షాకింగ్: ‘సాహో’ థియేట్రికల్ రైట్స్.. ‘రంగస్థలం’ కలెక్షన్స్‌ను మించి!

0
2


ప్రభాస్ హీరోగా నటించిన ఇండియాస్ బిగ్గెస్ట్ యాక్షన్ మూవీ ‘సాహో’ ప్రీ రిలీజ్ బిజినెస్ ఆశ్చర్యానికి గురిచేస్తోంది. దేశ వ్యాప్తంగా ఈ సినిమాపై భారీ అంచనాలు ఉండటంతో సినిమా ప్రీ రిలీజ్ బిజినెస్ కూడా అదే స్థాయిలో జరుగుతోందని సినీ వర్గాలు అంటున్నాయి. ‘బాహుబలి’ సిరీస్ తరవాత దేశ వ్యాప్తంగా ప్రభాస్‌కు మంచి స్టార్‌డమ్ ఇమేజ్ ఏర్పడింది. ‘బాహుబలి 2’ ఇండియాలో రూ.1500 కోట్లు వసూలు చేసిన సంగతి తెలిసిందే. ‘సాహో’ కలెక్షన్లు కూడా ఆ స్థాయిలో ఉంటాయని అంచనా వేస్తున్నారు. అందుకే ‘సాహో’ థియేట్రికల్ హక్కుల కోసం డిస్ట్రిబ్యూటర్లు క్యూ కడుతున్నారు.

ఇప్పటికే రాయలసీమ ప్రాంతానికి సంబంధించి ‘సాహో’ థియేట్రికల్ రైట్స్‌ను విక్రయించారని టాక్. ఇప్పటి వరకు కనీవినీ ఎరుగని రీతిలో రూ.25 కోట్ల భారీ ధరకు రాయలసీమ ప్రాంత హక్కులను విక్రయించారని అంటున్నారు. వాస్తవానికి, సీడెడ్ ఏరియాలో ఇప్పటి వరకు ‘బాహుబలి’ మినహా ఏ చిత్రం రూ.20 కోట్లను మించి షేర్ వసూలు చేయలేదు. ‘బాహుబలి’ సిరీస్‌ను మినహాయిస్తే అత్యధికంగా ‘రంగస్థలం’ సుమారు రూ.19 కోట్లు రాబట్టింది. అలాంటిది, ‘సాహో’ రైట్స్ రూ.25 కోట్లు పెట్టి కొనడం ఆశ్చర్యానికి గురిచేస్తోంది.

ఈ ప్రచారంలో నిజమెంతో తెలీదు కానీ.. డిస్ట్రిబ్యూటర్ చేసిన ధైర్యం చూస్తుంటే ‘రంగస్థలం’ రికార్డును ‘సాహో’ టార్గెట్ చేసిందని స్పష్టంగా తెలుస్తోంది. రూ.25 కోట్లు పెట్టి రాయలసీమ రైట్స్ కొన్నారు కాబట్టి అంతకు మించి వస్తేనే డిస్ట్రిబ్యూటర్ లాభపడినట్టు. అయితే, ఈ మార్కును ‘సాహో’ కచ్చితంగా దాటుతుందని సినీ వర్గాలు అంటున్నాయి. తెలుగుతో పాటు తమిళం, మలయాళం, హిందీ భాషల్లో ఒకేసారి ఆగస్టు 30న విడుదలవుతోన్న ఈ చిత్రం దేశ వ్యాప్తంగా కలెక్షన్ల సునామీ సృష్టించడం ఖాయమంటున్నారు.



Source link

LEAVE A REPLY

Please enter your comment!
Please enter your name here