రైలు ఆపేసి.. పట్టాలపైనే పనికానిచ్చిన ట్రైన్ డ్రైవర్!

0
1


పాపం, ఆ లోకో‌పైలట్(రైలు డ్రైవర్)కు అర్జంట్‌గా వచ్చిందో ఏమో.. రైలు ఆపేసి పట్టాలపైనే పనికానిచ్చేశాడు. ఇదంతా ఓ వ్యక్తి వీడియో తీసి సోషల్ మీడియాలో పోస్టు చేయడంతో వైరల్‌గా మారింది. దీనిపై కొందరు జోకులు పేల్చుతుంటే.. మరికొందరు అతడికి మద్దతుగా మాట్లాడుతున్నారు. ఈ వీడియో.. లోకో పైలట్ల దయనీయ స్థితికి అద్దం పడుతోందని అంటున్నారు.

ముంబయికి చెందిన సోను షిండే అనే వ్యక్తి ఫుట్‌ ఓవర్ బ్రిడ్జి మీద నుంచి నడుచుకుని వెళ్తుండగా లోకో పైలట్ రైలు ఆపి కిందికి దిగడాన్ని చూశాడు. రైలు ఎదురుగా పట్టాలపైనే అతడు మూత్రం పోయడం చూసి ఆశ్చర్యపోయాడు. వెంటనే తన కెమేరా తీసి వీడియో తీశాడు. ఆ వీడియో ట్విట్టర్‌లో ప్రత్యక్షం కావడంతో వైరల్‌గా మారి రైల్వే ఉన్నతాధికారులకు చేరింది. ఈ ఘటనపై సీనియర్ సెంట్రల్ రైల్వే ఆఫీసర్ స్పందిస్తూ.. ‘‘ఈ వీడియో మాకు అందింది. ఈ ఘటనపై ఇంకా విచారణ జరుగుతోంది’’ అని తెలిపారు.

మనిషిలా చూడండి: ‘‘రైలుకు లోకో‌ పైలట్‌గా పనిచేయడం అంటే మాటలు కాదు. సోషల్ మీడియాలో నెటిజనులు అతడిపై జోకులు పేలుస్తున్నారు. అతను కూడా మనలాంటి మనిషే. సెంట్రల్ రైల్వే తమ సిబ్బందికి మద్దతి ఇస్తుందని భావిస్తున్నా’’ అని అక్షయ్ మార్తే అనే ట్విట్టర్ యూజర్ స్పందించాడు. అతను చెప్పిన మాటలో కూడా వాస్తవం లేకపోలేదు. లోకల్ రైళ్లు నడిపే లోకో పైలట్లకు విశ్రాంతి దొరకడం చాలా కష్టం. సుమారు 3 నుంచి 5 గంటలు ఆగకుండా రైలును నడుపుతూనే ఉండాలి. ఈ నేపథ్యంలో వారికి మూత్రం పోసుకోడానికి కూడా సమయం చిక్కదు. దీంతో ఆ లోకో‌పైలట్ అలా చేయడంలో తప్పులేదనే భావన వ్యక్తమవుతోంది. అయితే, అతను ట్రాక్ మీద కాకుండా పక్కకి వెళ్లి ఆ పనిచేసి ఉంటే బాగుండేదని మరికొందరు అంటున్నారు. ఏది ఏమైనా ఈ వీడియోపై భిన్న వాదనలకు తెరతీసింది.



Source link

LEAVE A REPLY

Please enter your comment!
Please enter your name here