Nadiminti Narsinga Rao ‘శీలంతో సాయం’.. వేశ్యకథను కళ్లకు కట్టిన రచయిత

0
2


వాడొక ప్లే బాయ్. ఒక ఆఫీస్‌లో పనిచేస్తున్నాడు. అమ్మాయిల్ని పటాయించడమే వాడి పని. ఆడది అంటే అనుభవించడానికే అనేది వాడి దృఢ నిశ్చయం. వాడి ఆఫీస్‌లో వెన్నెల అనే అమ్మాయి ఉంటుంది. అచ్చం వెన్నెల మాదిరిగానే ఉంటుంది. అమ్మాయి అలా నడిచి వస్తుంటే.. నయనతార, శ్రీదేవిలను చూసినట్టు చూస్తారు. వీడి కన్ను ఆ అమ్మాయిపై పడుతుంది. ఏంటి ఈ అమ్మాయిలో ఉన్న గమ్మత్తు? ఈమె ఎప్పుడు ఆఫీస్‌కి వస్తుందో తెలియదు. ఎప్పుడు వెళ్తుందో తెలియదు. ఎప్పుడు వచ్చినా వెళ్లినా ఎవరూ ఎందుకు మాట్లాడరు. బాస్ కూడా సైలెంట్‌గానే ఉంటారు. ఇలా వివిధ ఆలోచనలతో నలిగిపోతూ.. నేను ఎంతో మందిని పటాయించా.. దీన్ని ఎందుకు పటాయించకూడదనే ఆలోచన వస్తుంది.

వాడి పక్కన బృహస్పతి అనే ముదురు అకౌంటెంట్ ఉంటాడు. వాడు వీడి బాధను చూసి ఏంటయ్యా తెగ నలిగిపోతున్నావ్ అంటాడు. ఏం లేదు.. వెన్నెలను చూస్తుంటే!! తన ఆలోచన చెప్తాడు. దీనికి ఆలోచించడం ఎందుకు అడిగెయ్ ఓకే అంటుంది అని సలహా ఇస్తాడు.

భగవద్గీతలో ఒక శ్లోకం ఉంది.. ఏది జరిగినా శరీరానికే కాని ఆత్మకు కాదనుకుంటే ఎన్ని పక్కలైనా మారొచ్చండ అని చెప్పేసరికి.. మనోడికి పక్కలు అనేసరికి తెగ ఉత్సాహం చూపిస్తాడు. మర్నాడు వీడు వెళ్లి వెన్నెలను అడిగేస్తాడు. ఆ అమ్మాయి చిన్న నవ్వు నవ్వి ఎందుకు ఇంత లేటు చేశారు. ఎప్పుడో అడగొచ్చు కదా అని.. ఎప్పుడొస్తారని ఆమె అడిగే సరికి. సండే వస్తానని చెప్తాడు.

ఆదివారం రానే వచ్చింది. మనోడు వెన్నెల ఇంటికి వెళ్లాడు. ఆమె హార్ట్ ఫుల్‌గా రిసీవ్ చేసుకుంది. మీరు కూర్చోండి నేను స్నానం చేసి వస్తాను. ఈలోపు మీరు ఈ మందు తాగండి.. ఫారిన్ సరుకు కూడా ఉంది. మందులోకి మంచింగ్ కూడా ఉంది తీసుకోండి అని చెప్పి స్నానానికి వెళ్తుంది.

అయితే వెన్నెలను అనుభవిద్ధాం అని వచ్చిన వీడికి చిన్న అనుమానం మొదలౌతుంది. కొంపతీసి ఇది పుట్టుకతోనే వ్యభిచారా? అయినా పర్లేదులే.. ఆమె కండోమ్స్ లేకుండా పోతాయా? మనం సేఫ్‌లే అనుకుంటాడు.

ఈ లోపు వెన్నెల తెల్లటి చీరలో రతీదేవిలా తయారైవస్తోంది. అతన్ని చేయి పట్టుకుని బెడ్ రూంలోకి తీసుకుని వెళ్తుంది. ఆ గది చూడగానే అతడు షాక్ అవుతాడు. ఆ గది అంతా ఫస్ట్ నైట్ డెకరేషన్ ఉంటుంది. ఇందేంటి.. నాకు ఇప్పుడు శోభనం ఏంటి.. నేను దీన్ని అనుభవించడానికి వస్తే ఇక్కడ శోభనం డెకరేషన్ ఉందని బాగా థ్రిల్ అవుతాడు.

ఇద్దరూ కలిసి బెడ్ మీదికి వెళ్తారు. ఆ టైంలో మీరు నాకు ఒక చిన్న సాయం చేయాలని అంటోంది. దానికి ఓకే అంటే మనం కార్యక్రమం మొదలుపెట్టేయొచ్చు అంటోంది. వీడు ఇలాంటి వాటికి బాగా అలవాటు పడి ఉంటాడు కదా.. వీళ్లు వేశ్యలు డబ్బులు ఎప్పుడు అడిగితే బాగుంటుందో బాగా తెలుసు. ఇదీ అంతే అనుకుని ఓకే అంటాడు. మీరు ఏమీ అనుకోకపోతే.. మీకు మూడ్ వచ్చే వరకూ ఓ చిన్న కథ చెబుతా అని అంటోంది. హా.. సరే చెప్పు అంటాడు.

నేను చిన్నప్పటి నుండి మా మావయ్య ఇంట్లో పెరిగాను. మా మావయ్య నాపై చేతులు వేస్తూ అసభ్యంగా ప్రవర్తించేవాడు. నేను చాలా ఇబ్బంది పడేదాన్ని. మావయ్య స్కూల్ టీచర్ కదా అని నేను అతని దగ్గర ఉంటే.. బాగా చదువుకుంటానని నన్ను ఇక్కడికి పంపించారు మా అమ్మా నాన్నలు. ఇక్కడ మా మావయ్య చిన్నదానికి పెద్దదానికి పెళ్లాన్ని పుట్టింటికి పంపించేసి.. నాతో అసభ్యకరంగా ప్రవర్తించేవాడు. నాకు చాలా అసహ్యంగా అనిపించేది. వయసుతో పాటు అతని చేష్టలు కూడా పెరుగుతూ వచ్చాయి. వీడి ఇంకా ఏం చేస్తాడో అని విషయం అమ్మతో చెబితే.. నోర్ముయ్!! ఏంటా వెధవ వేషాలు. మావయ్య దేవుడు అంది. సరే తండ్రితో చెప్పినా.. లాభం లేకపోయింది. మావయ్య అలాంటి వాడు కాదు.. ఎలా చెబితే అలా విను అని తిట్టాడు.

ఇది విన్న మావయ్యకు లిబర్టీ వచ్చేసింది. పెళ్లాన్ని పుట్టింటికి పంపించేసి ఇక్కడ ఈ అమ్మాయిని చిత్ర హింసలు పెట్టేవాడు. అనుభవించడం మొదలు పెట్టాడు. మావయ్యా.. నొప్పిగా ఉంది. వద్దు మావయ్యా.. వద్దు మావయ్యా అని వేడుకున్నా వదల్లేదు. కనికరించలేదు. చిన్నదైతే ఏంటి? పెద్దదైతే ఏంటి అని అనుభవించాడు.

అయితే ఈ విషయం వాడి భార్యకు తెలుస్తోంది. ఏమే..! ఇంట్లో ఉంచుకున్నందుకు మా ఆయన్నే మరిగావా? నీకు కృత‌జ్ఞత లేదా? నువ్ చెడిపోయినదానివే కాకుండా.. మా ఆయన్ని కూడా చెడిపేశావ్ అనే ముద్రవేసి రోడ్డుమీదకి నెట్టేసింది.

రోడ్డు మీదికి వచ్చిన ఆమెను వేశ్య వేశ్య అని అంటుంటే.. ఆమె నా పరిస్థితి ఏంటి? అని ఆలోచనలో పడుతుంది. చెడిపోయిన నన్ను ఇప్పుడు ఎవడు పెళ్లి చేసుకుంటాడని బాధ పడుతుంది. అసలు చెడిపోవడం అంటే ఏమిటి? అన్నదానిపై ఒక ఆలోచనకు వస్తుంది.

ద్రౌపతి ఐదుగుర్ని చేసుకుంది ఆమె చెడిపోయినట్టా..? భార్య చనిపోయినప్పుడు రెండో పెళ్లి చేసుకుంటే చెడిపోయినట్టా? అని ఆలోచించి ఓ బోల్డ్ డెసిషన్ తీసుకుంటుంది. ఏ శీలం అయితే ఇది పోగొట్టుకుంది.. చెడిపోయిందని అంటున్నారో. అదే శీలాన్ని అడ్డుపెట్టుకుని నేనెందుకు పదిమందికి సాయం చేయకూడదనే నిర్ణయానికి వస్తుంది.

అక్కడ నుండి నేను ఈ పని చేయడం మొదలుపెట్టా. మీరు రోజూ నేనెందుకు రోజూ ఆఫీస్‌కి లేటుగా వస్తున్నానని మీకు అనుమానం వస్తుందికదా.. నేను పడుకుంటేనే మన బాస్ కొడుక్కి అమెరికా వీసా వచ్చింది. మన అటెండర్ కూతురి గుండె ఆపరేషన్‌ డబ్బులు కోసం నేను ఒకడి దగ్గర పడుకుంటేనే ఆమె బతికింది. ఇందులో పాపం పుణ్యం అంటే నాకు అర్ధం తెలియదు. ప్రజాసేవ చేయాలంటే నాయకులం కానక్కర్లేదు. నేను ఈ రకంగా ప్రజాసేవ చేయాలని నిర్ణయం తీసుకున్నాను. ఆ రోజు నుండి ఇదే దారిలో వెళ్తున్నా. రేపొక అర్జెంట్ ఆపరేషన్ ఉంది. ఒకరికి కిడ్నీ ఆపరేషన్ జరగాల్సి ఉంది. నేను మీకు కావాలా? అయితే సాయం చేయండి. మీకు ఓకే అంటే నేను లైట్ ఆర్పేస్తా అంది. వెంటనే వాడు జేబులో నుండి పదివేలు తీసి ఆ మంచం మీద పెట్టేస్తి ఈ మాట అంటాడు.. ‘సీతాకోకచిలుకను అనుభవించడానికి వచ్చిన నేను.. ఈ వెన్నెల వ్యక్తిత్వానికి సిగ్గు పడి, తలదించుకుని గొంగలి పురుగునై బయటకు నడిచాను’.

‘అనుభవించడానికే ఆడది అనుకునే ప్రతి మగాడికి ఈ కథ అంకితం’ అని సినీ రచయిత నడిమింటి నరసింగరావు ఐ డ్రీమ్స్ టీఎన్ఆర్‌కి ఈ బోల్డ్ కథను కళ్లకు కట్టినట్టు చెప్పారు.



Source link

LEAVE A REPLY

Please enter your comment!
Please enter your name here