ఎర్రగా మారిన ఇండోనేషియా ఆకాశం.. చూస్తే కళ్లు బైర్లు కమ్ముతాయి!

0
5


‘‘ఆకాశం చూశావా, పైనేదో మర్డర్ జరిగినట్లు లేదు’’ డైలాగ్ గుర్తుందా? ‘ముత్యాల ముగ్గు’ సినిమాలో రావు గోపాల రావు చెప్పిన డైలాగు ఇండోనేషియాకు అచ్చు గుద్దినట్లు సరిపోతుంది. సాధారణంగా సంధ్యా సమయంలో సూర్యుడి ఎర్రబడటం వల్ల జాంబీ ప్రాంతంలో ఆకాశం ఎర్రగా మారుతుందనే సంగతి తెలిసిందే. కానీ, అక్కడ పట్టపగలే ఎర్రబారింది.

Read also: బాబోయ్ ఇదేం జీవి?.. చెట్టు వేర్ల తరహా శరీరంతో వణికిస్తున్న కీటకం

ఆ రంగు వల్ల పరిసర ప్రాంతాలన్నీ ఎర్రగానే కనిపించాయి. దీంతో స్థానికులు ఈ అరుదైన ఘటనను వీడియోలు, ఫొటోలు తీసుకుని సోషల్ మీడియాలో పోస్టు చేశారు. ఆకాశం ఇలా ఎర్ర రంగు పులుముకోవడానికి కారణం సూర్యుడు కాదని, అక్కడ అడవులు దహనం కావడమేనని పర్యావరణవేత్తలు పేర్కొన్నారు.

సోషల్ మీడియాలో దీనిపై పెద్ద చర్చే జరుగుతోంది. ‘‘ఇది అంగారక గ్రహం కాదు, మన భూమి పట్టపగలే పరిసరాలు ఎంత ఎర్రగా మారాయో చూడండి’’ అని ఓ ట్విట్టర్ యూజర్ కామెంట్ చేశాడు. ‘‘ఎర్రదనమే కాదు.. ఆ ప్రాంతాన్ని దట్టమై పొగ కూడా ఆవరించింది.
ఈ వాతావరణం వల్ల మేం ఊపిరి పీల్చుకోలేక ఇబ్బంది పడ్డాం’’ అని మరికొందరు తెలిపారు. దీనిపై కోపర్నికస్ వాతావరణ పర్యవేక్షణ సంస్థ (CAMS) స్పందిస్తూ.. వేలాది ఎకరాలు అటవీ ప్రాంతాలు అగ్నికి ఆహుతి కావడం వల్ల ఇలాంటి వాతావరణం ఏర్పడిందని తెలిపింది.

Read also: TCS ఉద్యోగిని ఆత్మహత్య.. సీసీటీవీలో దృశ్యాలు





Source link

LEAVE A REPLY

Please enter your comment!
Please enter your name here