డేంజర్ డాగ్స్.. కుక్క నాకడంతో కాళ్లు, చేతులు పోగొట్టుకున్న మహిళ!

0
0


కుక్క కరిస్తే ప్రమాదమనే సంగతి తెలుసు. కానీ, కుక్క నాకినా కూడా ప్రమాదకరమే అనే సంగతి మీకు తెలుసా? అయితే, మీరు తప్పకుండా ఈ అరుదైన ఘటన గురించి తెలుసుకోవల్సిందే. తన పెంపుడు కుక్కలను ఎంతగానో ప్రేమించే ఓ మహిళ.. చివరికి వాటివల్ల కాళ్లు చేతులను పూర్తిగా పోగొట్టుకుంది.

అమెరికాలోని ఒహియోలో నివసిస్తున్న మేరీ ట్రైనర్ అనే మహిళ తన భర్తతో కలిసి కరేబియన్ దీవులకు విహార యాత్రకు వెళ్లింది. అక్కడ హోటల్‌ గదిలో ఆమె చేతికి చిన్న గాయమైంది. అయితే, అది చిన్న గాయమే కావడంతో ఫస్ట్ ఎయిడ్ చేసుకుంది. హాలీడేస్ ఎంజాయ్ చేసిన తర్వాత ఇంటికి వచ్చిన మేరీ.. తన పెంపుడులతో కాసేపు గడిపింది. దీంతో అవి ప్రేమగా ఆమె చేతులను, ముఖాన్ని నాకాయి.

కొద్ది రోజుల తర్వాత మేరీ తీవ్ర అస్వస్థతకు గురైంది. ఒళ్లు వేడిగా కాలిపోవడంతోపాటు ఊపిరి పీల్చుకోడానికి ఇబ్బంది పడింది. కాళ్లు, చేతులు నల్లగా కమిలిపోయాయి. అవి పుండులా మారడంతో భర్త ఆమెను వెంటనే ఆసుపత్రిలో చేర్చాడు. ఆమెకు వైద్య పరీక్షలు చేసిన డాక్టర్లు ఆమె శరీర భాగాలకు ఇన్ఫెక్షన్ సోకిందని, కిడ్నీలు ఫెయిలయ్యాయని తెలిపారు. కుక్కలు గాయాన్ని నాకడం వల్ల క్యాప్నోసైటోఫాగా కానిమోర్సస్ అనే బాక్టీరియా శరీరంలోకి చేరిందన్నారు. ఇన్ఫెక్షన్ సోకిన అయవాలను తొలగించకపోతే ఆమె ప్రాణాలకే ప్రమాదమని తెలిపారు. భర్త అంగీకారంతో ఆమె కాళ్లు, చేతులను పూర్తిగా తొలగించారు.

Read also: దొంగకు నరకం చూపిన మహిళ.. రూపం కోల్పోయి ఆస్పత్రిపాలు!

మేరీకి వైద్యం చేసిన అల్తుమాన్ హాస్పిటల్ మెడికల్ డైరెక్టర్ (ఇన్ఫెక్షియస్ డిసీజ్ విభాగం) డాక్టర్ మార్గరెట్ కోబే మాట్లాడుతూ.. ‘‘కుక్కల లాలాజలంలో క్యాప్నోసైటోఫాగా కానిమోర్సస్ బ్యాక్టీరియా చాలా ప్రమాదకరమైనది. అయితే, అది కొందరిని ప్రమాదంలోకి నెడుతుంది. ముఖ్యంగా గాయాలను, పుండ్లను కుక్కలు నాకినట్లయితే.. వాటి లాలాజలం ద్వారా బ్యాక్టీరియా సులభంగా శరీరంలోకి చేరుతుంది. అది క్రమేనా శరీర భాగాలను చచ్చుబడేలా చేసి నిర్జీవంగా మార్చేస్తుంది. అందుకే కుక్కలతో ఆడిన తర్వాత వెంటనే చేతులు శుభ్రం చేసుకోవాలి. అవి నాకిన ప్రాంతాలను కూడా సబ్బుతో కడగాలి’’ అని తెలిపారు.

Read also: ఆయన రక్తం.. 20 లక్షల పసిబిడ్డలకు ప్రాణం పోసింది!

కాళ్లు, చేతులు తొలగించిన తర్వాత మేరీకి ఆరు శస్త్ర చికిత్సలు నిర్వహించారు. మూడు నెలలు ఆసుపత్రిలోనే ఉంది. హెయిర్ డ్రసర్‌గా పనిచేస్తూ కుటుంబాన్ని పోషిస్తున్న మేరీ ఈ ఘటన తర్వాత పూర్తిగా మంచానికే పరిమితమైపోయింది. దీంతో ఆమె భర్తే బాగోగులు చూస్తున్నాడు. దుస్తులు మార్చడం, భోజనం తినిపించడం వంటి పనులు చేస్తు్న్నాడు. ఆన్‌లైన్‌ ద్వారా సేకరించిన విరాళాలు ఆమె ఆసుపత్రి ఖర్చులకు ఉపయోగపడ్డాయి. వైద్యులు ఆమెకు త్వరలో కృత్రిమ కాళ్లు, చేతులు అమర్చనున్నారు. ఈ ఘటన తర్వాత ఆమె తన పెంపుడు కుక్కలపై ప్రేమ చంపుకోలేదు.



Source link

LEAVE A REPLY

Please enter your comment!
Please enter your name here