‘బిగ్ బాస్’ రెమ్యునరేషన్.. నాగార్జునే ‘కింగ్’!

0
2


వెండితెరపై యువ సామ్రాట్‌గా, కింగ్‌గా తనకంటూ ప్రత్యేక ఇమేజ్‌ను సొంతం చేసుకున్న అక్కినేని నాగార్జున.. బుల్లితెరపై కూడా సత్తా చాటారు. ‘మీలో ఎవరు కోటీశ్వరుడు’ షోతో హోస్ట్‌గా టెలివిజన్ రంగంలోకి ప్రవేశించిన నాగార్జున.. వివాదాస్పద రియాలిటీ షో ‘బిగ్ బాస్’కు కూడా వ్యాఖ్యాతగా వ్యవహరించి సక్సెస్ అయ్యారు. ‘బిగ్ బాస్’ సీజన్ 3ని హోస్ట్ చేసిన నాగార్జున వారంలో రెండు రోజులు (శని, ఆదివారం) టీవీలో కనిపిస్తూ సందడి చేశారు. అయితే, ఇలా వారానికి రెండు సార్లు కనిపించడానికి నాగార్జున రూ.5 కోట్లు రెమ్యునరేషన్ తీసుకున్నట్టు సమాచారం.

Also Read: డీ-గ్లామర్ లుక్‌లో అల్లు అర్జున్.. ఎప్పుడూ చూడని విధంగా బన్నీ!!

‘బిగ్ బాస్’ షోను ప్రసారం చేసిన స్టార్ మా ఛానెల్ నాగార్జునకు ఎపిసోడ్‌కు రూ.12 లక్షలు పారితోషికం కింద ఇవ్వనున్నట్టు గతంలో వార్తలు వచ్చాయి. వాస్తవానికి తెలుగు బుల్లితెర చరిత్రలో ఒక హోస్ట్‌కు ఇంత మొత్తం పారితోషికంగా ఇవ్వడం ఇదే తొలిసారి. ‘బిగ్ బాస్’ సీజన్ 1ను హోస్ట్ చేసిన యంగ్ టైగర్ ఎన్టీఆర్‌కు ఎపిసోడ్‌కు రూ.10 లక్షలు ఇచ్చారట. ఆ తరవాత సీజన్ 2కు నేచురల్ స్టార్ నాని కాస్త తక్కువ తీసుకున్నారని అప్పట్లో టాక్. కానీ, వీళ్లద్దిరి కంటే అధికంగా నాగార్జున తీసుకున్నారనేది ప్రస్తుత సమాచారం.

Also Read: ‘పింక్’ రీమేక్.. రూ.40 కోట్లు డిమాండ్ చేస్తోన్న పవర్ స్టార్!!

నాగార్జున ‘బిగ్ బాస్’ షోలో 30కి పైగా ఎపిసోడ్‌లలో కనిపించారు. షో కూడా బాగా సక్సెస్ అయ్యింది. దీంతో ఆయనకు రూ.5 కోట్లు పారితోషికం కింద స్టార్ మా చెల్లించిందని అంటున్నారు. ఇప్పటి వరకు తెలుగులో ఏ హోస్ట్ ఈ స్థాయిలో రెమ్యునరేషన్ తీసుకోలేదు. తొలి సీజన్ సుమారు 74 రోజులపాటు జరగడంతో ఎన్టీఆర్‌కు అందిన మొత్తం సుమారు రూ.2.5 కోట్లని టాక్. ఆ తరవాత సీజన్ 100 రోజులు నడిచినా నాని ఎపిసోడ్ రెమ్యునరేషన్ తక్కువ కాబట్టి.. ఆయన మొత్తంగా తీసుకున్నది సుమారు రూ.3 కోట్లని వినికిడి. ఈ లెక్కడ నాగార్జున బాగానే తీసుకున్నట్టు లెక్క. మొత్తం మీద బిగ్ బాస్ హోస్టింగ్‌లోనూ తానే కింగ్ అని నాగార్జున నిరూపించుకున్నారు.



Source link

LEAVE A REPLY

Please enter your comment!
Please enter your name here