ఎయిర్‌పోర్ట్‌ సిబ్బందిని పరుగులు పెట్టించిన చిన్నారి, అది ఎక్కడంతో..

0
2


చిన్నారులతో ప్రయాణమంటే అంత ఈజీ కాదు. వారు కుదురుగా ఒక చోట ఉండకుండా అటూ ఇటూ పరిగెడుతూనే ఉంటారు. ఏ మాత్రం నిర్లక్ష్యంగా ఉన్నా.. ఏదో ఒక ముప్పు తెచ్చిపెడతారు. ఇదిగో అమెరికాలో ఓ మహిళకు అలాంటి చేదు అనుభవమే ఎదురైంది. అట్లాంటా విమానాశ్రయంలో విమానం ఎక్కేందుకు వెళ్లిన ఆమెకు కొడుకు చుక్కలు చూపించాడు.

బోర్డింగ్ పాస్ తీసుకుంటుండగా ఆమె రెండేళ్ల కొడుకు లగేజ్‌ను తనిఖీ చేసే కన్వేయర్ బెల్ట్ ఎక్కేశాడు. అది గమనించే సరికే అతడు స్కానింగ్ రూమ్‌లోకి వెళ్లిపోయాడు. అతడిని పట్టుకోడానికి ప్రయత్నించగా భద్రతా సిబ్బంది అడ్డుకున్నారు. లగేజీ కన్వేయర్ బెల్ట్‌పై తన కొడుకు ఉన్నాడని మొత్తుకోవడంతో సిబ్బంది అప్రమత్తమయ్యారు. కన్వేయర్ బెల్ట్‌‌పై ఉన్న బాలుడిని రక్షించారు. ఈ ఘటనలో చిన్నారి భుజానికి స్వల్పంగా గాయమైనట్లు అధికారులు తెలిపారు. ఇదంతా విమానాశ్రయంలోని సీసీటీవీ కెమేరాల్లో రికార్డైంది. కన్వేయర్ బెల్ట్ ‌లోకి వెళ్లిన తర్వాత ఆ పిల్లాడు భయంతో ఏడ్చేశాడు. దాని నుంచి బయటపడేందుకు ఆ చిన్నారి పడిన పాట్లు చూస్తే గుండె బరువెక్కుతుంది.



Source link

LEAVE A REPLY

Please enter your comment!
Please enter your name here