మళ్లీ నొక్కేశారు.. ఇండియా పరువు తీశారు, ఈసారి అమెరికాలో!

0
4


బాలిలో ఓ భారత పర్యాటకులు హోటల్‌లో సామాగ్రిని తమ లగేజ్‌లో సర్దేసి దొరికిపోయిన సంగతి తెలిసిందే. హోటల్ వారి లగేజ్ తనిఖీ చేసి, వాటిని స్వాధీనం చేసుకుంటున్న వీడియో ఒకటి సోషల్ మీడియాలో వైరల్‌గా మారింది. దీంతో భారత నెటిజనులు ఆ పర్యాటకులు.. ఇండియా పరువు తీశారంటూ ఆగ్రహావేశాలు వ్యక్తం చేస్తున్నారు.

ఇది మరవక ముందే ఇద్దరు ప్రవాస భారతీయులు అమెరికాలోని ఓ వెండింగ్ మెషిన్‌లోని కూకీస్ ప్యాకెట్‌ను దొంగిలించడానికి ప్రయత్నిస్తున్న వీడియో ఒకటి వెలుగులోకి వచ్చింది. ఆర్జీపీ గ్రూప్ ఛైర్మన్ హర్ష గోయెంక పోస్టు చేసిన ఈ వీడియోలోని ఇద్దరు పంజాబ్ వ్యక్తులు ఈ కక్కుర్తి పనికి పాల్పడ్డారు. ‘‘బాలి ఘటన తర్వాత ఈ వీడియో చూసి సిగ్గుతో ఉరి వేసుకోవాలనిపించింది. ‘సభ్యభారత్’, ‘పప్పుజ్ఞాన్’ (హ్యష్‌ట్యాగ్) ఉద్యమం తప్పకుండా తీసుకురావాలి’’ అని వ్యాఖ్యానించారు.

ఇదివరకు ఆయన గస్తాద్‌లోని ‘ఆర్క్-ఎన్-సియల్’ హోటల్ భారతీయ పర్యాటకులను ఉద్దేశిస్తూ పెట్టిన ఓ నోటిస్‌ను ట్వీట్ చేశారు. ‘‘ఈ నోటీసు చూడగానే నాకు చాలా కోపం వచ్చింది. అవమానంగా భావించాను. దీనిపై ఉద్యమించాలనుకున్నా. అయితే, అందులో కొన్ని అంశాలు చూసి నిజమే అనిపించింది. ఇండియా అంతర్జాతీయ శక్తిగా ఎదుగుతోంది. ఈ నేపథ్యంలో మన పర్యాటకులే అత్యుత్తమ ప్రపంచ రాయబారులు కావాలి. మన ప్రతిష్ఠపై పడిన మరకను తొలగించే ప్రయత్నం చేయాలి’’ అని ట్వీట్‌లో పేర్కొన్నారు. విదేశాల్లో కక్కుర్తి పనులు చేస్తూ ఇండియా పరువు తీస్తున్న ఇలాంటి భారతీయుల చర్యలపై మీరేమంటారు?





Source link

LEAVE A REPLY

Please enter your comment!
Please enter your name here