ఇమ్రాన్ రాజీనామా కోరుతూ లాంగ్ మార్చ్.. భారీగా తరలివచ్చిన జనం!

0
1


‘ఆజాదీ మార్చ్’పేరుతో పాకిస్థాన్ ప్రధాని ఇమ్రాన్ ఖాన్‌కు వ్యతిరేకంగా ప్రతిపక్షాలతో కలిసి హక్కుల ఉద్యమనేత భారీ ర్యాలీకి సిద్ధమయ్యారు. సదరన్ సింద్ ప్రావిన్సుల నుంచి అక్టోబరు 27న ప్రతిపక్షాలతో కలిసి హక్కుల నేత, జమియాత్ ఉలేమియా ఇస్లాం ఫజల్ అధ్యక్షుడు మౌలానా ఫజలూర్ రహ్మాన్ ప్రారంభించిన ర్యాలీ శుక్రవారం ఇస్లామాబాద్‌కు చేరుకుంది. గతేడాది జరిగిన పాక్ ఎన్నికల్లో ఇమ్రాన్ ఖాన్ అక్రమాలకు పాల్పడ్డారని, ఆయన తక్షణమే రాజీనామా చేయాలని కోరుతూ ఈ భారీ ర్యాలీని నిర్వహిస్తున్నారు.

ఇమ్రాన్ అసమర్ధ పాలనలో దేశ ఆర్థిక వ్యవస్థ నిర్వీర్యమైపోయిందని, సామాన్యుల కష్టాల మరింత రెట్టింపయ్యాయని రహ్మన్ దుయ్యబట్టారు. ముందుగా నిర్ణయించిన ప్రకారం అక్టోబరు 31 నాటికి ఈ ర్యాలీ ఇస్లామాబాద్‌కు చేరుకోవాల్సి ఉంది. కానీ, వందలాది వాహనాల్లో జనం తరలిరావడంతో ఆలస్యమైందని జేయూఐ నేతలు పేర్కొన్నారు. దక్షిణాదిన సింధ్ ప్రావిన్సుల నుంచి మొదలైన ఈ ర్యాలీ సుక్కుర్, ముల్తాన్, లాహోర్, గుజ్రాన్‌వాలా మీదుగా ఇస్లామాబాద్‌కు చేరింది.

ప్రధానమంత్రి పీఠంపై ఉన్న వ్యక్తి ఎన్నికల్లో రిగ్గింగ్‌కు పాల్పడి విజయం సాధించాడని, ఆయన రాజీనామా చేయకపోతే తరిమికొడతామని ఏఏజీ టీవీకి ఇచ్చిన ఓ ఇంటర్వ్యూలో రహ్మన్ వ్యాఖ్యానించారు. ప్రభుత్వానికి వ్యతిరేకంగా హక్కుల ఉద్యమనేత చేపట్టిన ఈ ర్యాలీకి పాకిస్థాన్ ముస్లిం లీగ్ (నవాజ్), పాకిస్తాన్ పీపుల్ పార్టీ సహ పలు విపక్షాలు మద్దతు తెలిపాయి. ఈ ర్యాలీలో పాల్గొనడానికి వేలాదిగా జనం తరలివచ్చినట్టు భద్రత వర్గాలు వెల్లడించాయి.

పేషావర్ మోర్ ప్రాంతానికి సమీపంలో ఉన్న విశాలమైన మైదానంలో ఆందోళనకారులు తమ శిబిరాలను ఏర్పాటు చేసుకున్నారు. వివిధ రాజకీయ పార్టీలు తమ కార్యకర్తలను ఈ శిబిరాలకు తరలించాయి. ఈ శిబిరంలో పీపీపీ అధినేత బిలావల్ భుట్టో జర్దారీ మాట్లాడుతూ.. ప్రధాని ఇమ్రాన్‌ ఓ తొలుబొమ్మని, ఆయన ముందు తలవంచడానికి దేశ ప్రజలు సిద్ధంగా లేరని మండిపడ్డారు. ఈ భారీ ర్యాలీకి మద్దతు ఇచ్చిన ప్రతిపక్ష పార్టీల నేతలకు రహ్మన్ ధన్యవాదాలు తెలిపారు.

శుక్రవారం ప్రార్థనల అనంతరం ర్యాలీ ప్రారంభమవుతుందని, ప్రతిపక్ష పార్టీలకు చెందిన సీనియర్ నేతలు కూడా ఇందులో పాల్గొంటారని ఆయన వివరించారు. లాంగ్ మార్చ్ నేపథ్యంలో భారీ భద్రత కల్పించారు. ప్రధాన రహదారులను మూసివేసి బారికేడ్లను ఏర్పాటుచేశారు. ఎలాంటి అవాంఛనీయ ఘటనలు చోటుచేసుకోకుండా ముందస్తు చర్యలు చేపట్టారు.



Source link

LEAVE A REPLY

Please enter your comment!
Please enter your name here