చిరంజీవి ఇంటి ముందు ఆత్మహత్య చేసుకుంటాం.. ఉయ్యాలవాడ వారసులు

0
1


సైరా సినిమా హీరో చిరంజీవి, నిర్మాత రామ్ చరణ్ తమకు న్యాయం చేయాలని ఉయ్యాలవాడ నరసింహా రెడ్డి వారసులు డిమాండ్ చేస్తున్నారు. తమ నుంచి విలువైన సమాచారం తీసుకొని, తమ ఆస్తులు, స్థలాలు వాడుకొని మోసం చేశారని ఆవేదన వ్యక్తం చేశారు. ఉయ్యాలవాడ నరసింహా రెడ్డి చరిత్రతో వ్యాపారం చేస్తున్న హీరో రామ్ చరణ్ తమను మోసం చేశారని ఆరోపించారు. తమకు న్యాయం జరక్కపోతే మెగాస్టార్ చిరంజీవి ఇంటి ముందు ఆత్మహత్య చేసుకుంటామని హెచ్చరించారు.

సైరా నరసింహారెడ్డి పేరుతో చిత్రీకరించిన సినిమా కోసం తమ నుంచి సమాచారం తీసుకొని రామ్ చరణ్ ఇప్పుడు మొఖం చాటేశారని ఉయ్యాలవాడ నరసింహారెడ్డి వంశస్థులు ఆగ్రహం వ్యక్తం చేశారు. సోమవారం (సెప్టెంబర్ 23) హైదర్‌గూడలోని ఎన్ఎస్ఎస్‌లో ఉయ్యాలవాడ నరసింహారెడ్డి వారసులు, దక్షిణాది ఉయ్యాలవాడ నర్సింహారెడ్డి సేవా సమితి అధ్యక్షుడు కేతిరెడ్డి జగదీశ్వర్ రెడ్డి సమావేశం నిర్వహించారు.

Also Read: చిరంజీవి, రామ్ చరణ్‌పై పోలీసులకు ఫిర్యాదు

తమకు న్యాయం చేస్తామని చిరంజీవి, రామ్ చరణ్ హామీ ఇవ్వాలని ఉయ్యాలవాడ వంశస్థులు డిమాండ్ చేశారు. వారు ఇచ్చిన మాట తప్పారని.. న్యాయం కోసం పోరాటం చేస్తే తమపై అక్రమ కేసులు బనాయిస్తున్నారని ఆవేదన వ్యక్తం చేశారు. తమకు న్యాయం జరిగే వరకూ సైరా నరసింహారెడ్డి సినిమాను విడుదల చేయొద్దంటూ హైకోర్టులో పిటిషన్ దాఖలు చేసినట్లు తెలిపారు.

రాష్ట్ర ఉన్నత న్యాయస్థానంలో సైరా చిత్రంపై దాఖలు చేసిన పిటిషన్‌లో రాష్ట్ర ప్రభుత్వం, సెన్సార్ బోర్డ్ మెంబర్స్, చిత్ర హీరో చిరంజీవి, ప్రొడ్యూసర్ రామ్ చరణ్, అమితాబ్ బచ్చన్, డైరెక్టర్ సురేందర్ రెడ్డిని బాధ్యులుగా చేర్చినట్లు ఉయ్యాలవాడ వారసులు తెలిపారు. చిత్ర ప్రారంభంలో తమను ఇంటికి పిలిపించుకొని తమతో రామ్ చరణ్ సంతకాలు తీసుకున్నారని తెలిపారు. ఆయన చరిత్రను తెలిపినందుకు వారసులుగా తమకు కొంత డబ్బు చెల్లిస్తామని మాట ఇచ్చారని చెప్పారు.

Don’t Miss: సైరా: తమన్నా, కిచ్చా సుదీప్ సీన్స్.. కెవ్వు కేక

ఇప్పుడు సినిమా నిర్మాణం పూర్తి చేసుకున్నాక తమకు ఇచ్చిన మాటను తప్పి.. సిటీ సివిల్ కోర్ట్ నుంచి నోటీసులు పంపించారని ఉయ్యాలవాడ వంశస్థులు తెలిపారు. ఇప్పటికైనా నిర్మాత రామ్ చరణ్, హీరో చిరంజీవి దీనిపై స్పందించి తమకు ఇచ్చిన హామీ మేరకు ఆదుకోవాలని కోరారు. లేని పక్షంలో సినిమా విడుదల రోజునే చిరంజీవి ఇంటి ముందు ఆత్మహత్యలు చేసుకుంటామని హెచ్చరించారు.

ఉయ్యాలవాడ నరసింహారెడ్డి కుటుంబానికి చెందిన 23 మంది బంధువులను సినిమా యూనిట్ గుర్తించినట్లు ఆ వంశస్థులు చెబుతున్నారు. సినిమా ప్రారంభ సమయంలో తమకు న్యాయం చేస్తామని డైరెక్టర్, ప్రొడ్యూసర్ హామీ ఇచ్చారని చెప్పారు. తమ స్థలాలను, ఆస్తులను వాడుకున్నారని తెలిపారు. 23 మందికి రూ.50 కోట్లు ఇస్తామని చిత్ర యూనిట్ చెప్పినట్లు ఆరోపిస్తున్నారు.

Must Read: మెట్రో విషాదం.. మౌనిక కుటుంబానికి రూ.20 లక్షలు, జాబ్

కొణిదెల ప్రొడక్షన్‌ కంపెనీ బ్యానర్‌పై రామ్‌ చరణ్‌ నిర్మిస్తున్న ఈ సినిమాను ఆక్టోబర్ 2న ప్రపంచవ్యాప్తంగా భారీ ఎత్తున్న విడుదల చేయడానికి ఏర్పాట్లు జరుగుతున్నాయి. యంగ్ డైరెక్టర్ సురేందర్ రెడ్డి ఈ చిత్రాన్ని తెరకెక్కించారు. చిరంజీవి సరసన నయనతార, తమన్నా నటించారు. బాలీవుడ్ మెగాస్టార్ అమితాబ్‌ బచ్చన్‌ ఈ సినిమాలో ఓ కీలక పాత్రలో కనిపిస్తున్నారు. విజయ్‌ సేతుపతి, సుదీప్‌, జగపతిబాబు తదితరులు ఈ సినిమాలో కీలక పాత్రలు పోషిస్తున్నారు.



Source link

LEAVE A REPLY

Please enter your comment!
Please enter your name here