Bigg Boss Telugu 3: మాతో ఆటలాడు జనాలతో కాదు.. ‘బిగ్ బాస్’ని ఏకిపారేసిన హిమజ

0
5


నిగ్రహం లేని విగ్రహం అంటూ ఆమెపై విమర్శలు ఎక్కుపెట్టినా.. 64 రోజుల బిగ్ బాస్ ప్రయాణం డేరింగ్ డాషింగ్‌గా మారి తనదైన శైలి ఆటతో ఆకట్టుకుంది బిగ్ బాస్ కంటెస్టెంట్ హిమజ. స్ట్రాంగ్ కంటెస్టెంట్‌గా ఉన్న హిమజ తొమ్మిదో వారం ఎలిమినేషన్‌లో అనూహ్యంగా బయటకు వచ్చేసింది. ఎలిమినేట్ అయిన అనంతరం.. హోస్ట్ నాగార్జున ముందే.. ‘బిగ్ బాస్ గేమ్‌ కూడా ఫెయిర్‌గా ఉండాలని కోరుకుంటున్నానని.. అందుకు నాకు మళ్లీ బిగ్ బాస్ హౌస్‌కి వెళ్లే అవకాశం మీరు ఇచ్చానా నేను వెళ్లను. అది ఫెయిర్ అనిపించుకోదంటూ కుండబద్దలు కొట్టేసింది.

అంతేకాదు.. తాను ఎలిమినేట్ అయ్యానని క్రుంగిపోవడం లేదని.. అసలు ఆట ఇప్పుడు మొదలైందంటోంది. ‘హిమజతో బిగ్ బాస్ గేమ్ అయ్యిందంటే.. నాతో నా జీవితం అనే గేమ్ ఆగలేదు. బిగ్ బాస్ హౌస్‌లో ఎంటరైనప్పుడు హిమజ వేరు.. ఇప్పుడు వెళ్తున్న హిమజ వేరు’ అంటూ ధీమా వ్యక్తం చేస్తుంది హిమజ. ఇక బిగ్ బాస్ షోని ప్రసారం చేస్తున్న తీరుపైన, ఇంటి సభ్యులపైన ఓటింగ్ విధానంపైన ఆసక్తికరమైన కామెంట్స్ చేశారు హిమజ. ‘బిగ్ బాస్ హౌస్‌ జైలు లాంటిది కాదు.. జైలే. ఫోన్ లేకుండా.. ఎవరితో కాన్‌టాక్ట్ లేకుండా ఇన్ని రోజులు బిగ్ బాస్‌ హౌస్‌లో ఉంటానని అనుకోలేదు. నేను ఇన్ని రోజులు ఉండటమే గ్రేట్.

Read Also: బిగ్ బాస్ అన్ని ఎపిసోడ్‌లు.. ఇంట్రస్టింగ్ కథనాలు ఒక్క క్లిక్‌తో..

హిమజ బిగ్ బాస్

హీరో అవ్వాలన్నా.. విలన్ అవ్వాలనే స్క్రీన్ ప్లే అనేది కీ రోల్. బిగ్ బాస్ హౌస్‌లో వాళ్లు చూపించడాన్ని బట్టే ఎవరు హీరో.. ఎవరు విలన్ అనేది తేలిపోతుంది. వాస్తవం వేరు. అక్కడ ఏం జరుగుతుందో అదే చూపిస్తున్నారు కాని.. హిమజ సెల్ఫిష్ అని ముద్ర వేసేవాళ్లను కెమెరాలకు చూపించారు. మహేష్ ఎలిమినేషన్ అప్పుడు కూడా నేను కావాలని చేయలేదు. బిగ్ బాస్ ఇచ్చిన టాస్క్‌లో క్లారిటీ లేకపోవడం వల్లే ఇలా జరుగుతుంది.

గ్రూప్‌లు ఫామ్ అయిపోయి బిగ్ బాస్‌నే ఆటాడిస్తున్నారు..
బిగ్ బాస్ హౌస్‌లో గ్రూప్‌లు ఉన్నాయి. కొంతమంది గ్రూప్‌లుగా ఉండి.. నామినేషన్ అప్పుడు మూకుమ్మడిగా తమకు ఇష్టం లేనివాళ్లను బయటకు పంపిస్తున్నారు. నేను రిజర్వ్డ్‌గానే ఉన్నాను.

బిగ్ బాస్ వాళ్లకు ముందే కండిషన్ పెట్టా..
బిగ్ బాస్ సీజన్ 3 ఒక్కటే కాదు.. సీజన్ 1, సీజన్ 2లకు కూడా నన్ను రమ్మని పిలిచారు. కాని నేను పెట్టిన ఒకే ఒక్క కండిషన్. ఫుడ్ విషయంలో నన్ను ఏమైనా ఇబ్బంది పెడతారా అని. ఒక్కొక్కరికీ ఒక్కో వీక్ నెస్ ఉంటుంది. నాకు ఫుడ్ సరిగా లేకపోతే ఉండలేను. అలాగని ఒకేసారి ఎక్కువగా తినేయలేను. మీరు గమనిస్తే నేను బిగ్ బాస్ హౌస్‌కి వెళ్లినప్పటికంటే ఇప్పుడు బాగా తగ్గిపోయా. అంటే సరైన ఫుడ్ లేదు. ఎట్లా ఉన్నాలన్నా తినాలి.

Read Also: బిగ్ బాస్ ఓటింగ్ స్టార్ట్: ఈ వారం నామినేషన్‌లో నలుగురూ గట్టోళ్లే!

హిమజ

నాలుగే కూరగాయలతో రెండు నెలలు..
బిగ్ బాస్ హౌస్‌కి మహా అయితే నాలుగు రకాల కూరగాయలు పంపిస్తారు. ఈ రెండు నెలలు పప్పు, బంగాళదుంపలే. ప్రతిరోజు అవే కూరలంటే చచ్చిపోయేవాళ్లం. ఏదో కడుపు నిండాలి కాబట్టి తినేవాళ్లం. మధ్య మధ్యలో ఇలా నేను ‘గుడ్డులో బెడ్డు’, ‘గోదుమ అట్లు’ ట్రై చేసేదాన్ని.

శ్రీముఖితో మొదట్లో బాగానే ఉన్నా..

హౌస్‌లో ఉన్న వాళ్లలో అందరూ స్క్రీన్‌ కోసం నటించేవాళ్లు. వాళ్లలో జ్యోతి, శ్రీముఖి కాస్త బెటర్. అందుకే వాళ్లతో ఉండేదాన్ని. కిచెన్‌లో శ్రీముఖితో ఉండేదాన్ని. మూడ్ స్వింగ్స్ అందరికీ ఉంటుంది. కాకపోతే బిగ్ బాస్ చేస్తున్న స్క్రీన్ ప్లే మాయతో మూడ్ స్వింగ్స్ ఉన్నట్టుగా చూపిస్తున్నారు.

ఎవర్ని సేవ్ చేయాలి? ఎవర్ని నామినేట్ డిసైడ్ చేసేది బిగ్ బాస్..

కంటెస్టెంట్స్‌లో ఎవర్ని సేవ్ చేయాలి? ఎవర్ని నామినేట్ చేయాలి అన్నది బిగ్ బాస్ నిర్ణయాలపై ఆధారపడి ఉంటున్నాయి. బిగ్ బాస్ వాళ్లు ఎలాంటి కంటెంట్ కావాలనుకుంటున్నారో అది ఎవరిదగ్గర ఉందో వాళ్లను సేవ్ చేయడానికి ట్రై చేస్తారు. నాకోసం కూడా చేశారు. అది కాదనను.

బిగ్ బాస్ మాతో ఆడలాడు.. ఆడియన్స్‌తో కాదు
బిగ్ బాస్ షో చూస్తున్న ప్రేక్షకులు గేమ్‌లో ఇన్వాల్వ్ అయ్యి.. నా ఫేవరేట్ కంటెస్టెంట్‌కి ఓటు వేయడం మరిచిపోతానేమో అని తపనతో ఓట్లు వేస్తున్నారు. కాని బిగ్ బాస్ ఆడియన్స్‌తో గేమ్స్ ఆడుతున్నారు. కొంతమందిని నామినేషన్స్‌కి రాకుండానే సేవ్ చేసి కాపాడుతున్నారు బిగ్ బాస్.

రమ్యక్రిష్ణ హోస్ట్‌గా వచ్చిన వీక్‌లో నామినేషన్ చాలా ఇబ్బందికరంగా అనిపించాయి. బురదను నెత్తిపై నుండి వేసుకోవాలన్నారు. మళ్లీ అందులో ఒకరికోసం ఒకరు త్యాగం చేసుకోవచ్చన్నారు. ఆరుగును నామినేట్ అయితే అందులో ముగ్గుర్ని సేవ్ చేసేశారు. అది బిగ్ బాస్ చరిత్రలో తొలిసారి. సరే ముగ్గురికి సీక్రెట్ టాస్క్‌లు ఇచ్చారు. ఇంతా ప్రాసెస్ చేసి.. ముగ్గురు నామినేషన్‌లో ఉన్నట్టుగా ప్రకటించి సోమవారం నాడు ఓటింగ్ ప్రాసెస్ మొదలుపెట్టేశారు. జనాలు పిచ్చిగా ఓట్లు వేయడం మొదలు పెట్టేశారు. తీరా అంతా కష్టపడి ఆడియన్స్ ఓట్లు వేస్తే.. రమ్యక్రిష్ణ వచ్చిన వీక్‌లో నో ఎలిమినేషన్ అంటూ అనేశారు. ఆ వారం నేను, పునర్నవి, మహేష్‌లు నామినేషన్‌లో ఉన్నాం. బిగ్ బాస్ గేమ్‌లు ఆడితే మాతో ఆడాలి. జనాల ఎమోషన్‌లో ఎందుకు ఆడాలి. మీరు నామినేషన్ ప్రక్రియ అంతా చేసి చివర్లో నో నామినేషన్ అంటే మరి ఓట్లు వేసిన జనం ఏమవ్వాలి? వాళ్ల ఎమోషన్స్‌లో ఎందుకు ఆడుకోవాలి? నిజంగానే ఆవారం నామినేషన్ ఉండదని నిర్ణయించుకున్నప్పుడు ఓటింగ్ క్లోజ్ చేసేయాలి కదా.. వారం మొత్తం ఓట్లు వేయించుకుని చివర్లో నో ఎలిమినేషన్ అంటే షో చూసే ఆడియన్స్ అభిప్రాయానికి విలువ ఇచ్చినట్టు అవుతుందా? వాళ్లు విసుగు చెంది ఓట్లు వేయడం మానేస్తే ఏం కావాలి? ఆడియన్స్‌ని కన్ఫ్యూజ్ చేయకూడదని నా అభిప్రాయం.

బిగ్ బాస్ ఫెయిర్‌గా లేదు..
బిగ్ బాస్ హౌస్‌ నుండి ఎలిమినేట్ అయిన తరువాత నాకు మళ్లీ అక్కడకు వెళ్లే అవకాశం ఇచ్చినా వెళ్లను అని చెప్పేశా. కనిపించే కంటెస్టెంట్‌తో ఆట ఆడొచ్చు.. కనిపించని బిగ్ బాస్‌తో నేను ఆట ఆడలేను. ఆయన్ని ఓడించి ఎన్నిరోజులు ఉండగలం. తీరా గేమ్‌లో ఇన్వాల్వ్ అయిన తరువాత హౌస్‌లో ఉంచాలా? ఎలిమినేట్ చేయాలా అన్నది ఆయన ఇష్టమే. ఓటింగ్ లెక్కేలేదు. నామినేషన్ ఎవర్ని తీసుకురావాలన్నది కూడా బిగ్ బాస్‌దే ఫైనల్ నిర్ణయం. మనం ఎంత ఫెయిర్‌గా గేమ్ ఆడినా.. అసలు ఆట బిగ్ బాస్ ఆట ఆడేస్తున్నాడు.

హిమజ



Source link

LEAVE A REPLY

Please enter your comment!
Please enter your name here