ఎనర్జీలో అన్నయ్యను కొట్టినోడు మళ్ళీ పుట్టడు- పూరి జగన్నాథ్

0
5


మెగాస్టార్ చిరంజీవి హీరోగా నటించిన ‘సైరా’ సినిమా రిలీజ్‌కి అంతా రెడీ అయిపోయింది. కీలకమయిన సెన్సార్ ఫార్మాలిటీస్ కూడా పూర్తిచేసుకుంది ‘సైరా’. ఒక్క కట్ కూడా లేకుండా యూ/ఏ సర్టిఫికెట్ దక్కించుకుంది. అయితే ఈ సినిమా ప్రీ రిలీజ్ ఫంక్షన్‌ని మిస్ అయిన పూరి ఈ సినిమా గురించి, చిరంజీవి గురించి చెబుతూ ఒక వీడియోని సోషల్ మీడియాలో పోస్ట్ చేసారు. ఆ వీడియో చూస్తే పూరికి చిరు అంటే ఎంత ప్రేమో తెలుస్తుంది. చిరంజీవి 150వ సినిమాగా పూరి డైరెక్షన్‌లో ‘ఆటో జానీ’ చెయ్యాల్సింది. కానీ కొన్ని కారణాలతో ఆ ప్రాజెక్ట్ ఆగిపోయింది. కానీ పూరి మాత్రం ఎప్పటికయినా చిరంజీవితో సినిమా చేస్తా అంటూనే ఉన్నాడు.

Also Read: బిగ్ బాస్‌తో నా జీవితం ఆగిపోలేదు.. ఇప్పుడే మొదలైంది: హిమజ భావోద్వేగం

‘సైరా’ సినిమా గురించి తక్కువ మాటల్లోనే చాలా విషయాలు చెప్పుకొచ్చాడు ఈ డాషింగ్ డైరెక్టర్. ”కొన్నాళ్ల క్రితం చరణ్ నాతో ఒక మాట చెప్పాడు, డాడ్‌తో ఒక మెమరబుల్ సినిమా తియ్యాలి, మనందరం ప్రౌడ్‌గా ఫీల్ అయ్యే సినిమా అవ్వాలి అని, మొన్న ‘సైరా’ ట్రైలర్ చూడగానే నాకు చరణ్ గుర్తుకొచ్చాడు. నిజంగా అలాంటి సినిమా తీసాడు, గ్రాండియర్ గానీ, విజువల్స్ గానీ..” అంటూ ‘సైరా’ సినిమా ప్రొడ్యూసర్ రామ్ చరణ్ పై ప్రశంసలు కురిపించాడు. అలాగే ఆ సినిమా డైరెక్టర్ సురేందర్ రెడ్డి గురించి చెబుతూ ”సురేందర్ రెడ్డి అయితే ఇరగ్గొట్టేసాడు” అని చెప్పుకొచ్చాడు.

Also Read: 14 ఏళ్లకే ముద్దుపెట్టా.. సాయి పల్లవిని పెళ్లిచేసుకుంటా: వరుణ్ తేజ్

ఇక చిన్నప్పటి నుండి చిరంజీవి కి పెద్ద ఫ్యాన్ అయిన పూరి చిరు గురించి కూడా చాలా పాజిటివ్‌గా స్పందించాడు. ”అన్నయ్య.. ఎనర్జీలో అన్నయ్యను కొట్టినోడు మళ్ళీ పుట్టడు…లవ్ యూ అన్నయ్య” అంటూ చిరంజీవిపై తన ప్రేమను, గౌరవాన్ని చాటుకున్నాడు. మెగాస్టార్ అభిమానిగా ‘సైరా’ పెద్ద హిట్ అవ్వాలని మనస్ఫూర్తిగా కోరుకుంటున్నాను అని సినిమా టీమ్‌కి తన విషెస్ చెప్పాడు పూరి. ‘ఇస్మార్ట్ శంకర్‌’తో సక్సెస్ ట్రాక్‌లోకి వచ్చిన పూరి ప్రస్తుతం విజయ్ దేవరకొండతో ‘ఫైటర్’ అనే సినిమాని తెరకెక్కించబోతున్నాడు. మరోపక్క ‘పైసా వసూల్’ సినిమాతో డిజాస్టర్ ఇచ్చిన బాలకృష్ణకు ఒక హిట్ ఇస్తా అని ఒక కథను రెడీ చేసే పనిలో ఉన్నాడు. మరి చిరంజీవిని అంతగా అభిమానించి, అన్నయ్య అని పిలిచే పూరి మరి మెగాస్టార్‌తో సినిమా ఎప్పుడు స్టార్ట్ చేస్తాడో చూడాలి.అక్టోబర్ 2న థియేటర్స్ లో సైరా ప్రభంజాన్ని కళ్లారా చూడడానికి సెలబ్రిటీలు సైతం సామాన్య ప్రేక్షకుల్లా వేచి ఉన్నారు అనడానికి ఈ వీడియోనే ఉదారణ.





Source link

LEAVE A REPLY

Please enter your comment!
Please enter your name here