చైనాలో ముస్లింల పరిస్థితిపై ఎందుకు మాట్లాడరు? పాక్‌కు అమెరికా సూటి ప్రశ్న!

0
3


కశ్మీర్‌లో మానవ హక్కుల ఉల్లంఘన యథేచ్చగా జరుగుతోందని గగ్గోలు పెడుతోన్న పాకిస్థాన్.. చైనాలోని ముస్లింల పట్ల ఆ ప్రభుత్వం అవలంభిస్తోన్న వైఖరిని ఎందుకు ప్రశ్నించడం లేని అగ్రరాజ్యం అమెరికా నిలదీసింది. ఇక్కడే మీ ద్వంద్వ వైఖరి బయటపడిందని అమెరికా దక్షిణ, మధ్య ఆసియా వ్యవహరాల మంత్రి అలీస్ వెల్స్ మండిపడ్డారు. చైనా గురించి పాకిస్థాన్ ప్రధాని ఇమ్రాన్ ఖాన్ ఎందుకు మాట్లాడం లేదని ఆయన ప్రశ్నించారు. దాదాపు 10 లక్షల మంది ఉఘుర్లు, టర్కీ మాట్లాడే ముస్లింలను చైనా ప్రభుత్వం నిర్బంధంలోకి తీసుకుంటే మీరెందుకు నోరువిప్పడం లేదని వెల్స్ దుయ్యబట్టారు. పశ్చిమ చైనాలోని ముస్లిం వర్గాల పట్ల అక్కడ ప్రభుత్వం అనుసరిస్తోన్న విధానాలపై వెల్స్ ప్రస్తావించారు.

Read Also:
కశ్మీర్’పై చేతులెత్తేసిన పాక్ ప్రధాని!

కశ్మీర్‌లో మానవ హక్కుల ఉల్లంఘనకు పాల్పడుతున్నారని అంటున్నారు సరే చైనాలోని ముస్లింల పరిస్థితులు మరీ దారుణంగా ఉన్నాయని, ఈ అంశం గురించి ఐక్యరాజ్యసమితి సాధారణ సభలో ప్రస్తావించడానికి ప్రయత్నించాలని పాకిస్థాన్‌కు సూచించారు. కశ్మీర్ అంశంపై పాకిస్థాన్ ప్రధాని చేస్తున్న ఆరోపణలపై మీ స్పందనేంటి అనే ప్రశ్నకు వెల్స్ బదులిస్తూ ఈ వ్యాఖ్యలు చేశారు.

Read Also: బీరాలు పోయి బొక్కబోర్లా పడ్డ పాక్.. 1994 రిపీట్!

జమ్మూ కశ్మీర్‌కు ప్రత్యేక హోదాను రద్దుచేసిన తర్వాత అక్కడ ముస్లింలు ఇబ్బందులు ఎదుర్కొంటున్నారని పాక్ వాదిస్తోంది. పాకిస్థాన్ ప్రధాని తనకు తాను కశ్మీరీల అంబాసిడర్‌గా చెప్పుకున్నారు. ఇదిలా ఉండగా తన ప్రియ మిత్రుడు చైనా మాత్రం అక్కడ ముస్లింల పట్ల దారుణంగా వ్యవహరిస్తుంటే కనీసం ఒక్క మాట కూడా పాక్ ప్రధాని మాట్లాడటం లేదు.

అమెరికా పర్యటనలో ఉన్న ఇమ్రాన్ ఖాన్‌ను ఉఘుర్స్ పరిస్థితిపై నాలుగు రోజుల కిందట మీడియా అడిగిన ప్రశ్నకు సమాధానం దాటవేశారు. చైనాతో తమకు ప్రత్యేక అనుబంధం ఉందని, ఇలాంటి అంశాలను ప్రయివేట్‌గా చర్చిస్తామని పేర్కొన్నారు. మరోవైపు, తమ దేశంలోని మైనార్టీలపై ఎలాంటి దాడులు జరగడంలేదని అంతర్జాతీయ వేదికలపై ఖండిస్తోంది.

Read Also: తొలగిపోయిన పాక్ ముసుగు.. ముంబై దాడుల మాస్టర్ మైండ్‌కి సాయం చేయాలని రిక్వెస్ట్.

అయితే, వృత్తి శిక్షణా కేంద్రాల పేరుతో ఉగ్రవాదులకు శిక్షణ ఇస్తున్నారని ఆరోపిస్తూ కనీసం పది లక్షల మంది ఉఘుర్లు, ముస్లింలను చైనా ప్రభుత్వం అదుపులోకి తీసుకుందని ఐక్యరాజ్యసమితి పేర్కొంది. ముస్లింల పట్ల చైనా భయంకర అణచివేతను అమెరికా తీవ్రంగా ఖండించింది. చైనాలోని ముస్లిం అణచివేతపై అమెరికా నేతృత్వంలోని 30 దేశాలు యూఎన్ సాధారణ సభ సాక్షిగా ఖండించినట్టు విశ్వసనీయ వర్గాల సమాచారం.



Source link

LEAVE A REPLY

Please enter your comment!
Please enter your name here