పోలీసులను పరుగులు పెట్టించిన ‘దెయ్యం’.. అసలు విషయం తెలిసి షాక్!

0
3


రోడ్డు ప్రమాదంలో ఓ యువతి తీవ్రంగా గాయపడిందని, తీవ్రం రక్తం పోయిందంటూ పోలీసులకు ఫోన్ వచ్చింది. పోలీసులు వెంటనే ఎమర్జెన్సీ టీమ్‌తో సహా ఘటనా స్థలికి చేరుకున్నారు. స్పృహలో లేని ఆమెను చూసి చనిపోయిందని అనుకున్నారు. తల నుంచి కారుతున్న రక్తస్రావాన్ని ఆపేందుకు వైద్యులు గాయం కోసం వెతికారు. విచిత్రం.. అక్కడ గాయం లేదు. పైగా, ఆమె శరీరంపై ఉన్న రక్తం కూడా ఒరిజనల్ కాదు.

Also Read: ప్రాణాలతో ఆట.. ఆ ఇంట్లోకి వెళ్లి, తిరిగొస్తే రూ.14 లక్షలు!

ఇంతలో ఆమెకు స్పృహ వచ్చి కళ్లు తెరిచింది. అసలు విషయం చెప్పి వైద్యులను, పోలీసులను ఆశ్చర్యపరిచింది. తన పేరు సిడ్నీ వాల్ఫే అని, హాలోవీన్ నేపథ్యంలో తాను ‘క్యారీ’ అనే దెయ్యం పాత్ర వేషానని చెప్పింది. తన శరీరంపై ఉన్న రక్తం నిజమైనది కాదని, ఆ పాత్ర కోసం అలా రక్తం కారుతున్నట్లు మేకప్ వేసుకోవల్సి వచ్చిందని తెలిపింది. ఈ విషయాన్ని ఆమె ట్విట్టర్ ద్వారా తన స్నేహితులతో పంచుకుంది.

Also Read: భయపెట్టే చిత్రాలు.. పిల్లలను దెయ్యాలుగా మార్చిన తల్లి, తిట్టిపోస్తున్న నెటిజన్స్!

తాను వేసుకున్న ‘దెయ్యం’ వేషం పోలీసులు, వైద్యులను కంగారు పెట్టిందని పేర్కొంది. కారులో రక్తం కారుతున్నట్లు కనిపించిన తనని చూసి చనిపోయానని భావించారని తెలిపింది. ఈ ప్రమాదంలో తనకు పెద్దగా గాయాలేవీ కాలేదని చెప్పింది. ఇది కొంచెం ఫన్నీగానే ఉన్నా.. ఆ ప్రమాదం నుంచి ప్రాణాలతో బయటపడినందుకు చాలా సంతోషంగా ఉందని తెలిపింది. ఈ సందర్భంగా ప్రమాదానికి గురైన కారును, తన మేకప్ ఫొటోలను కూడా ట్వీట్ చేసింది.

Also Read: హాలోవీన్.. మనుషులు దెయ్యాల్లా మారేది ఈ రోజే, ఎందుకంటే..

అయితే, ‘క్యారీ’ పాత్ర వేసినవాళ్లు.. గతంలో కూడా పలు ప్రమాదాలకు గురయ్యారని, అలాంటి వేషాలు వేసేప్పుడు జాగ్రత్తగా ఉండాలని ఆమెను హెచ్చరించారు. చూశారుగా.. హాలోవీన్ వేషం వల్ల పోలీసులు, వైద్యులు ఎంత హైరానా పడ్డారో. ఇకపై అక్టోబరు మాసంలో ఎవరు గాయపడినా.. పోలీసులు అవి హాలోవీన్ వేషంలో భాగం అనుకుని భ్రమపడినా ఆశ్చర్యపోవక్కర్లేదు. ఈ ఘటన వర్జీనియాలో చోటుచేసుకుంది.





Source link

LEAVE A REPLY

Please enter your comment!
Please enter your name here