Gang Leader: ‘హొయ్న హొయ్న’ సాంగ్.. జస్ట్ వావ్ అంతే..!

0
2


నేచురల్ స్టార్ నాని హీరోగా వస్తోన్న మరో వైవిధ్యమైన చిత్రం ‘గ్యాంగ్ లీడర్’. టైటిల్ పాతదే అయినా కంటెంట్ మాత్రం చాలా కొత్తగా ఉంటుందని అంటున్నారు. ఈ సినిమాలో నాలుగు భిన్న వయసులున్న ఆడవాళ్లతో రైటర్ ‘పెన్సిల్’ పార్థసారథి (నాని) ట్రావెల్ చేస్తాడు. వాళ్ల కోసం ఒక కర్తవ్యాన్ని తన భుజాన వేసుకుంటాడు. ఆ ఆడవాళ్ల గ్యాంగ్‌కు లీడర్ అవుతాడు. మొత్తానికి మరో ఆసక్తికర సినిమాతో నాని ప్రేక్షకుల ముందుకు వచ్చేందుకు సిద్ధమవుతున్నారు.

ఇప్పటికే ఈ సినిమా టీజర్ విడుదలైంది. టీజర్‌కు మంచి స్పందన వచ్చింది. అలాగే, ‘రారా’ అంటూ వచ్చిన తొలిపాటను కూడా ప్రేక్షకులు ఎంజాయ్ చేశారు. ఇప్పుడు స్వాతంత్య్ర దినోత్సవం సందర్భంగా ‘గ్యాంగ్ లీడర్’ రెండో పాటను విడుదల చేశారు. లిరిక్ వీడియోను యూట్యూబ్‌లో పెట్టారు. ఈ చిత్ర ఆడియో హక్కులను సొంతం చేసుకున్న సోనీ మ్యూజిక్ తన సౌత్ యూట్యూబ్ ఛానెల్‌లో ఈ పాట లిరిక్ వీడియోను అప్‌లోడ్ చేసింది.

‘హొయ్న హొయ్న’ అంటూ సాగే ఈ పాట చాలా బాగుంది. సంగీత దర్శకుడు అనిరుధ్ రవిచందర్ మరోసారి తన ట్యూన్‌తో ఆకట్టుకున్నారు. ఈ పాటను అనంత్ శ్రీరామ్ రాశారు. ఇంగ్లిష్ పదాలను ఇన్నో గంగ రచించారు. ఆయనే ఈ పాటను కూడా ఆలపించారు. చాలా మధురంగా పాడారు. నాని సినిమాకు అనిరుధ్ సంగీతం అందించడం ఇది రెండోసారి. ఇప్పటికే ‘జెర్సీ’ సినిమాకు అనిరుధ్ సంగీతం సమకూర్చారు. ఇప్పుడు ఈ ‘గ్యాంగ్ లీడర్’కు కంపోజ్ చేస్తున్నారు.

కాగా, ఈ చిత్రంలో ప్రియాంక, లక్ష్మి, శరణ్య, అనీష్‌ కురువిళ్లా ప్రధాన పాత్రలు పోషించారు. ‘RX 100’ ఫేమ్ కార్తికేయ ఓ ముఖ్య పాత్రలో కనిపించనున్నారు. విక్రమ్ కె. కుమార్ దర్శకత్వం వహించిన ఈ చిత్రాన్ని మైత్రీ మూవీ మేకర్స్ బ్యానర్‌పై నవీన్‌ ఎర్నేని, వై.రవిశంకర్‌, మోహన్‌ చెరుకూరి(సీవీఎం) నిర్మిస్తున్నారు. సెప్టెంబర్ 13న ఈ చిత్రం ప్రేక్షకుల ముందుకు రానుంది.



Source link

LEAVE A REPLY

Please enter your comment!
Please enter your name here