బిచ్చగాడి ఆస్తి చూసి పోలీసులు షాక్.. లక్షల్లో ఫిక్స్‌డ్ డిపాజిట్లు!

0
2


రెక్కలు ముక్కలు చేసుకుని కష్టపడేవారి కంటే.. రోడ్లుపై బిక్షాటన చేసే వ్యక్తుల సంపాదనే మెరుగ్గా ఉంటుందని మరోసారి తేటతెల్లమైంది. ముంబయిలో ఓ బిచ్చగాడి ఇంట్లో సోదాలు చేసిన పోలీసులు ఆశ్చర్యపోయారు. అక్కడ రూ.1.5 లక్షలు నగదుతోపాటు అతడి పేరు మీద వివిధ బ్యాంకుల్లో రూ.8.77 లక్షలు ఫిక్స్‌డ్ డిపాజిట్‌‌లు ఉన్నట్లు గుర్తించారు.

బిర్భిచంద్ ఆజాద్ (82) అనే వృద్ధుడు గోవండి ప్రాంతంలో బిక్షాటన చేస్తూ జీవిస్తున్నాడు. కొద్ది రోజుల కిందట ఆజాద్ రైల్వే స్టేషన్‌ సమీపంలో పట్టాలు దాటుతుండగా వేగంగా దూసుకొచ్చిన రైలు అతన్ని ఢీ కొట్టింది. దీంతో ఆజాద్‌ అక్కడికక్కడే చనిపోయాడు. పోలీసులు ఆజాద్‌‌కు సంబంధించిన పూర్తి వివరాలను తెలుసుకోడం కోసం అతడు నివసిస్తున్న గుడిసెకు వెళ్లారు. అక్కడ భారీ సంఖ్యలో ఉన్న చిల్లర చూసి ఆశ్చర్యపోయారు. ఆ మొత్తాన్ని లెక్కించగా రూ.1.5 లక్షలు ఉన్నాయి. వీటిని లెక్కించడానికి పోలీసులకు 8 గంటల సమయం పట్టింది. దీనితోపాటు బ్యాంకులో రూ.8.77 లక్షల ఉన్నట్లు పత్రాలు లభించాయి. ఆజాద్‌కు పాన్‌కార్డుతోపాటు ఆధార్, సీనియర్ సిటీజన్ కార్డులు కూడా ఉండటం గమనార్హం. ఆజాద్ రాజస్థాన్‌లోని తమ కుటుంబాన్ని వదిలి ముంబయిలో బిక్షాటన చేస్తున్నట్లు పోలీసులు తెలిపారు.



Source link

LEAVE A REPLY

Please enter your comment!
Please enter your name here