అవినీతిలో పీక్స్.. ఆ అధికారి ఇంట్లో 13500 కిలోల బంగారం, రూ.2.64 లక్షల కోట్ల క్యాష్

0
1


మన పొరుగు దేశం చైనా అభివృద్ధిలో దూసుకెళ్లిన సంగతి తెలిసిందే. మన కంటే వెనుక స్వాతంత్య్రం పొందిన డ్రాగన్.. మన కంటే ఎక్కువగా పేదరికంలో మగ్గిన పరిస్థితి నుంచి మనల్ని మించిపోయేలా ఎదిగింది. దీనికి కారణం చైనా కమ్యూనిస్టు నాయకత్వం తీసుకున్న చర్యలే. కానీ అదే సమయంలో అభివృద్ధితోపాటు అవినీతి కూడా చైనాలో భారీగా చోటు చేసుకుంది. అధికారం కొందరి గుప్పిట్లోనే ఉండిపోవడంతో.. దొరికిన కాడికి దోచుకున్నారు. అవినీతికి పాల్పడిన అధికారులు, కమ్యూనిస్టు పార్టీ నేతలపై ఇటీవలి కాలంలో జిన్‌పింగ్ ఫోకస్ పెట్టారు.

ఓ మాజీ మేయర్‌‌ను టార్గెట్ చేసి ఆయన నివాసాలపై నేషనల్ సూపర్‌వైజరీ కమిషన్ అధికారులు దాడులు చేయగా.. కళ్లు చెదిరే మొత్తంలో ఆస్తులు, బంగారం బయటపడ్డాయి. బంగారం అంటే మన దగ్గర దొరికినట్టు కిలోల చొప్పున కాదు.. టన్నుల్లో పసిడి దొరికింది. హైకౌ నగర మాజీ మేయర్ అయిన 58 ఏళ్ల ఝాంగ్ కి ఇంట్లో 13.5 టన్నుల బంగారం దొరికింది. బిస్కెట్ల రూపంలో పసిడి గుట్టలు గుట్టలుగా ఉండటాన్ని గుర్తించి అధికారులు నివ్వెరపోయారు. ఆ బంగారం విలువే అక్షరాలా రూ.4,500 కోట్లు కావడం గమనార్హం.

బాబోయ్ అని అప్పుడే నోరెళ్లబెట్టకండి.. కమ్యూనిస్టు పార్టీ నేత కూడా అయిన సదరు అధికారి దగ్గర దొరికిన సొమ్మెంతో తెలిస్తే కళ్లు బైర్లు కమ్ముతాయి. మన కరెన్సీలో చెప్పాలంటే 2.64 లక్షల కోట్ల రూపాయల నగదును ఆయన ఇంటి బేస్‌మెంట్‌లో, బ్యాంక్ ఖాతాల్లో గుర్తించారు. ఆయన అవినీతి ఏ స్థాయిలో ఉందంటే.. నగదులో చైనీస్ కరెన్సీ మాత్రమే కాదు… డాలర్లు, యూరోలు కూడా ఉన్నాయట. అంటే అవినీతిలో అంతర్జాతీయ స్థాయి అన్నమాట. ఇవే కాదు లంచంగా లగ్జరీ విల్లాలను కూడా ఈయన తీసుకున్నట్టు భావిస్తున్నారు. ఆయన ఆస్తుల ముందు అలీబాబా అధినేత జాక్ మా సంపద కూడా దిగదుడుపే.

90 లక్షల జనాభా ఉన్న హైనియన్ ప్రావిన్స్ రాజధాని హైకౌలో కమ్యూనిస్టు పార్టీ కమిటీ సెక్రటరీగా ఝాంగ్ ఉన్నారు. చైనీస్ కమ్యూనిస్ట్ పార్టీ అధికారులు వెల్లడించిన వివరాల ప్రకారం ఆయన పదవి మేయర్‌కు సమానం. గతంలో హైనియన్ ప్రావిన్స్ స్టాండింగ్ కమిటీ మెంబర్‌గానూ ఆయన పని చేశారు. సదరు నేత అవినీతికి పాల్పడ్డాడని అధికారికంగా తేలితే ఆయనకు మరణశిక్ష విధించే అవకాశాలు ఉన్నాయి.



Source link

LEAVE A REPLY

Please enter your comment!
Please enter your name here