కోడి గుడ్లు పేలి ఆసుపత్రిపాలైన యువతి.. ఆ పొరపాటే కొంప ముంచింది

0
0


మైక్రోవేవ్ ఓవెన్‌లో వంట చేస్తున్నారా? అయితే, జాగ్రత్త ఈ యువతికి ఏర్పడిన పరిస్థితే మీకూ ఎదురుకావచ్చు. ముఖ్యంగా గుడ్లతో వంటకాలు చేసేప్పుడు చాలా జాగ్రత్తగా ఉండాలి. ఇంగ్లాండ్‌లోని వర్సెస్టర్‌సైర్ నగరానికి చెందిన బెదానీ రాసర్ (22) అనే యువతి డెలీష్ అనే వెబ్‌సైట్‌లో వంట తయారీని చూస్తూ కోడి గుడ్లతో సరికొత్త వంటకం తయారీకి సిద్ధమైంది.

ఆ పుస్తకంలో చెప్పినట్లు మైక్రోవేవ్ ఓవెన్‌లో కోడి గుడ్లు పెట్టింది. అవి పేలకుండా ఉండాలంటే ఉప్పు పెట్టాలని ఆ పుస్తకంలో ఉంది. దీంతో ఆమె అలాగే చేసింది. ఆ గుడ్లు మైక్రోవేవ్ ఓవెన్‌లో ఉన్నంత సేపు బాగానే ఉన్నాయి. వాటిని బయటకు తీసిన వెంటనే పేలిపోయాయి. దీంతో ఆమె ముఖంలో కుడివైపు భాగం కాలిపోయింది. ఆమె కన్ను వాపుతో మూసుకుపోయింది. ఈ ఘటన చోటుచేసుకోగానే ఎమర్జన్సీ నెంబర్‌కు డయల్ చేసి సాయం కోరింది.

వైద్యులు హుటాహుటిన ఆమె ఇంటికి చేరుకుని ప్రథమ చికిత్స అందించారు. అనంతరం ఆసుపత్రికి తీసుకెళ్లారు. వైద్యులు వెళ్లడం కొంచెం ఆలస్యమైనా ఆమె కంటి చూపు కోల్పోయేదని ఆస్పత్రివర్గాలు చెప్పాయి. ప్రస్తుతం ఆమె ముఖంపై కాలిన గాయాలు ఉన్నాయి. కన్ను బాగా వాచిపోవడంతో ఆమె చూడలేకపోతోంది.

పేలతాయని తెలిసి కూడా చేసింది: మైక్రోవేవ్ ఓవెన్‌లో కోడిగుడ్లు పెడితే పేలతాయని తనకు తెలుసని బాధితురాలు రాసర్ తెలిపింది. తన కజిన్‌కు కూడా ఇలాంటి ప్రమాదమే జరిగిందని, గుడ్లు మైక్రోఓవెన్‌లో పేలడం వల్ల ఆమెకు ఏమీ కాలేదని పేర్కొంది. గుడ్లు పేలి ముఖానికి అంటుకోగానే చర్మం ఊడిపోతున్నట్లు అనిపించిందని, భయంతో కేకలు పెట్టానని తెలిపింది. రాసర్ ప్రస్తుతం గాయాల నుంచి కోలుకుంటోంది.



Source link

LEAVE A REPLY

Please enter your comment!
Please enter your name here