‘గద్దలకొండ గణేష్’ ఫస్ట్ వీక్ కలెక్షన్.. డిస్ట్రిబ్యూటర్లు సేఫ్

0
3


మెగా ప్రిన్స్ వరుణ్ తేజ్, డైరెక్టర్ హరీష్ శంకర్ కాంబినేషన్‌లో వచ్చిన మాస్ యాక్షన్ మూవీ ‘గద్దలకొండ గణేష్’. గత శుక్రవారం విడుదలైన ఈ సినిమా తొలిరోజే ప్రేక్షకుల నుంచి మిశ్రమ స్పందనను సొంతం చేసుకుంది. కొంత మంది సినిమా సూపరంటే.. మరికొందరు పెద్దగా ఏమీలేదు అని పెదవి విరిచారు. మొత్తం మీద మాస్ ఆడియన్స్‌ను ఆకట్టుకోవడంతో ‘గద్దలకొండ గణేష్’ బాక్సాఫీసు వద్ద బాగానే వసూళ్లు రాబడుతున్నాడు.

గురువారం ముగిసేసరికి అంటే తొలి వారం ముగిసేనాటికి ‘గద్దలకొండ గణేష్’ ప్రపంచ వ్యాప్తంగా సుమారు రూ.19.70 కోట్ల షేర్‌ను రాబట్టింది. కొన్ని ఏరియాల్లో ఇప్పటికే అసలు మొత్తాన్ని ఈ సినిమా వసూలు చేసింది. కొన్ని ప్రాంతాల్లో దగ్గరలో ఉంది. మొత్తానికి డిస్ట్రిబ్యూటర్లను సేఫ్ జోన్‌లో వేసింది. మరి ఏ మేరకు లాభాలు రాబడుతుందో చూడాలి.

Also Read: ఎన్టీఆర్ 18 ఏళ్ల జ్ఞాపకం.. అన్నీ మారాయి, ఆ ఒక్కటి తప్ప!

వాస్తవానికి గడిచిన శని, ఆదివారాల్లో ఈ సినిమా మంచి వసూళ్లను రాబట్టింది. కానీ, సోమవారం నుంచి వసూళ్లు తగ్గుతూ వచ్చాయి. సోమవారంతో పోలిస్తే మంగళవారం 35 శాతం వసూళ్లు పడిపోయాయి. మంగళవారంతో పోలిస్తే బుధవారం మరో 30 శాతం కలెక్షన్ డ్రాప్ అయ్యింది. గురువారం కూడా ఇదే పరిస్థితి కనిపించింది. కాబట్టి, సినిమా లాభాల బాట పట్టాలంటే రెండో వారం కీలకం. అందులోనూ ఈ శని, ఆదివారాలు చాలా కీలకం.

నైజాం, ఉత్తరాంధ్ర, గుంటూరు, తూర్పుగోదావరి, కృష్ణా ఏరియాల్లో బ్రేక్ఈవెన్ మార్క్‌కు ఈ సినిమా చాలా దగ్గరలో ఉంది. పశ్చిమగోదావరి, నెల్లూరు అసలు కన్నా ఎక్కువే వసూలైంది. కానీ, సీడెడ్‌లో కూడా అసలుకు కాస్త దగ్గరలోనే ఉంది. అయితే, ఓవర్‌సీస్‌లో మాత్రం ‘గద్దలకొండ గణేష్’ పెర్ఫార్మెన్స్ అస్సలు బాలేదు. అక్కడ ఇప్పటి వరకు సుమారు 60 శాతం మాత్రమే వసూలైంది.

మొత్తంగా చూసుకుంటే ఈ సినిమా థియేట్రికల్ రైట్స్ ప్రపంచ వ్యాప్తంగా రూ. 23.30 కోట్లకు అమ్మారు. తెలుగు రాష్ట్రాల్లో సుమారు రూ.19.30 కోట్లకు విక్రయించారు. ఇప్పటికే ఏపీ, తెలంగాణలో రూ.17.03 కోట్లు వసూలైంది. ఇంకో రూ.2.5 కోట్లు వసూలైతే ఇక్కడి డిస్ట్రిబ్యూటర్లంతా సేఫే. చూద్దాం రెండో వారం కలెక్షన్లు ఏ మేర వస్తాయో..!

ప్రాంతాల వారీగా ‘గద్దలకొండ గణేష్’ ఏడురోజుల షేర్
నైజాం – రూ. 6.15 కోట్లు
సీడెడ్ – రూ. 2.80 కోట్లు
ఉత్తరాంధ్ర – రూ. 2.10 కోట్లు
గుంటూరు – రూ. 1.50 కోట్లు
తూర్పుగోదావరి – రూ. 1.25 కోట్లు
పశ్చిమగోదావరి – రూ. 1.22 కోట్లు
కృష్ణా – రూ. 1.28 కోట్లు
నెల్లూరు – రూ. 73 లక్షలు
ఏపీ, తెలంగాణలో మొత్తం – రూ. 17.30 కోట్లు
దేశంలో ఇతర ప్రాంతాల్లో – రూ. 1.10 కోట్లు
ఓవర్‌సీస్ – రూ. 1.5 కోట్లు
ప్రపంచ వ్యాప్తంగా – రూ. 19.63 కోట్లు



Source link

LEAVE A REPLY

Please enter your comment!
Please enter your name here