కలను నిజమనుకుని.. నిద్రలో ఉంగరాన్ని మింగేసిన మహిళ

0
3


నిద్రలో వచ్చే కొన్ని కలలు నిజంగానే కళ్ల ముందు జరుగుతున్నాయేమో అనిపిస్తుంటాయి. కళ్లు తెరిచి చూసిన తర్వాతే అది కల అని తెలిసి ఊపిరి పీల్చుకుంటాం. కాలిఫోర్నియాలోని శాన్ డియాగోకు చెందిన జెన్నా ఎవాన్స్‌ కూడా అలాంటి కలా వచ్చింది. అయితే, ఆమె ఆ కలను చాలా సీరియస్‌గా తీసుకుంది. తన చేతికి ఉన్న ఎంగేజ్మెంట్ ఉంగరాన్ని తీసి లటుక్కున మింగేసింది.

Read also: దోమ కాటుకు ఆగిన గుండె, కుళ్లిన చర్మం.. చావును చూసొచ్చిన మహిళ

నిద్రలేచి చూసుకున్న తర్వాత చేతికి రింగు కనిపించలేదు. దీంతో ఉంగారన్ని మింగినట్లు వచ్చిన కలను నిజం చేసినట్లు తెలుసుకుంది. వెంటనే తన భర్త బాబ్ హావెల్‌ను నిద్రలేపి అసలు విషయం చెప్పింది. ‘‘నిద్రలో నేను నా భర్తతో కలిసి హైస్పీడ్ రైలులో ప్రయాణిస్తున్నట్లు కల వచ్చింది. అందులో కొంతమంది దుండగులు మమ్మల్ని చుట్టుముట్టారు. దీంతో నా భర్త వెంటనే చేతికి ఉన్న ఎంగేజ్మెంట్ ఉంగరాన్ని తీసేసి మింగేయమని చెప్పాడు. నేను మింగేశా. నిద్రలేచి చూసే సరికి ఉంగరం లేదు’’ అని ఫేస్‌బుక్‌ పోస్టులో వెల్లడించింది.
ఈ విషయం తెలియగానే తన భర్త పగలబడి నవ్వాడని జెన్నా తెలిపింది. ఆ తర్వాత ఈ విషయం తెలిసి తన అత్త కూడా నవ్విందని, సుమారు 2 గంటల సేపు తామంతా నవ్వుతూనే ఉన్నామని చెప్పింది. ఆ నవ్వులకు తమ కళ్లల్లో నీళ్లు తిరిగాయని, పెద్దవాళ్లు ఎవరైనా ఇలా ఉంగరాలు మింగిన సందర్భాలు ఉన్నాయా అనే విషయంపై తాను గూగుల్‌లో సెర్చ్ చేశానని పేర్కొంది.

Read also: కోడి గుడ్లు పేలి ఆసుపత్రిపాలైన యువతి.. ఆ పొరపాటే కొంప ముంచింది

జెన్నాకు వైద్య పరీక్షలు నిర్వహించిన డాక్టర్లు ఆమె కడుపులో ఉంగరాన్ని గుర్తించారు. బహుశా ఆమె ఉంగరాన్ని మింగేసిందనే విషయాన్ని గుర్తించి ఉండకపోతే.. అది విసర్జనతో బయటకు పోయేదని వైద్యులు తెలిపారు. ఆ ఉంగరం పేగుల్లో ఉన్నట్లు గుర్తించిన వైద్యులు.. గాస్ట్రోఎంటరోలాజిస్ట్‌ సాయంతో ఎండోస్కోపీ విధానంలో ఉంగారన్ని బయటకు తీశారు.

Read also: షాకింగ్.. ఆమె కడుపు కోస్తే 1.5 కిలోల నగలు, నాణేలు బయటపడ్డాయి!



Source link

LEAVE A REPLY

Please enter your comment!
Please enter your name here