టైటానిక్ హీరో పెద్ద మనసు.. ఆ కార్చిచ్చుపై పోరుకు రూ.35.70 కోట్ల విరాళం

0
2


భూమికి ఊపిరితీత్తుల్లాంటి అమెజాన్ అడవుల్లో కార్చిచ్చు.. భవిష్యత్తులో మానవళికి ఉనికికే ప్రశ్నార్థకం కానుంది. ఆ మంటలను అదుపు చేయలేమని బ్రెజిల్ అధ్యక్షుడు జీ7 సమావేశాల్లో చేతులు ఎత్తేయడంతో ప్రపంచమంతా ఒక్కటవుతోంది. మంటలను అదుపు చేసేందుకు అవసరమయ్యే ఖర్చుల కోసం ‘ఎర్త్ ఎలియన్స్’ పేరుతో అత్యవసరంగా నిధులను సేకరిస్తున్నారు.

ఈ నేపథ్యంలో లియనార్డో డికప్రియో స్పందిస్తూ.. ‘‘ఈ భూమిపై అతి పెద్ద రైన్ ఫారెస్ట్ అమెజాన్. భూమికి 20 శాతం ఆక్సిజన్ ఇక్కడి నుంచే అందుతుంది. చెప్పాలంటే.. ఇది ప్రపంచానికే ఊపిరితీత్తుల్లాంటివి. అలాంటి అటవీ ప్రాంతం 16 రోజులుగా దహనమైపోతోంది. మీడియా కూడా దీన్ని పట్టించుకోవడం లేదు, ఎందుకు?’’ అంటూ ఇన్‌స్టాగ్రామ్‌ ద్వారా ప్రశ్నించాడు. అంతేకాదు, సామాజిక బాధ్యతగా ఎర్త్ ఎలియన్స్‌కు 5 మిలియన్ డాలర్లు (రూ.35.70 కోట్లు) విరాళాన్ని ప్రకటించాడు.

Read also: దోమ కాటుకు ఆగిన గుండె, కుళ్లిన చర్మం.. చావును చూసొచ్చిన మహిళ

డికప్రియో ఇటీవల వాతావరణ మార్పులపై అవగాహన కార్యక్రమాల్లో పాల్గొంటున్నారు. ఈ సందర్భంగా ఆయన లియానార్డో డికప్రియో ఫౌండేషన్ (ఎల్డీఎఫ్) కూడా ఏర్పాటు చేశారు. ఈ సంస్థ ద్వారా డికప్రియో 100 మిలియన్ డాలర్లను సమకూర్చడం గమనార్హం. ఆ మొత్తంలో కొంత భాగాన్ని డికప్రియో ఎర్త్ ఎలియన్స్‌కు అందించారు. ఈ సందర్భంగా ఆయన ఆ వెబ్‌సైట్‌తో మాట్లాడుతూ.. ‘‘20 ఏళ్ల కిందట ఎల్‌డీఎఫ్‌ స్థాపించాలనేది ఓ చిన్న ఆలోచన నుంచి పుట్టింది. అయితే, ఇది ఇప్పుడు ప్రపంచంలోని అనేక పర్యావరణ ప్రాజెక్టులకు ఉపయోగపడుతోంది’’ అని తెలిపారు. డికప్రియో తీసుకున్న నిర్ణయానికి ప్రజలు హర్షం వ్యక్తం చేస్తున్నారు.

Read also: అమెజాన్ అడవులను దహిస్తోన్న కార్చిచ్చు.. ప్రపంచానికి పెనుముప్పు!



Source link

LEAVE A REPLY

Please enter your comment!
Please enter your name here