వృద్ధురాలికి ఫ్రీ సర్వీస్ చేసి.. రాత్రికి రాత్రే లక్షాధికారైన ప్లంబర్!

0
3


నం ఒకరికి సాయం చేస్తే.. అది ఏదో ఒక రూపంలో మనకు మేలు చేస్తుందని అంటారు. అది ఈ వ్యక్తి విషయంలో నిజమైందని చెప్పవచ్చు. యూకేలోని బరన్లేలో నివసిస్తున్న జేమ్స్ అండర్సన్ (52) అనే ప్లంబర్ ఇటీవల 91 ఏళ్ల వృద్ధురాలి ఇంట్లో ప్లంబింగ్ పనులు చేసి.. డబ్బులు తీసుకోలేదు. పైగా, జీవితాంతం ఆమెకు ఉచితంగా సేవలు అందిస్తామన్నాడు.

ఈ విషయం బయటకు రావడంతో రాత్రికి రాత్రే జేమ్స్ హీరో అయిపోయాడు. యూకే, ఆస్ట్రేలియా, అమెరికాలో సైతం ఈ వార్త వైరల్‌గా మారడంతో అతని అకౌంట్‌కు వెల్లువలా విరాళాలు వచ్చాయి. ఇప్పటి వరకు సుమారు 80 వేల పౌండ్లు (రూ.
70,53,520) లభించినట్లు జేమ్స్ వెల్లడించాడు.

Read also: దొంగకు చుక్కలు చూపించిన 81 ఏళ్ల అవ్వ.. నడి వీధిలో చితకొట్టుడు!

సొంతంగా ప్లంబింగ్ కంపెనీ ఏర్పాటు చేసుకుని సాగుతున్న జేమ్స్.. బ్యాంక్‌కు రుణాలు చెల్లించాల్సి ఉంది. అయితే, అతడు మంచితనంతో చాలామందికి ఉచితంగా సేవలు అందిస్తూ నష్టాల్లో కూరుకుపోయాడు. ఇక తన కంపెనీని మూసివేసి మరేదైనా పని చేద్దామని భావించే సమయంలో ఓ వృద్ధురాలి నుంచి ఫోన్ వచ్చింది. వెంటనే ఆమె ఇంటికి వెళ్లి పనులు పూర్తిచేశాడు.

ఆమెకు ఇచ్చిన బిల్లులో సున్నా పైసలు చెల్లిస్తే సరిపోతుందని చెప్పాడు. దీంతో ఆ వృద్ధురాలు అతడి మంచి మనసుకు పొంగిపోయింది. ఈ విషయం తెలియగానే యూకే పత్రికలు, వెబ్‌సైట్లలో జేమ్స్‌ను పొగడ్తలతో ముంచెత్తాయి. విలేకరులు అతడిని సంప్రదించగా తన కష్టాలను చెప్పుకున్నాడు. తాను ఎన్ని కష్టాల్లో ఉన్నా సమస్యల్లో ఉన్నవారికి సాయం చేస్తానని తెలిపాడు.

Read also: షాకింగ్.. ఫే‌స్ క్రీమ్‌ రాసుకోగానే కోమాలోకి, మహిళ పరిస్థితి విషమం

వృద్ధురాలు 91 ఏళ్ల వయస్సులోనూ ఒంటరిగా జీవిస్తోంది. పైగా, ఆమె లుకేమియా వ్యాధితో బాధపడుతోంది. అలాంటి పరిస్థితుల్లో ఆమె నుంచి డబ్బులు తీసుకోవడం అంటే మానవత్వాన్ని చంపేసుకున్నట్లే అని తెలిపాడు. జేమ్స్ గురించి తెలుసుకున్న ప్రజలు.. అతడి బకాయిలను తీర్చాలని నిర్ణయించుకున్నారు.

ఈ సందర్భంగా ప్రజలు అతడి అకౌంట్ నెంబరును తెలుసుకుని మరీ విరాళాలు వేయడం ప్రారంభించారు. ఈ సందర్భంగా జేమ్స్ మాట్లాడుతూ.. ‘‘ఈ డబ్బును నా సొంత ఖర్చులకు ఉపయోగించను. కష్టాల్లో ఉన్న వ్యక్తులకు సాయం చేయడానికి మాత్రమే ఖర్చు చేస్తాను’’ అని జేమ్స్ తెలిపాడు. ఈ సందర్భంగా తన సంస్థను సమాజిక సేవా సంస్థగా మారుస్తున్నట్లు ప్రకటించాడు.



Source link

LEAVE A REPLY

Please enter your comment!
Please enter your name here