భార్య కాదు అక్క.. పెళ్లయిన 8 ఏళ్ల తర్వాత తెలిసిన చేదు నిజం, ఇప్పుడామె గర్భవతి!

0
1


పెళ్లి చేసుకుని హాయిగా సంసారం చేస్తున్న ఓ జంటకు ఊహించని షాక్ తగిలింది. ఎనిమిదేళ్ల సంసారం తర్వాత వారిద్దరూ ఒకే తండ్రి బిడ్డలని తెలిసి తలలు పట్టుకున్నారు. ఇంగ్లాండులో చోటుచేసుకున్న ఈ అరుదైన ఘటన వివరాలు ఇలా ఉన్నాయి. 24 ఏళ్ల వ్యక్తి ఇటీవల ‘రెడిట్’ అనే సోషల్ మీడియా సైట్‌లో తనకు ఎదురైన చేదు అనుభవాన్ని పంచుకున్నాడు.

‘‘నా భార్య నా కంటే ఒక ఏడాది పెద్దది. మేం ఎనిమిదేళ్లుగా కలిసి జీవిస్తున్నాం. గతేడాదే పెళ్లి చేసుకుని భార్యా భర్తల్లా కొత్త జీవితాన్ని ప్రారంభించాం. ప్రస్తుతం ఆమె గర్భవతి, 2020లో మా ఇంట్లో మూడో వ్యక్తి అడుగు పెడతాడు. అంతా బాగానే ఉందనుకుంటున్న సమయంలో నాకు ఓ చేదు విషయం తెలిసింది. నా భార్య తల్లితో ఇటీవల మాటల సందర్భంగా నా భార్య తండ్రి గురించి ప్రస్తావనకు వచ్చింది. ఈ సందర్భంగా ఆమె చెప్పిన వివరాలు విని షాకయ్యా. నా భార్య తండ్రి మరెవ్వరో కాదు నా తండ్రే’’

Read also: ఒకే నెలలో 23 సార్లు పెళ్లి, విడాకులు.. తల్లీ, చెల్లినీ వదలని ఘనులు!

‘‘అది నిజమో కాదో తెలుసుకోవాలనే ఆసక్తితో మేం రహస్యంగా డీఎన్‌ఏ పరీక్షలు చేయించుకున్నాం. రిపోర్టులు కూడా మేమిద్దరం ఒకే తండ్రికి పుట్టిన బిడ్డలమని తేలింది. ఈ విషయం తెలిసిన తర్వాత మనసుకు చాలా బాధ అనిపించింది. అలాగే భయం కూడా పట్టుకుంది. నా బిడ్డ పుట్టినప్పుడు డీఎన్‌ఏ వివరాలను పొందుపరుస్తారు. ఆ సమయంలో ఆమె డీఎన్‌ఏ, నాది ఒకటని తెలిస్తే చట్టపరమైన చర్యలు తీసుకుంటారేమో అని భయంగా ఉంది. నా కొడుకు ఆరోగ్యంగా పుడితే ఏ సమస్య లేదు. అలా జరగపోతే మా డీఎన్ఏ వివరాలను బయటపెడతారు. ఇంగ్లాండులో ఇది నేరం.’’

Read also: పెళ్లికి ముందు సెక్స్‌లో పాల్గొంటే జైలుకే.. కొత్త చట్టంపై నిరసనలు

‘‘భవిష్యత్తులో నా బిడ్డ పూర్వికుల వివరాలు గురించి తెలుసుకోడానికి ప్రయత్నించే అవకాశాలు లేకపోలేదు. అలా చేస్తే మేమిద్దరం ఒకే తండ్రికి పుట్టిన బిడ్డలం అని తెలిసిపోతుంది. తన తల్లిదండ్రులు ఒకే వ్యక్తికి పుట్టిన అక్కా, తమ్ముడనే నిజాన్ని అతడు ఎలా స్వీకరిస్తాడో చెప్పలేం. ఈ విషయం తెలిసిన తర్వాత మేం విడిపోవాలని భావించడం లేదు. ఎందుకంటే.. మేమిద్దరం చిన్నప్పటి నుంచి మంచి స్నేహితులం. మేం రక్త సంబంధికులం అని తెలిసిన తర్వాత కూడా మాలో ఆ ఫీలింగ్ కలగలేదు. ఇప్పుడు మాకు ఓ బిడ్డ కూడా పుడుతున్నాడు. కనీసం ఆ బిడ్డ కోసమైనా మేం కలిసి ఉండాలి. తెలియకుండా జరిగిన ఈ తప్పిదానికి మేం బాధ్యులం కాదనే భావిస్తున్నా. ఈ విషయాన్ని నేను రహస్యంగా ఉంచగలనా? ఎందుకంటే ఇది ఇంగ్లాండ్’’ అని తెలిపాడు.

Read also: పడక గదిలో రహస్య కెమేరాతో భర్తపై నిఘా, భార్య అరెస్ట్.. ట్విస్ట్ అదిరింది!

ఏం జరుగుతుంది?: ఇంగ్లాండులో రక్త సంబంధికుల మధ్య వైవాహిక, లైంగిక సంబంధాలపై నిషేదం ఉంది. ఒకే వ్యక్తికి పుట్టిన బిడ్డలు ఒకరినొకరు పెళ్లి చేసుకోవడం పిల్లలు జన్యుపరమైన లోపాలను ఎదుర్కొంటారనే కారణంతో ఈ నిబంధనను కఠినంగా అమలు చేస్తోంది. అందుకే ఆ వ్యక్తి తీవ్ర ఆందోళనకు గురవ్వుతున్నాడు. ఇతడి పోస్టును చదివిన కొందరు.. వెంటనే వైద్యుడి సలహా తీసుకోవాలని సూచిస్తున్నారు. అలాగే, చట్టపరమై సమస్యలు ఎదుర్కోకుండా న్యాయవాదులను సంప్రదించాలని చెబుతున్నారు. రక్తసంబంధికులని తెలిసిన తర్వాత కూడా లైంగిక సంబంధం కొనసాగిస్తే చిక్కుల్లో పడతారని హెచ్చరిస్తున్నారు. ఈ కామెంట్లు ఆ జంటను మరింత గందరగోళానికి గురిచేస్తున్నాయి. ఇలాంటి కష్టం పగవాడికి కూడా రాకూడదు కదూ!!



Source link

LEAVE A REPLY

Please enter your comment!
Please enter your name here