‘పుల్వామా’ రిపీట్ అవుతుంది.. పాక్ ప్రధాని వార్నింగ్

0
3


జమ్మూ కశ్మీర్‌ను రెండు కేంద్ర పాలిత ప్రాంతాలుగా విభజించడానికి భారత పార్లమెంట్ ఆమోదం తెలిపిన కాసేపటికే.. పాకిస్థాన్ ప్రధాని హెచ్చరికలు జారీ చేశారు. ఇలాంటి చర్యల వల్ల మరోసారి పుల్వామా లాంటి ఘటనలు చోటు చేసుకుంటాయని హెచ్చరించారు. భారత్ ఇలాంటి నిర్ణయం తీసుకుంటుందని ముందే ఊహించానన్న ఇమ్రాన్.. పుల్వామా లాంటి ఉగ్ర దాడి ఘటనలు జరిగితే మళ్లీ మమ్మల్నే నిందిస్తారన్నారు.

‘‘భారత్ మా మీద దాడి చేస్తుంది. మేం తిరిగి దాడి చేస్తాం. అప్పుడు ఏమవుతుంది..? వారు దాడి చేయడం, మేం స్పందించడం.. ఇరువైపులా యుద్ధం మొదలవుతుంది. యుద్ధమంటూ జరిగితే.. చివరి రక్తపు బొట్టు వరకు పోరాడతాం. కానీ యుద్ధంలో ఎవరూ గెలవరు. ప్రపంచంపై దాని పర్యావసనాలు తీవ్రంగా ఉంటాయి. అణుదాడి చేస్తామని మేం బ్లాక్‌మెయిల్ చేయడం లేద’’ని ఇమ్రాన్ తెలిపారు.

ఆర్టికల్ 370ను రద్దు చేసిన భారత సర్కారు జమ్మూ కశ్మీర్‌‌కు‌ ప్రత్యేక హోదాను ఉపసంహరించగానే.. పాకిస్థాన్ అధ్యక్షుడు పార్లమెంట్ అత్యవసరంగా సంయుక్త సమావేశాన్ని ఏర్పాటు చేశారు. పార్లమెంట్‌లో ప్రధాని ఇమ్రాన్ ఖాన్ మాట్లాడుతూ.. పొరుగు దేశాలతో మెరుగైన సంబంధాలకే పాకిస్థాన్ ప్రాధాన్యం ఇస్తుందన్నారు. ‘‘శాంతి స్థాపన దిశగా మీరు ఓ అడుగు ముందుకెస్తే.. మేం రెండు అడుగులు ముందుకేస్తాం అని నేను భారత్‌కు చెప్పాను. కానీ భారత్ చర్చలను సీరియస్‌గా తీసుకోలేదనిపిస్తోంద’’ని ఇమ్రాన్ ఖాన్ తెలిపారు. కశ్మీర్ సమస్యను ఐక్యరాజ్య సమితి దృష్టికి తీసుకెళ్తామన్నారు.

ఫిబ్రవరి 14న సీఆర్పీఎఫ్ కాన్వాయ్‌పై జైషే మహ్మద్ ఉగ్రవాదులు ఆత్మాహుతి దాడికి పాల్పడ్డారు. పుల్వామాలో జరిగిన ఈ ఉగ్ర దాడిలో 40 మంది సీఆర్పీఎఫ్ జవాన్లు ప్రాణాలు కోల్పోయారు. ప్రతీకారంగా భారత వైమానిక దళం బాలాకోట్‌లోని ఉగ్రస్థావరాలను నేలమట్టం చేసింది.

Read Also: పీవోకేలోనూ ఎన్నికలు; ఆంధ్రా భయపడొద్దు: అమిత్ షా



Source link

LEAVE A REPLY

Please enter your comment!
Please enter your name here