దొంగలకు షాక్.. చోరీచేసిన బ్యాగ్‌లో పాములు, బల్లులు!

0
2


దొంగిలించిన బ్యాగ్‌లో విలువైన వస్తువులు లేదా డబ్బులు ఉంటాయని ఆశించిన ఆ దొంగల ఆనందం ఎంతోసేపు నిలవలేదు. బ్యాగ్‌లో తెరిచి చూడగానే వారి గుండె గుభేల్ అంది. అందులో ఉన్న పాములు, బల్లులను చూసి వారికి ప్రాణం పోయినంత పనైంది. దీంతో వాళ్లు ఆ బ్యాగ్‌ను అక్కడే వదిలేసి పరుగులు పెట్టారు. ఈ ఘటన కాలిఫోర్నియాలో చోటుచేసుకుంది.

Read also: వీడియో – పాముతో వెటకారం.. ఇలా తీర్చుకుంది ప్రతీకారం!

శాన్‌జోస్ ప్రాంతానికి చెందిన బ్రయిన్ గాండే అనే వ్యక్తి మార్టిన్ లూథర్ కింగ్ లైబ్రరీలో జరిగిన సరీసృపాల ప్రదర్శనలో పాల్గొన్నాడు. ఈ సందర్భంగా నాలుగు అరుదైన కొండచిలువలు, ఒక బల్లిని బ్యాగులో పెట్టి తీసుకొచ్చాడు. ప్రదర్శన తర్వాత ఆ బ్యాగ్‌ను కారు వెనుక సీటులో పెట్టి లోపలికి వెళ్లాడు. తిరిగి వచ్చి చూసేసరికి ఆ బ్యాగ్ మాయమైంది. దీంతో బ్రయిన్ కంగారుపడ్డాడు. వెంటనే పోలీసులకు ఫిర్యాదు చేశారు.

వీడియో:

ఈ సందర్భంగా బ్రయిన్ యూట్యూబ్‌ వీడియో ద్వారా తన బాధను వెల్లడించాడు. డబ్బులు పోయినా తాను అంత బాధపడేవాడిని కాదని తెలిపాడు. ఆ బ్యాగ్ దొంగిలించిన వ్యక్తులకు పాములు, బల్లులను పెంచడం చేతగాదని, వాటిని ఏమైనా హాని తలపెడతారేమో అని భయంగా ఉందని తెలిపాడు. ఎవరికైనా ఆ పాములు కనిపిస్తే వెంటనే తనకు సమాచారం ఇవ్వాలన్నాడు.

Read also: ఫోన్ మాట్లాడుతూ పాములపై కూర్చున్న మహిళ, కాటు వేయడంతో..

దొంగలు ఎత్తుకెళ్లిన పాముల్లో రెండు దొరికాయని, ఇంకా రెండు పాములు, ఒక బల్లి దొరకాల్సి ఉందన్నాడు. దొంగలు ఆ సంచిలో పాములు ఉన్నాయనే సంగతి తెలియగానే వాటిని వదిలి పారిపోయి ఉండవచ్చని తెలిపాడు. బ్రయిన్ ఫిర్యాదు మేరకు పోలీసులు కార్ల పార్కింగ్‌లో ఉన్న సీసీటీవీ కెమేరాల్లో రికార్డైన వీడియోలను సేకరించి దొంగలను పట్టుకొనే పనిలో ఉన్నారు.



Source link

LEAVE A REPLY

Please enter your comment!
Please enter your name here