తమన్నా అందుకే తప్పుకుంది.. అసలు విషయం చెప్పిన హీరో!

0
1


బుల్లితెర మీద సత్తా చాటిన ఓంకార్‌ రాజుగారి గది సినిమాతో వెండితెర మీద కూడా సూపర్‌ హిట్ సాధించాడు. అదే జోరులో స్టార్ హీరో నాగార్జునతో రాజుగారి గది 2 సినిమాను రూపొందించి ఆకట్టుకున్నాడు. ఇప్పుడు అదే సిరీస్‌లో మూడో భాగంగా రాజుగారి గది 3 సినిమాను రూపొందించాడు. ప్రస్తుతం నిర్మాణానంతర కార్యక్రమాలు జరుపుకుంటున్న అక్టోబర్‌ 18న ప్రేక్షకుల ముందుకురానుంది. ఈ సందర్భంగా హీరో అశ్విన్‌ బాబు చిత్ర విశేషాలను మీడియాతో పంచుకున్నారు.

  • రాజుగారిగది అనే సినిమా చేసినపుడు సీక్వెల్స్‌ చేస్తామని అనుకోలేదు. ప్రేక్షకులు ఆదరించారు. అప్పుడు పార్ట్ 2కు నాగార్జున, సమంత గారి సపోర్ట్ వచ్చింది. నేను కూడా అందులో భాగం కావడం అదృష్టం. పార్ట్ 2లో ఎంటర్‌టైన్మెంట్ తగ్గింది అన్నారు.. అందుకే ఇప్పుడు పార్ట్ 3 వస్తుంది. ఇందులో ఫుల్ ఎంటర్టైన్మెంట్ ఖాయం.

  • రాజుగారి గది సిరీస్‌ అంతా ఒకే కథ కాదు.. ప్రతీ సినిమా ఓ కొత్త కథతో తెరకెక్కుతోంది. అందుకే ఆ సినిమాలు ప్రేక్షకులు ఆదరిస్తున్నారు. రాజుగారి గది 3 హిట్‌ అయితే 4 కూడా వస్తుందేమో.

  • ఇది కామెడీ సినిమా కాదు.. హార్రర్ కామెడీ. అది కూడా రెండో భాగంలో నాగార్జున, సమంత లాంటి స్టార్ క్యాస్ట్ ఉంది కాబట్టి ఎంటర్‌టైన్మెంట్ తగ్గిందనే ఫీడ్ బ్యాక్ వచ్చింది. అందుకే మూడో భాగం కేవలం హార్రర్ కామెడీ కోసమే చేసాం.

Also Read: షాకింగ్‌.. `ఆర్‌ఆర్‌ఆర్‌` 2020లో రాదు.. ప్రూఫ్స్‌ ఇవే!

  • ఈ సినిమాలో సీనియర్ యాక్టర్స్ అలీ, బ్రహ్మాజీ, ఊర్వశమ్మ లాంటి వాళ్లు ఉన్నారు. రెండో భాగం అంటే కథకు తగ్గట్లుగా నాగార్జున, సమంత గారు వచ్చారు. ఇప్పుడు కథకు తగ్గట్లుగా నార్మల్‌గా వచ్చాం. కథ బాగుంది కాబట్టే స్టార్స్ లేకపోయినా రాజుగారి గది 1 రీచ్ అయింది.

  • జూన్‌లో సినిమా మొదలు పెట్టి అక్టోబర్ 18న విడుదలకు వస్తున్నామంటే దానికి కారణం సినిమాటోగ్రాఫర్‌ ఛోటా కే నాయుడే. ఈ సినిమా ఆయనకు ఓ ఛాలెంజ్.. ఇప్పటి వరకు ఆయన ఈ జోనర్ చేయలేదు.. అంజి సోషియో ఫాంటసీ చేసాడు కానీ హార్రర్ కామెడీ చేయలేదు.. డిఓపి వర్క్ గురించి సినిమా విడుదలైన తర్వాత ప్రత్యేకంగా మాట్లాడతారు.

Also Read: విశాల్ పెళ్లి ఆమెతోనే.. త్వరలో డేట్‌ ఎనౌన్స్‌మెంట్‌!

  • యాక్టర్‌గా ఇప్పటి వరకు నన్ను గుర్తు పెట్టుకునే పాత్రలు అయితే చేయలేదు. రాజుగారి గది 1లో అస్సలు నేను మాట్లాడను.. రెండో పార్ట్‌లో నేను భయపడుతూ మెంటలిస్ట్‌ను కలుస్తాను. అప్పుడు నాగార్జున గారు వస్తారు. ఇక ఇప్పుడు పార్ట్ 3లో ఫుల్ లెంగ్త్‌ మాస్ క్యారెక్టర్ చేస్తున్నాను.. నా కారెక్టర్ పక్కా మాస్ ప్రేక్షకులకు రీచ్ అయ్యేలా ఉంటుందనే ఆశిస్తున్నాను. ఎలా రిసీవ్ చేసుకుంటారు అని వేచి చూస్తున్నాను.. పాటలు, డాన్సులు, యాక్షన్ సీక్వెన్సులు అన్నీ చేసాను. మాస్ హీరోకు ఉండాల్సిన లక్షణాలన్నీ ఈ కారెక్టర్‌లో ఉంటాయి. అందుకే నేను కూడా అక్టోబర్ 18 కోసం వేచి చూస్తున్నాను.

  • ముందు ఈ సినిమాను తమన్నా గారితోనే మొదలు పెట్టాం. ఓపెనింగ్ కూడా అయింది. అయితే ఆమె డేట్స్ కారణంగా తప్పుకున్నారు. అప్పటికే రెండు షెడ్యూల్స్ లేట్ అయ్యాయి కూడా. అక్టోబర్ విడుదల పెట్టుకోవడంతో ఇంకా తమన్నా గారి కోసం వేచి చూస్తే బాగోదని వదిలేసుకున్నాం. ఆమె లాంటి స్టార్ ఇమేజ్ ఉన్న నటి కోసం చూసాం కానీ వాళ్ల డేట్స్ కూడా కుదర్లేదు. అలాంటి సమయంలో అవికా గోర్ వచ్చింది. ఆమె సినిమాకు చాలా పెద్ద ప్లస్ అయింది. అవికా గోర్ ఎక్స్‌ట్రార్డినరీగా చేసింది. చాలా రోజుల తర్వాత తెలుగులోకి రీ ఎంట్రీ ఇస్తుంది. ఖచ్చితంగా అలరిస్తుంది ఆమె కారెక్టర్.

Also Read: Sye Raa 10th Day Collections: మెగాస్టార్‌కు దాసోహమన్న బాక్సాఫీస్‌



Source link

LEAVE A REPLY

Please enter your comment!
Please enter your name here