Bottle cap challenge: నీటిని తన్నొద్దు, తాగండి.. సెలబ్రిటీలకు షాకిచ్చిన సల్మాన్!

0
1


బాటిల్ క్యాప్ చాలెంజ్ పేరుతో సెలబ్రిటీలు నీటి బాటిళ్ల మూతలను తన్నడంలో బిజీగా ఉన్నారు. కాలిని గాల్లోకి లేపి బాటిల్ మూత ఊడేలా తన్నే ఈ ఛాలెంజ్‌ను ముందుగా అల్టిమేట్ ఫైటింగ్ ఛాంపియన్‌షిప్ టైటిల్ విన్నర్ మ్యాక్స్ హల్లోవే ప్రారంభించాడు. దీన్ని ప్రముఖ సింగర్ జాన్ మేయర్ సవాల్‌గా స్వీకరించి వైరల్ చేశాడు.

ప్రముఖ హలీవుడ్ న‌టుడు జాస‌న్ స్టాటం కూడా ఈ ఛాలెంజ్‌ను స్వీకరించడంతో ఇది మరింత మంది సెలబ్రిటీలకు పాకింది. ఇటీవల నటుడు అక్షయ కుమార్ కూడా ఈ ఛాలెంజ్ స్వీకరించి రివర్స్ కిక్‌తో బాటిల్ మూతను తన్ని ఆ వీడియోను ట్వీట్ చేశాడు. అయితే, సల్మాన్ ఖాన్ ఈ ఛాలెంజ్‌పై భిన్నంగా స్పందించాడు. జిమ్‌లో బాటిల్ మూతను తన్నుతున్నట్లుగా బిల్డప్ ఇచ్చి.. గట్టి గాలి ఊది మూత తెరిచి నీటిని తాగేశాడు. ‘‘నీటిని తన్నొద్దు.. నీటిని కాపాడండి’’ అనే సందేశాన్ని ఇచ్చాడు. దీంతో ఇది క్షణాల్లో వైరల్ అయ్యింది. దీనిపై సోషల్ మీడియా నుంచి మిశ్రమ స్పందన వస్తోంది.

సల్మాన్‌కు బాటిల్ మూతను తన్నడం చేతకాకే ఇలా చేశాడని కొందరు కామెంట్లు చేస్తున్నారు. మరికొందరు మంచి సందేశం ఇచ్చావు సల్మాన్ అని పొగిడేస్తున్నారు. ఇంకొందరు సల్లుభాయ్ ఇచ్చిన ట్విస్ట్ చూసి నవ్వేసుకుంటున్నారు. ఇటీవల బాటిల్ ఛాలెంజ్ చేసి ఆకట్టుకున్న కేంద్ర మంత్రి, అరుణాచల్ ప్రదేశ్ ఎంపీ కిరణ్ రిజిజు స్పందిస్తూ.. ‘‘ఈ చర్యతో మీరు (సల్మాన్ ఖాన్) బెస్ట్ అని నిరూపించుకున్నావు’’ అని ట్వీట్ చేశారు. ఈ వీడియోపై ఎవరెవరు ఎలా స్పందిస్తున్నారో ఈ కింది ట్వీట్లలో చూడండి.





Source link

LEAVE A REPLY

Please enter your comment!
Please enter your name here