ప్రయాణికుడి లగేజ్‌లో ఆ వస్తువు చూసి విమానాశ్రయ అధికారులు పరుగులు!

0
0


ప్రయాణికుడు విమానాశ్రయ అధికారులను పరుగులు పెట్టించాడు. అతడి లగేజీలో ఉన్న వస్తువును చూసి విమానాశ్రయంలోని భద్రతా అధికారులంతా అప్రమత్తమయ్యారు. వెంటనే అతడిని అదుపులోకి తీసుకుని విచారించారు. అసలు విషయం తెలుసుకున్న తర్వాత ఆ వస్తువును స్వాధీనం చేసుకుని, అతడు విమానం ఎక్కేందుకు అనుమతి ఇచ్చారు.

లగేజీలో చిన్న సూది ఉన్నా.. విమానాశ్రయ భద్రతా అధికారులు అభ్యంతరం వ్యక్తం చేస్తారు. అయితే, ఆ ప్రయాణికుడు ఏకంగా మిస్సైల్ లాంచర్‌ను లగేజీలో సర్దేసి తీసుకొచ్చాడు. ఈ ఘటన వాషింగ్టన్ ఇంటర్నేషనల్ తుర్గుడ్ మార్షల్ ఎయిర్‌పోర్టులో చోటుచేసుకుంది. మిస్సైల్ లాంచర్‌ను చూడగానే అప్రమత్తమైన అధికారులు అతడిని అదుపులోకి తీసుకుని పోలీసులకు సమాచారం ఇచ్చారు.

కొన్నాళ్లు తాను కువైట్‌లో పనిచేశానని, అందుకు గుర్తుగా ఈ మిస్సైల్‌ను తన వెంట తీసుకెళ్తున్నానని తెలిపాడు. ప్రస్తుతం అది వాడుకలో కూడా లేదని చెప్పాడు. విమానాల్లో మారణాయుధాలకు అనుమతి ఉండదని అధికారులు తెలిపారు. అతడి తప్పిదాన్ని క్షమించి విమానం ఎక్కేందకు అనుమతి ఇచ్చారు. అతని నుంచి స్వాధీనం చేసుకున్న మిస్సైల్ లాంచర్‌ను స్టేట్ ఫైర్ మార్షల్‌కు అప్పగించారు. ఈ ఘటన జులై 29న చోటుచేసుకుంది.





Source link

LEAVE A REPLY

Please enter your comment!
Please enter your name here