‘సాహో’ స్వీట్ న్యూస్.. ప్రభాస్ ఫ్యాన్స్‌కి పండగే!

0
9


రెబల్ స్టార్ ప్రభాస్ ఫ్యాన్స్ ఎప్పుడెప్పుడా అని ఎదురుచూస్తోన్న రోజు అతి త్వరలో వచ్చేస్తోంది. మరో రెండు రోజుల్లో ‘సాహో’ ట్రైలర్ కనువిందు చేయనుంది. ఈ ఏడాదికే అత్యంత భారీ, మోస్ట్ యాంటిసిపేటెడ్ మూవీగా చెప్పుకుంటోన్న ‘సాహో’ ట్రైలర్ ఈనెల 10న విడుదలవుతోంది. తాజాగా హీరో ప్రభాస్‌ది ఒక అదిరిపోయే పోస్టర్‌తో ఈ ట్రైలర్ లాంచ్ డేట్‌ను ప్రకటించారు. ఇప్పటికే విడుదలైన టీజర్ యూట్యూబ్‌ను హీటెక్కించింది. సోషల్ మీడియాను షేక్ చేసింది. టీజర్ చివరిలో హల్క్ లాంటి ప్రభాస్ లుక్ చూసి అభిమానులు తెగ సంబరపడిపోయారు. టీజరే ఇలా ఉంటే ఇక ట్రైలర్ ఎలా ఉండబోతోందోనని ఊహించుకుంటుంటూనే మంచి అనుభూతి కలుగుతోంది.

సుజీత్ దర్శకత్వం వహించిన ‘సాహో’ సినిమా ఆగస్టు 30న ప్రేక్షకుల ముందుకు వస్తోంది. విడుదల తేదీ దగ్గరపడుతుండటంతో ప్రచార కార్యక్రమాల జోరు పెంచారు. సినిమాలోని ప్రధాన పాత్రలన్నింటినీ ఒక్కోటి చొప్పున పోస్టర్ల రూపంలో పరిచయం చేస్తున్నారు. ఇప్పటికే నీల్ నితిన్ ముఖేష్, అరుణ్ విజయ్, చంకీ పాండే, లాల్ లుక్స్‌ను విడుదల చేశారు. గురువారం జాకీ ష్రాఫ్ లుక్ కూడా వదిలారు. రాయ్ పాత్రలో జాకీ ష్రాఫ్ కనిపించబోతున్నారు. ఈ క్యారెక్టర్ పోస్టర్లన్నీ చాలా స్టైలిష్‌గా ఉన్నాయి. ఈ పోస్టర్లు చూస్తుంటేనే సినిమాపై అంచనాలు భారీగా పెరిగిపోతున్నాయి. అలాంటిది ట్రైలర్ వస్తే ఇక ప్రభాస్ అభిమానులకు పండగే.

ఈ చిత్రంలో ప్రభాస్ సరసన బాలీవుడ్ నటి శ్రద్ధా కపూర్ హీరోయిన్‌గా నటించింది. యూవీ క్రియేషన్స్ బ్యానర్‌పై వంశీ, ప్రమోద్, విక్రమ్‌లు ఈ సినిమాను నిర్మిస్తున్నారు. జిబ్రాన్ నేపథ్య సంగీతం అందించారు. ఒక్కో పాటను ఒక్కో సంగీత దర్శకుడితో కంపోజ్ చేయిస్తున్నారు. ఇప్పటికే రెండు పాటలు విడుదలయ్యాయి. ‘ఏ చోట నువ్వున్నా’ అనే పాటను పంజాబీ కంపోజర్ గురు రాంధవ స్వరపరిచారు. అలాగే అంతకు ముందు వచ్చిన ‘సైకో సైయా’ అనే పాటను తనిష్క్ బాగ్చి కంపోజ్ చేశారు. ప్రస్తుతానికి అయితే ఈ రెండు పాటలనే విడుదల చేశారు. కాగా, ఈ సినిమాను తెలుగుతో పాటు హిందీ, తమిళ భాషల్లో ఒకేసారి విడుదల చేస్తున్నారు.





Source link

LEAVE A REPLY

Please enter your comment!
Please enter your name here