర్డ్‌లో 13 ఏళ్ల కరణ్‌బీర్ చీమా అనే విద్యార్థి కూడా ఇలాంటి అలర్జీ వల్లే చనిపోయాడు. అతడికి చీజ్ అలర్జీ ఉందని తెలిసి.. తోటి విద్యార్థులు అతడిని ఆటపట్టించేందుకు చీజ్ విసిరారు. దీంతో ఆ బాలుడు ‘అనాఫిలాక్టిక్ షాక్’తో ఆసుపత్రిలో చేరాడు. చివరికి ప్రాణాలు విడిచాడు.

అరటి పండు అంత ప్రమాదకరమా?: చాలామందికి చాలా రకాల అలర్జీలు ఉంటాయి. కొంతమందికి అరటిపండు అంటే అస్సలు పడదు. వారిని బలవంతం చేస్తే ‘అనాఫిలాక్టిక్ షాక్’ ఏర్పడుతుంది. ఈ షాక్ వల్ల బాధితులు ప్రాణాపాయ స్థితికి చేరుకుంటారు. ఇలాంటి అలర్జీ ఉన్నవారికి అరటి పండు తినిపిస్తే.. నోటిలో దురద మొదలై మరణానికి దారితీస్తుంది. ఈ అలర్జీ వల్ల ఊపిరి పీల్చుకోడానికి ఇబ్బందిపడతారు. రక్తపోటు తగ్గిపోయి స్పృహ కోల్పోతారు. ఈ లక్షణాలు ఉన్నవారిని ‘అనాఫిలాక్సిస్’(తీవ్రమైన అలర్జీ)తో బాధపడుతున్నట్లు గుర్తించాలి. ఇలాంటి అలర్జీతో బాధపడేవారు ఆడ్రినలిన్ ఆటో-ఇంజెక్టర్ పరికరాలు దగ్గర ఉంచుకోవాలి. ఎవరికైనా ఇలాంటి అలర్జీలు ఉన్నట్లు తెలిస్తే అప్రమత్తంగా ఉండండి. వారికి అలర్జీ కలిగించే పదార్థాలతో ఆటపట్టిస్తే ఇలాంటి సమస్యలే ఏర్పడతాయి.



Source link

LEAVE A REPLY

Please enter your comment!
Please enter your name here