ఒంటె మూత్రం తాగితే ఆరోగ్యం.. గిరాకీ పెరగడంతో.. తన మూత్రాన్నే బాటిళ్లలో నింపి..

0
2


మన దగ్గర గోమూత్రం పవిత్రమైందని భావిస్తున్నారు. గోమూత్రాన్ని సేవించడం ద్వారా వ్యాధులు నయం అవుతాయని నమ్ముతారు. అలాగే అరబ్ దేశాల్లో ఒంటె పాలు, మూత్రాన్ని కలిపి సేవించడం మంచిదని భావిస్తారు. ఒంటె మూత్రాన్ని సేవించడం వల్ల రోగాలు తగ్గుతాయని నమ్ముతారు. దీంతో మన దగ్గర బాటిళ్లలో గోమూత్రాన్ని విక్రయించినట్టే.. సౌదీలో బాటిళ్లలో ఒంటె మూత్రాన్ని విక్రయిస్తారు.

సౌదీ అరేబియాలోని అల్ ఖున్‌ఫందాహ్ అనే పట్టణంలో ఒంటె మూత్రం బాటిళ్లను విక్రయించే ఓ షాప్‌ను తనిఖీ చేసిన హెల్త్ ఇన్స్‌పెక్టర్లు షాకయ్యారు. షాపు యజమాని కస్టమర్లకు ఎలాంటి అనుమానం రాకుండా.. ఒంటె మూత్రానికి బదులు తన శరీర వ్యర్థాలను బాటిళ్లలో ఉంచి విక్రయిస్తున్నట్టు గుర్తించారు. ఆ షాపు నుంచి 70కిపైగా బాటిళ్లను స్వాధీనం చేసుకున్నారు.

ఒంటె మూత్రం, పాలను కలిపి సేవించడం అనేది శతాబ్దాలుగా ఉన్న అలవాటు. దీని వల్ల ఆరోగ్య ప్రయోజనాలు లభిస్తాయని నమ్ముతారు. చర్మ వ్యాధులు తగ్గుతాయని, అల్సర్లు తగ్గుతాయని భావిస్తారు. జుట్టు మందంగా పెరుగుతుందని, చుండ్రు సమస్య తగ్గుందని చెబుతారు.

విదేశాల నుంచి మదీనా వచ్చిన కొందరు గిరిజన ప్రజలకు వాతావరణం సరిపడలేదు. దీంతో ఒంటె పాలు, మూత్రాన్ని తాగాలని మహ్మద్ ప్రవక్త వారికి సూచించారని ఇస్లాం పవిత్ర గ్రంథం ఖురాన్ చెబుతోంది. మహ్మద్ ప్రవక్త సలహాతో ఒంటె మూత్రం, పాలను సేవించిన వారి ఆరోగ్యం మెరుగైందట. కాగా.. ఒంటె మూత్రాన్ని సేవించొద్దని ప్రపంచ ఆరోగ్య సంస్థ హెచ్చరించింది. మధ్యప్రాచ్యంలో మెర్స్ వైరస్ వ్యాపించండంతో.. పచ్చి ఒంటె పాలు, మూత్రాన్ని తాగడం మానేయాలని ప్రజలకు సూచించింది.



Source link

LEAVE A REPLY

Please enter your comment!
Please enter your name here