Kartarpur Corridor: కాసుల కక్కుర్తితో.. మాట మార్చిన పాకిస్థాన్!

0
3


సిక్కుల చిరకాల స్వప్నం సాకారం అవుతోంది. పాకిస్థాన్‌లోని దర్బార్‌ సాహిబ్‌ ఆలయాన్ని పంజాబ్‌లోని డేరాబాబా నానక్‌ మందిరంతో కలుపుతూ ఏర్పాటు చేసిన కర్తార్‌పూర్ కారిడార్ శనివారం ప్రారంభం కానుంది. సిక్కుల మత స్థాపకుడైన గురునానక్ తన జీవితంలో చివరి 18 ఏళ్లు ఇక్కడే గడిపారు. దీంతో ఈ ప్రదేశాన్ని సిక్కులు పవిత్ర ప్రదేశంగా భావిస్తారు. సరిహద్దుకు కేవలం 4 కి.మీ. దూరంలోనే ఈ మందిరం ఉంది.

పంజాబ్‌లోని గురుదాస్‌పూర్ జిల్లా సరిహద్దుల నుంచి ఈ మందిరాన్ని చూడొచ్చు. ఇప్పటి వరకూ లాహోర్ మీదుగా కర్తార్‌పూర్ వెళ్లగా.. ఇప్పుడు కారిడార్ అందుబాటులోకి రావడంతో.. అక్కడికి వెళ్లడం తేలిక కానుంది. రోజుకు 5 వేల మంది భారత యాత్రికులు గురుద్వారా దర్బార్ సాహిబ్‌ను సందర్శించేలా భారత్, పాక్ ఒప్పందం చేసుకున్నాయి.

కర్తార్‌పూర్ కారిడార్ సందర్శనకు వచ్చే సిక్కు భక్తుల నుంచి 20 డాలర్ల చొప్పున రుసుం వసూలు చేస్తామని పాకిస్థాన్ ప్రకటించింది. నవంబర్ 9న కారిడార్ ప్రారంభోత్సవం రోజున మాత్రం ఉచిత ప్రవేశం కల్పిస్తామని పాక్ ప్రధాని ఇమ్రాన్ ఖాన్ గత వారం ప్రకటించారు. నవంబర్ 12న గురునానక్ జయంతి రోజున వచ్చే యాత్రికుల నుంచి రుసుం వసూలు చేస్తామన్నారు. కానీ ప్రారంభం రోజున కూడా యాత్రికుల నుంచి 20 డాలర్ల రుసం వసూలు చేస్తామని తాజాగా పాక్ ప్రకటించింది. దీంతో సిక్కు యాత్రికులు పాక్ మాట మార్చిందని మండిపడుతున్నారు.



Source link

LEAVE A REPLY

Please enter your comment!
Please enter your name here