‘నో షేవ్ నవంబర్’.. మీరు గడ్డం పెంచితే, వాళ్లకు మేలు జరుగుతుంది!

0
2


కప్పుడు గడ్డం పెంచితే.. ‘‘ఏరా ప్రేమలో ఫెయిల్ అయ్యవా? పరీక్ష తప్పావా? ఉద్యోగం దొరకడం లేదా? ఆర్థిక ఇబ్బందులా? బాధల్లో ఉన్నావా..’’ అంటూ తెగ ప్రశ్నలు వేసి విసిగించేవారు. అయితే, ఇప్పుడు ఆ రోజులు పోయాయి. అందానికి అడ్డం అనుకున్న గడ్డమే ఫ్యాషన్ అయ్యింది. గడ్డం పెంచకపోతే నువ్వు మగాడివే కాదు అనే రోజులు వచ్చేశాయ్.

ఒకప్పుడు గడ్డాలు, మీసాలు లేకుండా కనిపించిన బాలీవుడ్ తారలు కూడా.. దక్షిణాది హీరోల్లా మారిపోతున్నారు. గడ్డం, మీసాలతో సర్‌ప్రైజ్ చేస్తున్నారు. అక్టోబరు నెల రాగానే దెయ్యాల గోల (హాలోవీన్) ఎలా మొదలవుతుందో. నవంబరు నెల రాగానే గడ్డాలు పెంచే సీజన్ మొదలువుతుంది. నవంబరు కాస్తా ‘మువంబర్’ (Movember), నో షేవ్ నవంబర్(No Shave November) అవుతుంది. అయితే, మువంబర్ పేరుతో మీసాలు, నో షేవ్ నవంబరు పేరుతో అంతా గడ్డాలు పెంచుతారు.

Watch: గడ్డం అడ్డం కాదు.. ఆరోగ్యం, అదెలాగో చూడండి!

మంచి కోసమే..: పాశ్చాత్య దేశాల ట్రెండ్‌ను ఫాలో అవ్వడం మనకు కొత్త కాదు. ఇది కూడా ఆ కోవకు చెందినదే. అమెరికాలో పుట్టిన ఈ కొత్త ట్రెండ్‌ను మన ఇండియన్స్ పిచ్చ పిచ్చగా ఫాలో అవుతున్నారు. ఆ దేశంలో నవంబరు నెల మొత్తం గడ్డం గీసుకోరు. షేవింగ్ చేసుకోకుండా మిగిల్చిన సొమ్మును క్యాన్సర్ పేషెంట్లకు విరాళంగా అందిస్తారు. అయితే, ఇండియాలో కేవలం ట్రెండ్‌ను మాత్రమే ఫాలో అవుతున్నారు. విరాళాలు ఇవ్వాలనే విషయంపై చాలామందికి అవగాహన లేదు. దీంతో కొంతమంది మాత్రమే తమ విరాళాన్ని స్వచ్ఛంద సంస్థలకు అందిస్తున్నారు. చూశారుగా.. ఈ ‘నో షేవ్ నవంబరు’ వెనుక ఉన్న ముఖ్య ఉద్దేశం. మీరు కూడా వీలైతే ఈ నెలంతా గడ్డం పెంచి, ఆదా చేసిన షేవింగ్ డబ్బులను స్వచ్ఛంద సంస్థలకు ఇవ్వండి. అందరికీ ఆదర్శంగా నిలవండి.

‘నో షేవ్ నవంబరు’ నవ్విస్తుంది కూడా: ‘నో షేవ్ నవంబరు’ అనగానే.. సోషల్ మీడియాలో అనేక మీమ్స్, జోక్స్ హల్ చేస్తుంటాయి. అవి నెటిజనులను భలే నవ్విస్తుంటాయి. వాటిలో కొన్ని జోకులు మీ కోసం.





Source link

LEAVE A REPLY

Please enter your comment!
Please enter your name here