పాక్ సమస్యలొదిలేసి కశ్మీర్ ప్రస్తావనా? ఇమ్రాన్‌పై ప్రతిపక్షాలు విమర్శలు!

0
2


ఐక్యరాజ్యసమితి సర్వప్రతినిధుల సభకు హజరైన పాకిస్థాన్ ప్రధాన మంత్రి ఇమ్రాన్‌ ఖాన్ ఆదివారం స్వదేశానికి చేరుకున్నారు. ఈ సందర్భంగా ఇస్లామాబాద్ విమానాశ్రయంలో ఇమ్రాన్ ఖాన్‌కు ఆయన పార్టీకి చెందిన పలువురు నేతలు, కార్యకర్తలు భారీగా చేరుకుని స్వాగతం పలికారు. ఈ సందర్భంగా ఇమ్రాన్ మాట్లాడుతూ.. పాక్ ప్రజలతోపాటు తన మూడో భార్య బుష్రా బీబీకి ధన్యవాదాలు తెలియజేశారు. ఐరాసలో కశ్మీర్ అంశాన్ని ప్రస్తావించడానికి ముందు తన కోసం యావత్తు దేశం ప్రార్థనలు చేశారని.. ముఖ్యంగా బుష్రా బీబీ నా కోసం ఎంతగానే దేవుడ్ని ప్రార్థించిందని తెలిపారు. కశ్మీరీలకు ప్రపంచం అండగా నిలవకపోయినా పాకిస్థాన్ ఎల్లప్పుడూ వారి వెంటే ఉంటుందని ఎందుకంటే తాము అల్లాహ్‌ను సంతోషపెట్టాలని కోరుకుంటున్నామని వ్యాఖ్యానించారు.

‘పరిస్థితులు ఒకేలా ఉండవని, ఒకసారి చెడు జరిగితే, ఇంకోసారి మంచి జరుగుతుందని, నిరాశ చెందవద్దు.. ఎందుకంటే కశ్మీరీలు మనవైపు చూస్తున్నారు.. దేవుడున్నాడు.. వారికి విజయం సిద్ధించి స్వాతంత్రం వస్తుంది’ అని ఇమ్రాన్ పేర్కొన్నారు. భారత్‌లోని నియంతృత్వ, ముస్లిం వ్యతిరేక ప్రభుత్వ వైఖరిని ప్రతి అంతర్జాతీయ వేదికపై ప్రస్తావిస్తున్నామని పాక్ ప్రధాని అన్నారు.

ఇదిలా ఉండగా, పాక్ ప్రధాని వైఖరిపై మాత్రం అక్కడ ప్రతిపక్షాలు మండిపడుతున్నాయి. పాకిస్థాన్ ప్రజలు ఎదుర్కొంటున్న పరిస్థితుల గురించి ఒక్క మాటా మాట్లాడలేదని, తమ సమస్యలను ఐక్యరాజ్యసమితిలో ప్రస్తావించడంలో విఫలమయ్యారని దుయ్యబడుతున్నాయి. ‘దేశంలో పెరుగుతున్న ధరలు, దిగజారుతోన్న ఆర్థిక వ్యవస్థ గురించి పెదవి విప్పలేదని, ఇలాంటి పరిస్థితుల్లో సాధారణ పౌరుడు ప్రభుత్వానికి ఎలా మద్దతుగా ఉంటారని’ జమియత్ ఉలేమా ఈ ఇస్లాం ఫజల్ నేత మౌలానా ఫజలూర్ రహ్మన్ ఆగ్రహం వ్యక్తం చేశారు.

అంతర్జాతీయ వేదికపై కశ్మీర్ అంశాన్ని ప్రధాని ఓ క్రమపద్దతిలో ప్రస్తావించలేకపోయారని పాకిస్థాన్ పీపుల్స్ పార్టీ అధ్యక్షుడు బిలావల్ భుట్టో జర్దారీ ఆక్షేపించారు. ‘జమ్మూ కశ్మీర్‌లో మానవహక్కులు ఉల్లంఘన, రాజకీయ నాయకులు నిర్బంధం గురించి ప్రధాని ఇమ్రాన్ మాట్లాడారు.. మరి స్వదేశంలో జరుగుతోన్న హక్కుల ఉల్లంఘన ఎందుకు బాధ్యతవహించరని, ఈ విషయంలో ఆయన ద్వంద్వవైఖరి బయటపడిందని’ అన్నారు. అంతేకాదు, 50 రోజుల కిందటే ప్రపంచం మొత్తం తిరిగి కశ్మీర్ అంశాన్ని ప్రధాని ప్రస్తావిస్తే బాగుండేదని బిలావల్ అభిప్రాయపడ్డారు.



Source link

LEAVE A REPLY

Please enter your comment!
Please enter your name here