యజమానిని తినేసిన పెంపుడు కుక్కలు.. మిస్సింగ్ మిస్టరీ వీడిందిలా!

0
10


కుక్కలు కరుస్తాయని తెలుసు. కానీ, ఇలా మనిషిని పూర్తిగా తినేస్తాయనే సంగతి మీకు తెలుసా? అయితే, మీరు తప్పకుండా ఈ భయానక ఘటన గురించి తెలుసుకోవలసిందే. అమెరికాలోని టెక్సాస్‌లో నివసిస్తున్న ఫ్రెడ్డీ మ్యాక్ (57) ఏప్రిల్ నెల నుంచి కనిపించడం లేదు. దీంతో అతడి కుటుంబ సభ్యులు పోలీసులకు ఫిర్యాదు చేశారు.

విచారణలో భాగంగా పోలీసులు మ్యాక్ ఇంటికి వెళ్లారు. అయితే, మ్యాక్ పెంచుకుంటున్న 18 కుక్కలు వారిని ఇంట్లో అడుగు పెట్టనివ్వలేదు. దీంతో పోలీసులు వాటికి మత్తు మందు ఇచ్చి ఇంట్లోకి ప్రవేశించారు. అయితే, ఇంట్లో కూడా మ్యాక్ కనిపించలేదు. గదులన్నీ పరిశీలించిన పోలీసులు.. ఎండిపోయిన రక్తమరకలు కనుగొన్నారు.

మ్యాక్‌ను ఎవరైనా హత్యచేసి ఉంటే అక్కడ శవం ఉండాలి. కానీ అది కనిపించలేదు. దీంతో అతడిని ఎవరైనా కిడ్నాప్ చేసి ఉండొచ్చని లేదా హత్యచేసి శవాన్ని తీసుకెళ్లిపోయి ఉండవచ్చని భావించారు. ఇలా అన్ని కోణాల్లో విచారణ జరిపిన పోలీసులు మరోసారి మ్యాక్ ఇంటికి వెళ్లి నిశితంగా పరిశీలించారు. ఇంట్లో కుక్కుల విసర్జనలను పరిశీలనగా చూడగా వెంట్రుకలు, దుస్తులు, ఎముకల ముక్కలు కనిపించాయి. దీంతో పోలీసులు వాటిని డీఎన్‌ఏ పరిశీలనకు పంపించారు.

డీఎన్ఏ రిపోర్టు చూసిన పోలీసులు షాకయ్యారు. కుక్కల మలంలో ఉన్నవి మ్యాక్ శరీర భాగాలేనని తెలిసి ఆశ్చర్యపోయారు. చివరికి అవే అతన్ని తినేశాయని నిర్ధారించారు. అనారోగ్యంతో బాధపడుతున్న మ్యాక్ చనిపోయిన తర్వాత కుక్కలు అతన్ని తినేశాయా? లేదా అతన్ని చంపిన తర్వాత తిన్నాయా అనేది తెలియాల్సి ఉంది. కుక్కలు మనిషిని తిన్నా.. పుర్రె, ఇతరాత్ర ఎముకలను వదిలిపెట్టే అవకాశం ఉంది. కానీ.. ఈ కుక్కలు కనీసం రక్తపు మరకలు, అస్థికలు కూడా కనిపించనంతగా మనిషిని తినేయడంపై పోలీసులు ఆశ్చర్యం వ్యక్తం చేస్తున్నారు.

మ్యాక్‌ను ఎవరైనా హత్యచేసి వాటికి ఆహారంగా వేశారా అనే కోణంలో ఆలోచించినా.. చిక్కుముడి వీడటం లేదు. ఎందుకంటే.. ఆ కుక్కలు ఎవరినీ ఇంట్లోకి అడుగు పెట్టనిచ్చేవి కావని, అతని బంధువులు కూడా లోపలికి వెళ్లాలంటే భయపడేవారని స్థానికులు చెబుతున్నారు. దీంతో పోలీసులు అతడిని కుక్కలే తినేశాయని నిర్ధారించి కేసు మూసివేశారు. పోలీసులు మిస్టరీ ఛేదించామని చెబుతున్నా.. అనుమానాలు మాత్రం అలాగే ఉన్నాయి.

ఇవి కూడా చదవండి:

ఉత్తరాఖండ్ సరస్సులో అస్తిపంజరాల గుట్ట.. అంతుబట్టని మిస్టరీ!

షాకింగ్.. 21 మంది మహిళల యోనిలు కోసి, ఫ్రిజ్‌లో దాచిన కిరాతకుడు!

విమానంలో ఆక్సిజన్ నిలిపేసి 238 ప్రయాణికుల హత్య?

బాత్‌టబ్‌లో మహిళ శవం, వికటించిన సెక్స్ గేమ్? మిస్టరీగా మారిన కేసు!



Source link

LEAVE A REPLY

Please enter your comment!
Please enter your name here