రోడ్లు బాగాలేదని.. మేయర్‌ను ట్రక్కుకు కట్టి ఈడ్చుకెళ్లిన ప్రజలు

0
3


తుకుల రోడ్లతో ప్రమాదాలకు గురవ్వుతున్న ప్రజలు విసిగిపోయారు. ఎన్నిసార్లు మొరపెట్టుకున్నా రోడ్లు బాగు చేయడం లేదనే కోపంతో ప్రజలు నేరుగా మేయర్‌నే నిలదీశారు. అతడి నుంచి సరైన సమాధానం రాకపోవడంతో అతన్ని బలవంతంగా బయటకు లాక్కొని వచ్చి ట్రక్కుకు కట్టేశారు. అనంతరం నగర వీధుల్లో ఈడ్చుకెళ్తూ.. రోడ్ల పరిస్థితిని కళ్లకు కట్టినట్లు చూపించారు.

Read also: ఎంపీలకు మహిళల దుస్తులేసి ఊరేగించిన ప్రజలు.. హామీలు నెరవేర్చనందుకు శిక్ష

ఈ ఘటన మెక్సికోలో చియపాస్ రాష్ట్రంలో చోటుచేసుకుంది. లాస్ మార్గరీటాస్ నగరంలో మంగళవారం కొంతమంది వ్యక్తులు మున్సిపాలిటీ ఆఫీసులోకి చొరబడ్డారు. అనంతరం మేయర్ జార్జ్ లూయిస్ ఎస్కాండన్ హెర్నాండెజ్ చాంబర్‌లోకి ప్రవేశించి దాడికి పాల్పడ్డారు. అతడిని బయటకు లాక్కొని వచ్చి, టయోటా ట్రక్కుకు కట్టేసి నగర వీధుల్లో ఈడ్చుకెళ్లారు. ఈ సందర్భంగా మేయర్ మద్దతుదారులు, నిరసనకారులకు మధ్య పెద్ద గొడవే జరిగింది. ఒకరినొకరు కర్రలు, పైపులతో కొట్టుకున్నారు.

Read also: సొంత గుర్రాన్ని కోసుకుని తినేసిన యువతి, టేస్ట్ బాగుందంటూ ఫేస్‌బుక్‌లో పోస్ట్!

మేయర్‌పై దాడి చేయడం ఇదో రెండోసారి. నాలుగు నెలల కిందట కూడా హామీలు నెరవేర్చడం లేదనే కారణంతో మేయర్‌ను కొట్టారు. ‘Tinta Fresca Chiapas’, ‘Tabasco AI Minuto’ వార్తా వెబ్‌సైట్లు ట్విట్టర్‌లో ఈ వీడియోలను పోస్టు చేశాయి. నిరసనకారులు మేయర్ చేతులను తాళ్లతో కట్టేసి ట్రక్కుతో లాక్కెళ్లినట్లు మెక్సికో వార్తా పత్రికలు వెల్లడించాయి. పోలీసులు వారిని అడ్డుకుని మేయర్‌ను విడిపించారని పేర్కొన్నాయి. ఈ ఘటనలో 11 మందిని అరెస్టు చేశారు. వారిపై హత్యాయత్నం, అపహరణ కేసులు నమోదు చేసినట్లు పోలీసులు తెలిపారు. ఇదే రాష్ట్రంలో కొద్ది నెలల కిందట హామీలు అమలుచేయని ఎంపీలకు మహిళల దుస్తులు వేసి ఊరేగించడం గమనార్హం.



Source link

LEAVE A REPLY

Please enter your comment!
Please enter your name here