వీడియో: నడుస్తున్న వ్యక్తిపై పడిన పిడుగు.. కాపాడిన గొడుగు

0
0


పిడుగు పడితే పచ్చని చెట్టు కూడా భగభగా మండిపోతుంది. అలాంటి పిడుగు మనిషిపై పడితే? వామ్మో ఇంకేమైనా ఉందా.. ప్రాణాలు గాల్లో కలిసిపోతాయి. అయితే, అతడు మాత్రం పిడుగు పడినా బతికే ఉన్నాడు. కారణం.. అతడు పట్టుకున్న గొడుగు. దక్షిణ కరోలినాలోని కాన్వేలో ఈ అరుదైన ఘటన చోటుచేసుకుంది.

అకాడమీ ఫర్ టెక్నాలజీ అండ్ అకాడమిక్స్‌లో గైడెన్స్ కౌన్సెలర్‌గా పనిచేస్తున్న మెక్‌నిల్ ఓ రోజు జోరున వర్షంలో గొడుగు వేసుకుని గార్డెన్‌లోకి వెళ్లాడు. కొద్ది దూరం నడిచే అతడిపై పిడుగు పడింది. దీంతో షాకైన మెక్‌నిల్ గొడుగు మూసి పరుగు పెట్టాడు. ఇదంతా సీసీటీవీ కెమేరాలో రికార్డైంది. ఆ వీడియో చూసిన తర్వాత మెక్‌నిల్.. ఆ గొడుగే లేకపోతే పిడుగుకు బలయ్యేవాడినని తెలిపాడు.

ఆ వీడియోను తన ఫేస్‌బుక్ పేజ్‌లో పోస్ట్ చేయగానే పిడుగుపాటు కంటే వేగంగా వైరల్ అయ్యింది. ‘‘వర్షం పడుతుంది కదా.. ఇంటికెళ్లి ఏదైనా తిందామని గొడుగు వేసుకుని బయల్దేరితే పిడుగు పడింది. ఆ సమయంలో నాకు ఏదో షాక్ కొట్టినట్లు అనిపించింది. ఇది నాకు మరో జన్మ. ఇకపై మళ్లీ పిడుగులు పడే సమయంలో బయటకు వెళ్లను’’ అని మెక్‌నిల్ వెల్లడించాడు.



Source link

LEAVE A REPLY

Please enter your comment!
Please enter your name here