6 అడుగుల వ్యక్తి వీర్యాన్ని పొందిన ఆమెకు మరుగుజ్జు పుట్టాడు!

0
0


అందం, ఆరోగ్యంతో ఉండే వ్యక్తి వీర్యంతో గర్భం దాల్చితే.. పుట్టబోయే బిడ్డ కూడా అలాగే ఉంటారనే నమ్మకం చాలామందిలో ఉంది. అయితే, అది కేవలం అపోహ మాత్రమేనని.. ఒక్కోసారి దానికి విరుద్ధంగా కూడా జరుగుతుందని చెప్పడానికి ఈ ఘటనే నిదర్శనం.

రష్యా రాజధాని మాస్కోలో 40 ఏళ్ల మహిళ ఐవీఎఫ్ ట్రీట్మెంట్ ద్వారా గర్భం దాల్చాలని నిర్ణయించుకుంది. వీర్యం కోసం విద్యావంతుడు, ఆరు అడుగుల అందమైన వ్యక్తిని ఎంచుకుంది. వైద్యులు అతడి వీర్యాన్ని సేకరించి ఆమె అండాశయంలోకి ప్రవేశపెట్టారు. దీంతో ఆమె గర్భం దాల్చింది.

Also Read: ప్రియురాలి మృతదేహాన్ని పెళ్లాడిన ప్రియుడు.. గుండె బరువెక్కించే విషాదం

అయితే, ఆ సంతోషం ఎన్ని రోజులో నిలవలేదు. వైద్య పరీక్షల కోసం వెళ్లిన ఆమెకు వైద్యులు షాకింగ్ నిజం చెప్పారు. శిశువులో అకోన్‌డ్రాప్లాసియా (achondroplasia) అనే సమస్యను గుర్తించామని, ఎముకల ఎదుగుదలలో లోపం వల్ల ఆ బిడ్డ మరుగుజ్జుకు పుడతాడని తెలిపారు. ప్రపంచంలో ప్రతి 20 వేల మంది చిన్నారుల్లో ఒకరికి ఈ సమస్య వస్తుందన్నారు.

కొన్ని రోజుల తర్వాత ఆమె మగ బిడ్డకు జన్మనిచ్చింది. దీంతో వైద్యలు ఆ బిడ్డకు మరోసారి వైద్య పరీక్షలు నిర్వహించి మరుగుజ్జుతనాన్ని నిర్ధరించారు. ఈ సమస్య వల్ల ఆ బిడ్డ 4 అడుగులకు మించి ఎదగలేదని పేర్కొన్నారు. ఆ బిడ్డకు ఇప్పుడు రెండేళ్లు వచ్చాయి. ఇప్పటికీ ఆ బిడ్డలో ఎదుగుదల కనిపించలేదని ఆ మహిళ పేర్కొంది.

Also Read: ట్యాక్సీ డ్రైవర్‌తో గొడవ.. నడి రోడ్డుపై దుస్తులు విప్పేసి మహిళ హంగామా

దీంతో ఆమె తనకు వీర్యాన్ని అందించిన స్పెర్మ్ బ్యాంక్‌పై దావా వేసింది. ఈ కేసును విచారించిన కోర్టు ఆ స్పెర్మ్ బ్యాంక్‌‌ను మూసివేయాలని ఆదేశించింది. ఆ సంస్థ సేవలు రష్యా నిబంధనలకు విరుద్ధంగా ఉన్నాయని పేర్కొంది. ఈ సమస్య తగిన వివరణ ఇవ్వడంలోనూ ఆ సంస్థ నిర్లక్ష్యం కనబరిచింది. తాము నాణ్యమైన వీర్యాన్నే సరఫరా చేశామని, ఆమెకు ఐవీఎఫ్ చేసిన క్లీనిక్‌లో తప్పిదం జరిగితే తాము బాధ్యులం కాదని తెలిపింది.



Source link

LEAVE A REPLY

Please enter your comment!
Please enter your name here