18 ఏళ్లుగా తొక్కుతూనే ఉన్నారు.. టాలీవుడ్‌పై ఆకాష్ సంచలన కామెంట్స్

0
1


ఆనందం సినిమాతో బ్లాక్ బస్టర్ అందుకున్న తనను ఎదగనీయకుండా చేశారంటూ టాలీవుడ్ దర్శకులు, ప్రొడ్యుసర్లపై పండిపడ్డారు హీరో ఆకాష్. ఒకటి కాదు రెండు కాదు ఏకంగా తన ఐదు సినిమాలను విడుదల కాకుండా చేశారంటూ సంచలన కామెంట్స్ చేశారు.

ఓ యూట్యూబ్ ఛానల్‌కి ఇచ్చిన ఇంటర్య్యూలో ఆయన మాట్లాడుతూ.. ‘ఇండస్ట్రీలో గత 18 ఏళ్లుగా నాకు అన్యాయం జరుగుతోంది. ఎన్నాళ్లు వెయిట్ చేయాలి. ఆనందం పెద్ద హిట్ వచ్చాక కూడా నేను ఎందుకు మళ్లీ హిట్ ఇవ్వలేదంటే.. నా సినిమాలు విడుదల కాకుండా చేశారు. నా మంచి సినిమాలు ఐదు విడుదల కాకుండా చేశారు. ‘ఇష్టపడి’ అనే సినిమా తరంగ ఫిలిమ్స్ కి చేశా.. అది ఆనందంకంటే ముందు కమిట్ అయిన సినిమా. రాశి, ఆశాసైనీ హీరోయిన్లు. ప్రకాశ్ రాజ్, సుహాసిని, కోటా శ్రీనివాసరావు ఇలా చాలా మంది నటించారు. అయితే తరంగ ఫిలిమ్స్ వాళ్లు 75 షూటింగ్ అయిన తరువాత వాళ్లు రిలీజ్ చేసిన సినిమాలకు నష్టం రావడంతో షూటింగ్ ఆపేశారు. కాని ‘ఆనందం’ సినిమా హిట్ కావడంతో మళ్లీ కంటిన్యూ చేశారు.

Read Also: నేను తాగి చెప్పట్లేదు.. ‘ఇస్మార్ట్ శంకర్’ నాదే, ఆధారం ఇదిగో: హీరో ఆకాష్

ఆనందం సినిమా తరువాత నా జీతం 25 లక్షలు. కాని ‘ఇష్టపడి’ చిత్రానికి రూ. 50 వేలు మాత్రమే నా జీతం. అందులో రూ. 25 వేలు మాత్రమే ఇచ్చారు. రూ. 25 లక్షలు తీసుకునే నేను కేవలం ముందు ఒప్పుకున్నానని సినిమాపై ఇష్టంతో 25 వేలకు సినిమా చేశా. అయినా వాళ్ల లాభంకోసం చూసుకుని సినిమాను రిలీజ్ చేయలేదు. అది విడుదలైతే పెద్ద హిట్ అయ్యేది.

అలాగే ‘ఇదేం ఊరురా బాబు’ అంటూ ముత్యాల సబ్బయ్యతో సినిమా ఒప్పుకున్నా. అందులో నా రిమ్యూనరేషన్ రూ. 5 లక్షలు. అందులో రూ. 3 లక్షలు ఇచ్చి రూ. 2 లక్షలు ఇవ్వలేదు. అయినా పట్టించుకోలేదు. ఎందుకంటే మంచి సినిమా వస్తుందని వదలేశా. ఆ సినిమా కూడా రిలీజ్ చేయలేదు.

మూడు చిత్రం ‘ఆకాశం’.. తమిళ్‌లో ‘వసంతం’ సినిమా డైరెక్టర్ విక్రమన్‌కి ఆ సినిమా పెద్ద హిట్. తమిళ్‌లో అర్జున్ చేయగా తెలుగులో నేను హీరోగా చేశా. రూ. 5 లక్షలు ఇచ్చినా సినిమా చేశా. ఆ సినిమా కూడా ఆపేశారు.

ఇక నాలుగో సినిమా.. ‘జూన్ జూలై’ ఆ సినిమాలో నేను చేసినట్టుగా ఏ హీరో చేయలేరు. ఆ సినిమా ప్రొడ్యుసర్ దివాళా తీసేలా ఉన్నాడని.. ఆయన్ని చూసి రూపాయి కూడా తీసుకోకుండా సినిమాకి ఒప్పుకున్నా. ఆయన ఇవ్వకుండా రూ. 2 లక్షలు అడ్వాన్స్ ఇచ్చాడని చెప్పా. ఆ తరువాత ఆయన ఆ సినిమా ఒక కోటితో తీసి రూ. 10 కోట్లకు అమ్మడానికి చూశారు. డిస్ట్రిబ్యూటర్స్ ఆరు కోట్లు ఇస్తామన్నా.. ఈయన అమ్మలేదు. దాంతో ఆ సినిమా ఇప్పటికీ విడుదల కాలేదు.

ఆ తరువాత ‘మనసుతో’ అనే సినిమా సొనాలీ బింద్రే హీరోయిన్ అని చెప్పారు నిర్మాత రవి కుమార్ చౌదరి. తీరా షూటింగ్‌కి వెళ్లాక ఓ కొత్త హీరోయిన్‌ని పెట్టారు. ఆమెను చూడగానే నాకు అర్ధమైపోయింది సినిమా ఆడదు అని. అప్పటికీ డైరెక్టర్, నిర్మాతల లైఫ్ అండ్ డెత్ ప్రాబ్లమ్ అని చెప్పి.. ‘మనసుతో’ చేశా. ఆ సినిమా విడుదలైంది. హీరోయిన్ సీన్‌లోకి వచ్చిన తరువాత జనాలు థియేటర్స్ నుండి వెళిపోయారు. ఇలా నా 5 సినిమాలు విడుదల కాకుండా చేసి ఇండస్ట్రీలో నేను ఎదగకుండా చేశారు.

నేను డబ్బు కోసం చూసుకునే వాడినైతే లండన్‌లోనే ఉండేవాడిని. నేను లండన్‌లో ఐటీ ఇంజనీర్‌గా బోలెడు డబ్బులు సంపాదించేవాడిని. కాని నేను హీరోగా రాణించి మంచి సినిమాలు చేయాలని వచ్చా. కాని నన్ను ఎదగకుండా తొక్కేశారు. అంటూ ఆవేదన చెందారు హీరో ఆకాశ్.



Source link

LEAVE A REPLY

Please enter your comment!
Please enter your name here