ఒకే నెలలో 23 సార్లు పెళ్లి, విడాకులు.. తల్లీ, చెల్లినీ వదలని ఘనులు!

0
2


హుశా, మీరు ఇలాంటి ఘటనలు గురించి ఇదివరకు ఎప్పుడూ విని ఉండరు. ఒకే కుటుంబానికి చెందిన 11 మంది కుటుంబ సభ్యులు ఒకరినొకరు 23 సార్లు పెళ్లి చేసుకుని.. 23 సార్లు విడాకులు తీసుకున్నారు. చివరికి చెల్లి, తల్లిని కూడా పెళ్లి చేసుకుని, విడాకులిచ్చారు. ఇదేదో వారి సాంప్రదాయం అనుకుంటే పొరపాటే. ఇది వారి ఖతర్నాక్ ప్లాన్.

ఎందుకలా?: చైనాలోని జెజియాంగ్‌లో ప్రభుత్వం అభివృద్ధి పనులు చేపడుతోంది. ఇందులో భాగంగా అక్కడి అక్కడ ఇళ్లు కోల్పోయే నిర్వాసితులకు 40 చదరపు మీటర్ల విస్తీర్ణంలో అపార్టుమెంట్ ఫ్లాట్లను ఇస్తామని ప్రభుత్వం ప్రకటించింది. దీంతో పాన్ అనే వ్యక్తికి ఓ ఐడియా వచ్చింది. అదే ప్రాంతంలో నివస్తున్న తన మాజీ భార్యను పెళ్లి చేసుకుని తన పేరును రిజిస్టర్ చేసుకున్నాడు. దీంతో ప్రభుత్వం అతడికి ఫ్లాట్ కేటాయించింది. ఆ పత్రాలు అందుకోగానే పాన్ ఆమెకు విడాకులు ఇచ్చాడు.

Read also: ఓరి దేవుడో, భర్తను కరిచిందని.. ఒంటె వృషణాలను కొరికేసిన భార్య!

ఆ తర్వాత పాన్ తన సొంత చెల్లినే పెళ్లి చేసుకుని మరో ఇల్లు సంపాదించాడు. ఆ తర్వాత ఆమెకు విడాకులు ఇచ్చి మరదలిని పెళ్లి చేసుకున్నాడు. ఆమెకు ఇల్లు లభించిన తర్వాత విడాకులు తీసుకుని మరొకరని పెళ్లి చేసుకున్నాడు. మరోవైపు పాన్ తండ్రి కూడా తన కుటుంబంలోని మహిళలను పెళ్లి చేసుకోవడం మొదలుపెట్టాడు. చివరికి అతడి తల్లిని పెళ్లి చేసుకుని విడాకులిచ్చాడు. ఇలా వారంతా కలిసి ఒకే నెలలో 23 సార్లు పెళ్లిల్లు చేసుకుని విడాకులు తీసుకున్నారు.

అదెలా సాధ్యం?: బయట వ్యక్తులు అక్కడ స్థానికత్వం పొందాలంటే తప్పకుండా ఆ ప్రాంతానికి చెందిన వ్యక్తిని పెళ్లి చేసుకోవాలి. అందుకే పాన్ మొదట తన మాజీ భార్యను పెళ్లి చేసుకుని స్థానికత్వం పొందాడు. ఆ తర్వాత తన చెల్లిని పెళ్లి చేసుకుని ఆమెకు కూడా స్థానికత్వం కల్పించాడు. విడాకులు తీసుకున్న తర్వాత ఆమె ఒంటరి మహిళ అవుతుంది. దీంతో ప్రభుత్వం ఆమెకు ప్రత్యేకంగా ఇల్లు కేటాయించాలి. ఈ నిబంధనల్లో లొసుగులను తమకు అనుకూలంగా మార్చుకుని పాన్ ఈ మోసాలకు పాల్పడ్డాడు.

Read also:
నువ్వు దేవుడు సామీ.. ఉద్యోగుల జీతాన్ని ఒకేసారి రూ.7 లక్షలకు పెంచిన బాస్!

ఇలా దొరికిపోయారు: ఇటీవల గ్రామ పునరాభివృద్ధి కమిటీ.. నిర్వాసితుల వివరాలను పరిశీలించింది. నెల వ్యవధిలోనే పెరిగిన నిర్వాసితుల సంఖ్యను పరిశీలించగా.. వీరి వివరాలు బయటపడ్డాయి. విడాకులు తీసుకుని ఇల్లు పొందిన వ్యక్తులంతా ఒకే కుటుంబానికి చెందినవారని తెలియడంతో అధికారులు పోలీసులకు ఫిర్యాదు చేశారు. ఈ కేసులో 11 మంది కుటుంబ సభ్యులను పోలీసులు అరెస్టు చేశారు. వీరిలో నలుగురు ఇంకా కస్టడీలో ఉన్నారు. మిగతా నిందితులు బెయిల్ మీద విడుదలయ్యారు.



Source link

LEAVE A REPLY

Please enter your comment!
Please enter your name here