Jabardasth Aadi: ‘జబర్దస్త్‌’కి హైపర్ ఆది దూరం.. కారణం ఇదేనా?

0
19


బుల్లితెర ప్రేక్షకులకు ప్రతివారం నవ్వులు విందు అందిస్తూ.. హాస్యపు జల్లులు కురిపించే తెలుగు బిగ్గెస్ట్ కామెడీ షో జబర్దస్త్‌లో మార్పులు చేర్పులు షురూ అయ్యాయి. స్మైలీ హీరోయిన్ రోజా జబర్దస్త్ షోకి జడ్జ్‌గా హైప్ తీసుకువస్తున్నారు. అయితే వైసీపీలో కీలక నేతగా ఆ పార్టీ ఫైర్ బ్రాండ్‌గా ఉన్న రోజా ఎమ్మెల్యేగా రెండోసారి గెలిచి పొలిటికల్‌గా బిజీ అయ్యారు. మంత్రి పదవి ఒక్క అడుగుదూరంలో ఉండిపోయిన రోజా ఏపీఐఐసీ చైర్మన్‌గా కీలక పదవి దక్కించుకున్నారు.

Read Also: ర‌ష్మీ కంటే అన‌సూయ సూపర్.. శేఖర్ మాస్టర్ బిస్కెట్

ఇక ఒకవైపు పొలిటికల్‌గా మరోవైపు జబర్దస్త్ కామెడీ షోతో రెండు పడవలపై ప్రయాణం కష్టం అవుతుండటంతో రోజా జబర్దస్త్ కామెడీ షోకి స్వల్ప విరామం ఇచ్చారు. తాజాగా గురువారం నాడు ప్రసారమైన ‘జబర్దస్త్’లో రోజా ప్లేస్‌లో.. శేఖర్ మాస్టర్ జడ్జ్‌గా వచ్చారు.

ఇక రోజాతో పాటు ఈవారం జబర్దస్త్ కామెడీ షోలో హైపర్ ఆది టీం కనిపించలేదు. జబర్దస్త్ కామెడీ షోతో పాపులర్ అయిన హైపర్ ఆదికి యూట్యూబ్‌లో మంచి క్రేజ్ ఉంది. ఆయన స్కిట్స్‌కి మిలియన్ల కొద్దీ వ్యూస్ రావడంతో సోషల్ మీడియా బాగా ట్రెండ్ అవుతూ ఉంటారు.

గురువారం వచ్చిందంటే.. హైపర్ ఆది స్కిట్ కోసం ఎదురు చూసే వాళ్లు చాలామందే ఉంటారు. అయితే హైపర్ ఆది టీం ఈవారం జబర్దస్త్‌లో కనిపించకపోవడంతో ఆయన ఈ షోను వదిలేసారని ప్రచారం నడుస్తోంది.

వరుస సినిమాలతో పాటు.. జనసేన పార్టీలో యాక్టివ్ మెంబర్‌గా ఉన్న హైపర్ ఆది.. ఇక ‘జబర్దస్త్’‌కి గుడ్ బై చెప్పారంటూ వార్తలు వస్తుండగా నిర్వాహకులు దీనిపై క్లారిటీ ఇచ్చినట్టు తెలుస్తోంది.

ఓ షో కోసం హైపర్ ఆది టీం విదేశాలకు వెళ్లడంతో ఈవారం ఆది స్కిట్ ప్రసారం చేయడం కుదర్లేదని చెబుతున్నారు. అయితే ఆది టీంలో చేసే రైజింగ్ రాజు.. చిరంజీవి బర్త్ డే వేడుకల్లో కనిపించారు. ఇంతకీ జబర్దస్త్‌కి హైపర్ ఆది స్మాల్ గ్యాగ్ ఇచ్చాడా? లేక లాంగ్ గ్యాప్‌‌నా అనేది త్వరలో క్లారిటీ వచ్చే అవకాశం ఉంది.



Source link

LEAVE A REPLY

Please enter your comment!
Please enter your name here