‘సాహో’ బీజీఎం కోసం వరల్డ్ క్లాస్ ఆర్కెస్ట్రా.. వివరాలు వెల్లడించిన జిబ్రాన్

0
3


ప్రభాస్ కెరీర్‌లోనే ఇంత హైప్ ఏ సినిమాకు రాలేదు. ‘బాహుబలి’ సినిమాకు ప్రభాస్ కన్నా దర్శకధీరుడు ఎస్.ఎస్.రాజమౌళి కారణంగా వచ్చిన క్రేజే ఎక్కువ. కానీ, ‘సాహో’ విషయంలో అలా కాదు. ఈ చిత్ర దర్శకుడు సుజీత్ ఎవరో చాలా మందికి తెలీదు. ఆయన దర్శకుడుగా పనిచేసిన ఏకైక చిత్రం ‘రన్ రాజా రన్’ తెలుగు ప్రేక్షకులకు మాత్రమే తెలుసు. అయినప్పిటికీ, దేశ వ్యాప్తంగా సినీ ప్రేమికులు ‘సాహో’ కోసం ఎంతో ఆసక్తిగా ఎదరుచూస్తున్నారంటే దానికి కారణం ప్రభాస్. ‘బాహుబలి’ సినిమాతో ఆయనకు దేశ వ్యాప్తంగా బోలెడంత మంది అభిమానులుగా మారిపోయారు.

ప్రభాస్‌కు తోడు బాలీవుడ్‌కు చెందిన ప్రముఖు నటీనటులంతా ‘సాహో’లో నటించడంతో ఈ సినిమాపై భారీ అంచనాలు ఏర్పడ్డాయి. ఈ అంచనాలకు ఎక్కడా తక్కువ కాకుండా సినిమాను అంతర్జాతీయ స్థాయి నాణ్యతతో నిర్మిస్తున్నారు. ప్రస్తుతం పోస్ట్ ప్రొడక్షన్ పనులు చివరి దశకు చేరుకున్నాయి. ఈనెల 30న ‘సాహో’ ప్రేక్షకుల ముందుకు వస్తోంది. అయితే, ఈ సినిమాకు నేపథ్య సంగీతం అందించిన మ్యూజిక్ డైరెక్టర్ జిబ్రాన్ మరో ఆసక్తికర విషయాన్ని తాజాగా వెల్లడించారు. ఈ విషయం తెలుసుకున్నాక ‘సాహో’పై అంచనాలు మరింతగా పెరిగిపోతున్నాయి.

హాలీవుడ్ సినిమాలకు పనిచేసే వరల్డ్ క్లాస్ ఆర్కెస్ట్రా ‘‘ది బుడాపెస్ట్ ఆర్కెస్ట్రా’’ ‘సాహో’కు పనిచేసింది. ఈ ఆర్కెస్ట్రాతో కలిసి జిబ్రాన్ ‘సాహో’కు నేపథ్య సంగీతం సమకూర్చారు. ఈ విషయాన్ని ఆయన ట్విట్టర్ ద్వారా వెల్లడించారు. ఒక్క సినిమాకు మూడు లిప్ సింకులతో మూడు సార్లు ఎడిట్ చేశామని జిబ్రాన్ చెప్పారు. జీవితంలో ఇంత కన్నా గొప్ప విషయం ఉండదని పేర్కొన్నారు. ‘‘స్టార్ వార్స్’, ఆస్కార్ విన్నింగ్ ‘గెట్ ఔట్’ సినిమాలకు పనిచేసిన ది బుడాపెస్ట్ ఆర్కెస్ట్రాతో కలిసి ‘సాహో’ కోసం టైట్ స్కోరింగ్ సెషన్ చేశాం’ అని జిబ్రాన్ వెల్లడించారు. బీజీఎం అద్భుతంగా ఉంటుందని తెలిపారు.





Source link

LEAVE A REPLY

Please enter your comment!
Please enter your name here