‘సైరా’పై నారా లోకేష్ కామెంట్.. స్పందించిన చిరంజీవి

0
3


మెగాస్టార్ చిరంజీవి హీరోగా, ఆయన తనయుడు రామ్ చరణ్ ప్రతిష్టాత్మకంగా నిర్మించిన ‘సైరా నరసింహారెడ్డి’ సినిమాను ప్రశంసించనివారు లేరు. సినిమా చూసిన ప్రతి ఒక్కరూ ఎంతో అద్భుతంగా ఉందంటూ కొనియాడుతున్నారు. కేవలం సినీ పరిశ్రమకు చెందినవారే కాకుండా రాజకీయ ప్రముఖులు కూడా ‘సైరా’ను, చిరంజీవిని ఆకాశానికి ఎత్తేస్తున్నారు. తాజాగా ఈ జాబితాలో టీడీపీ జనరల్ సెక్రటరీ, ఎమ్మెల్సీ నారా లోకేష్ కూడా చేరారు.

తాజాగా ‘సైరా’ సినిమా చూసిన ఆయన ట్విట్టర్ వేదికగా తన అభిప్రాయాన్ని వెల్లడించారు. తెలుగు సినిమా స్థాయిని ‘సైరా’ శిఖరానికి చేర్చిందని కొనియాడారు. ఇది చిరంజీవి గారి 12 ఏళ్ల కల అని.. ఆయన తన కలను ఎంతో అద్భుతంగా ఆవిష్కరించుకున్నారని పేర్కొన్నారు. తెలుగు వీరుడు ఉయ్యాలవాడ నరసింహారెడ్డి స్వాతంత్య్ర పోరాటాన్ని తెరపై చూస్తుంటే ఒళ్లు గగుర్పొడిచిందని తన అనుభవాన్ని వెల్లడించారు. ‘‘హ్యాట్సాఫ్! చిరంజీవిగారు’’ అంటూ ట్వీట్ చేసి మెగా అభిమానుల మనసులు గెలుచుకున్నారు.

అంతేకాదు, ఇంత మంచి చిత్రాన్ని నిర్మించిన రామ్ చరణ్‌కు కూడా ఆయన అభినందనలు తెలిపారు. ‘‘ఎంతో పరిశ్రమించి చిత్రాన్ని అద్భుతంగా తెరకెక్కించి విజయాన్ని అందుకున్న నిర్మాత రామ్ చరణ్, చిత్ర దర్శకులు సురేందర్ రెడ్డి, సాంకేతిక సిబ్బంది.. యూనిట్ మొత్తానికీ హార్దికాభినందనలు’’ అని లోకేష్ ట్వీట్ చేశారు.

కాగా, లోకేష్ ట్వీట్‌కు చిత్ర నిర్మాణ సంస్థ కొణిదెల ప్రొడక్షన్ కంపెనీ స్పందించింది. చిరంజీవి పేరిట లోకేష్‌కు థ్యాంక్యూ మెసేజ్ పెట్టింది. ‘‘ప్రియమైన లోకేష్‌కు, మీకు మా సినిమా నచ్చినందుకు కొణిదెల ప్రొడక్షన్ కంపెనీలో ఉన్న మాకు చాలా ఆనందంగా ఉంది. థ్యాంక్యూ – చిరంజీవి’’ అని లోకేష్‌ ట్వీట్‌కు రిప్లై ఇచ్చారు. మొత్తానికి ఈ రెండు ట్వీట్లు ట్విట్టర్‌లో ఇరు వర్గాల అభిమానుల మధ్య మంచి వాతావారణాన్ని క్రియేట్ చేయగలిగాయి.





Source link

LEAVE A REPLY

Please enter your comment!
Please enter your name here