వైర్లకు చిక్కుకుని గాల్లో వేలాడిన విమానం.. పైలట్ భలే లక్కీ!

0
3


గాల్లో ఎగురుతున్న విమానం అకస్మాత్తుగా అదుపుతప్పింది. వేగంగా నేలపై పడుతున్న సమయంలో లక్కీగా వైర్లను తగులుకుని తలకిందులైంది. అక్కడి నుంచి కిందపడకుండా వైర్లకు వేలాడటంతో అందులో ఉన్న పైలట్, ప్రయాణికుడు ప్రాణాలతో బయటపడ్డారు. ఈ ఘటన ఇటలీలోని ప్రాతో వాలంటీనో స్కి రిసార్ట్‌లో చోటుచేసుకుంది.

Read also: బెంగాలీ ఫస్ట్‌నైట్.. ‘కాళరాత్రి’ పేరుతో తొలిరాత్రి, వధువరులను వేరు చేసే వింత ఆచారం

62 ఏళ్ల పైలట్, మరో ప్రయాణికుడు తెలికపాటి ఎయిర్‌క్రాఫ్ట్‌లో ఎగురుతుండగా సాంకేతిక లోపం తలెత్తింది. దీంతో విమానం అదుపుతప్పి కూలిపోతుండగా స్కీ లిఫ్ట్ కేబుళ్లు (పర్వత ప్రాంతాలపై తీగలపై ప్రయాణించే లిఫ్ట్) అడ్డువచ్చాయి. విమానం ఆ వైర్లకు తగులుకొని తలకిందులుగా వేలాడింది. ఈ ప్రమాదాన్ని గుర్తించిన కార్పో నజియోనాలే సక్కర్సో అల్పినో స్పెలియోలాజికో (CNSAS) అనే రెస్క్యూ టీమ్ అక్కడికి చేరుకుని పైలట్, ప్రయాణికుడిని రక్షించారు.
ఇందులో మొత్తం 20 మంది రెస్య్క్యూ సిబ్బంది పాల్గొన్నారు. సుమారు గంటన్నర శ్రమించి వారిని రక్షించారు. అనంతరం కేబుళ్లకు చిక్కుకున్న విమానాన్ని కూడా నెమ్మదిగా విడిచిపించి, హెలికాప్టర్ల ద్వారా కిందికి దించారు. విమానం ఆ వైర్లలో చిక్కుకోవడం వల్ల వారికి పెద్ద ప్రమాదమే తప్పిందని, లేకపోతే అది నేలపై కూలిపోయేదని సీఎన్ఎస్‌ఏఎస్ అధికార ప్రతినిధి వాల్టర్ మిలన్ తెలిపారు.



Source link

LEAVE A REPLY

Please enter your comment!
Please enter your name here