ఎన్టీఆర్ 18 ఏళ్ల జ్ఞాపకం.. అన్నీ మారాయి, ఆ ఒక్కటి తప్ప!

0
1


దేశం గర్వించదగిన దర్శకుడిగా ఎదిగిన దర్శకధీరుడు ఎస్.ఎస్.రాజమౌళి తన ప్రయాణాన్ని యంగ్ టైగర్ ఎన్టీఆర్‌తో మొదలుపెట్టారు. దర్శకేంద్రుడు కె.రాఘవేంద్రరావు పర్యవేక్షణలో ఎస్.ఎస్.రాజమౌళిని దర్శకుడిగా పరిచయం చేస్తూ తెరకెక్కించిన సినిమా ‘స్టూడెంట్ నెం.1’. ఎన్టీఆర్‌కు నటుడిగా గుర్తింపు తెచ్చింది కూడా ఈ సినిమానే. ఆ తరవాత రాజమౌళి, ఎన్టీఆర్ కాంబినేషన్‌లో ‘సింహాద్రి’, ‘యమదొంగ’ వచ్చాయి. ఈ సినిమాలు ఎలాంటి విజయాలను అందుకున్నాయో తెలుగు ప్రేక్షకులకు తెలిసిందే.

ఇదిలా ఉంటే, ప్రస్తుతం రాజమౌళి దర్శకత్వంలో తెరకెక్కుతోన్న ‘RRR’ చిత్రంలో ఎన్టీఆర్ ఒక హీరోగా నటిస్తోన్న సంగతి తెలిసిందే. రామ్ చరణ్ మరో హీరో. ఈ సినిమా షూటింగ్ ఇప్పుడు రామోజీ ఫిలిం సిటీలో జరుగుతోంది. ఈ సందర్భంగా ఎన్టీఆర్‌కు ఆర్ఎఫ్‌సీలో ఒక ప్రాంతం తన ‘స్టూడెంట్ నెం.1’ జ్ఞాపకాన్ని గుర్తుకు తెచ్చింది. వెంటనే ఆయన ఇన్‌స్టాగ్రామ్ ద్వారా ఆ జ్ఞాపకాన్ని అభిమానులతో పంచుకున్నారు. ఈ పోస్ట్ చాలా ఆసక్తికరంగా ఉంది.

Also Read: చిరు ప్రమోషన్స్ షురూ.. అమితాబ్‌తో ఛాయ్, చిట్ చాట్

‘‘స్టూడెంట్ నెం.1 సినిమాకు 18 ఏళ్లు. అనుకోకుండా ఆర్ఎఫ్‌సీలో 18 ఏళ్ల కిత్రం ఎక్కడైతే షూట్ చేశామో అక్కడే ఈరోజు మేం షూటింగ్ చేస్తున్నాం. చాలా మారిపోయింది. కానీ, జక్కన ఎస్.ఎస్.రాజమౌళితో కలిసి పనిచేస్తున్నప్పుడు వచ్చే ఫన్ మాత్రం మారలేదు’’ అని ఎన్టీఆర్ తన పోస్టులో పేర్కొన్నారు. అంతేకాదు, ‘స్టూడెంట్ నెం.1’లో క్లిప్, ప్రస్తుతం అదే చోట రాజమౌళికి చేయి అందిస్తున్న క్లిప్‌ను ఎన్టీఆర్ తన పోస్టులో పొందుపరిచారు.

షూటింగ్‌లో భాగంగా రామోజీ ఫిల్మ్ సిటీకి వెళ్లడం.. అందులోనూ, 18 ఏళ్ల క్రితం షూటింగ్ చేసిన చోటే మళ్లీ అదే దర్శకుడితో ఎన్టీఆర్ షూటింగ్ చేయడం నిజంగా చాలా గొప్ప అనుభూతిని ఇస్తుంది. అందుకే, తన ఆనందాన్ని తారకరాముడు ఇలా అభిమానులతో పంచుకున్నారు.

View this post on Instagram

‪18 Years of #StudentNo1 .. Coincidentally we are shooting in RFC today,where 18 years ago we filmed this shot..So much has changed..But the fun of working together with Jakkanna @ssrajamouli hasn’t!! ‬

A post shared by Jr NTR (@jrntr) on





Source link

LEAVE A REPLY

Please enter your comment!
Please enter your name here