‘మీకు మాత్రమే చెప్తా’ కలెక్షన్స్: చిన్న సినిమా.. పెద్ద విజయం!!

0
2


సెన్సేషనల్ హీరో విజయ్ దేవరకొండ నిర్మించిన తొలి చిత్రం ‘మీకు మాత్రమే చెప్తా’ ఈ నెల 1న విడుదలై పాజిటివ్ టాక్‌ను సొంతం చేసుకుంది. విమర్శకుల రేటింగ్‌లు ఎలా ఉన్నా ప్రేక్షకులు మాత్రం ఈ సినిమాను ఆదరిస్తున్నారు. థియేటర్లలో నవ్వులు పువ్వులు పూయిస్తోన్న ఈ చిత్రం అంచనాలకు తగ్గట్టుగానే డీసెంట్ వసూళ్లను సాధిస్తోంది. ప్రపంచ వ్యాప్తంగా కేవలం మూడు రోజుల్లోనే 4 కోట్ల 05 లక్షల రూపాయల గ్రాస్‌ను ఈ చిత్రం వసూలు చేసినట్టు అధికారికంగా ప్రకటించింది.

Also Read: వయొలెన్స్ కావాలన్నారుగా.. సాలిడ్‌గా ఇస్తా: నాని

కొత్తవారికి అవకాశాలు కల్పిస్తూనే తన అభిరుచి మేరకు విజయ్ దేవరకొండ నిర్మించిన ఈ సినిమా టార్గెటెడ్ ఆడియన్స్‌కు డబుల్ ట్రీట్‌గా మారిందని చిత్ర యూనిట్ చెబుతోంది. ఓ చిన్న సినిమా ఈ స్థాయిలో కలెక్షన్స్ సాధించడమే అందుకు నిదర్శనం అంటున్నారు. ఇక హీరోగా నటించిన తరుణ్ భాస్కర్‌తో పాటు ప్రధాన పాత్రధారులైన అభినవ్ గోమఠం, అవంతికా మిశ్రా, పావని గంగిరెడ్డి, అనసూయ, నవీన్ జార్జ్ థామస్‌ల నటన, కామెడీ టైమింగ్ ఈ సినిమాకు ప్రధాన బలంగా మారడంతో రాబోయే రోజుల్లో మరింత పెద్ద విజయంగా ఈ సినిమా నిలవబోతోందని చెబుతున్నారు.

కాగా, ఈ సినిమాకు షమ్మీర్ సుల్తాన్ దర్శకత్వం వహించారు. మదన్ గుణదేవా సినిమాటోగ్రఫీ అందించారు. శివకుమార్ సంగీతం సమకూర్చారు. కింగ్ ఆఫ్ ద హిల్ బ్యానర్‌పై విజయ్ దేవరకొండ, వర్ధన్ దేవరకొండ ఈ చిత్రాన్ని నిర్మించారు. హీరోగా నటించిన తరుణ్ భాస్కర్.. డైలాగుల రచనలో దర్శకుడు షమ్మీర్ సుల్తాన్‌కు సహకారం అందించారు.



Source link

LEAVE A REPLY

Please enter your comment!
Please enter your name here