‘తేజ’కి ఏమయ్యింది…హీరోలు నచ్చట్లేదా?

0
4


తెలుగు దర్శకుల్లో డైరెక్టర్ తేజ రూట్ వేరు…చిత్రం సినిమా నుండి కూడా వెరైటీ కథలతో సినిమాలు చేసే తేజ ఎప్పుడూ కూడా హీరోల గురించికానీ, వేరే ఎవ్వరి గురించి కూడా వెయిట్ చేసిన దాఖలాలు లేవు. ఒక పాయింట్ అనుకుంటే దాన్ని తనకు నచ్చినట్టుగా రాసుకోవడం, రాసుకున్న దాన్ని ఉన్నది ఉన్నట్టుగా తీసుకోవడం అనేది తేజ ఫార్ములా. అలా సినిమాలు చెయ్యడం వల్లే హిట్స్ అందుకున్నాడు, ఫ్లాప్స్ కూడా మూటకట్టుకున్నాడు. అయినా కూడా తేజ మారడు, అతని తీరు మారదు అనుకున్నారు అంతా. కానీ ఈమధ్య మాత్రం ఎందుకో తేజ మారినట్టు కనిపిస్తున్నాడు. దానికి కారణం లేకపోలేదు. ఇది వరకు తేజ ఎవరిని ఉద్దేశించి కథలు రాసుకునేవాడు కాదు. కథ రాసుకున్న తరువాత ఉన్న ఆప్సన్స్ చూసుకుని వాటిలో తన కంఫర్ట్‌ని బట్టి సినిమా సెట్స్ మీదకి తీసుకెళ్ళవాడు.

Also Read: బాల‌కృష్ణతో బోయపాటి హ్యాట్రిక్ మూవీ షురూ

నేనే రాజు…నేనే‌మంత్రి సినిమా వరకు కూడా ఇదే పద్దతిని ఫాలో అయిన తేజ సీత సినిమా నుండి మాత్రం హీరోయిన్స్‌కి పాయింట్ చెప్పి వాళ్ళను దృష్టిలో పెట్టుకుని కథలు రాసుకుతున్నాడు అనేది టాక్. ఎందుకంటే సీత సినిమా పాయింట్ కాజల్‌కి నచ్చి నేనే చేస్తాను అనడంతో ఆమెని దృష్టిలో పెట్టుకుని ఆ కథని మలిచాడు. దానివల్ల ఆ సినిమాలో కాజల్ పాత్ర బాగానే ఉన్నా కూడా హీరో అయిన బెల్లంకొండ శ్రీనివాస్ పాత్ర మాత్రం చాలా దారుణంగా వచ్చింది. ఆ సినిమా అట్టర్ ప్లాప్ అవడంతో ఈ గ్యాప్‌లో మళ్ళీ ఒక కథ రాసుకున్నాడు తేజ. అయితే అది కూడా హీరోయిన్ ఓరియెంటెడ్ సబ్జెక్ట్ .

Also Read: అల్లు ‌అర్జున్ తికమక…అలియా‌భట్ కావాలట

సీత సినిమాలో ఐటమ్ సాంగ్ ఒకటి చేసిన RX100 బ్యూటీ పాయల్ రాజ్ పుత్ వర్క్ తేజకి నచ్చింది. దాంతో ఆమెతో హీరోయిన్ ఓరియెంటెడ్ సినిమా తెరకెక్కించడానికి ప్రయత్నాలు మొదలుపెట్టాడు. డైరెక్టర్ తేజ కాబట్టి పాయల్ కూడా ఒప్పుకుంది అని టాక్. అయితే తేజ ఇలా వరుసగా లేడీ ఓరియెంటెడ్ సినిమాలు చేస్తుండడం చూసి అసలు తేజకి ఏమైంది అని ఫిల్మ్‌నగర్‌లో టాక్ నడుస్తుంది. హీరోలంటే తేజ ఎందుకు ఇంట్రెస్ట్ చూపించట్లేదు అని మాట్లాడుకుంటున్నారు. ఒక వేళ ఈ సినిమా కనుక హిట్ అయితే తేజ మళ్ళీ ఇంతలో హీరోలతో సినిమా చెయ్యడం ఇంపాజిబుల్ అనే చెప్పుకోవాలి. మరి తేజ నమ్ముకున్న ఈ ‘ఆడదే ఆధారం’ ఫార్ములా ఎంతవరకు వర్క్ అవుట్ అవుతుందో చూడాలి.

Also Read: అందుకే మా ఆయనకి పెళ్లి కాలేదనుకుంటారం…



Source link

LEAVE A REPLY

Please enter your comment!
Please enter your name here