Puri Jagannadh: పర్ఫెక్ట్ కాంబో.. విజయ్ దేవరకొండతో పూరి సినిమా

0
0


డాషింగ్ డైరెక్టర్ పూరి జగన్నాథ్ సినిమాల్లో హీరోలు రౌడీల్లా ఉంటారని అందరూ అంటుంటారు. ఎలాంటి హీరోనైనా తనకు అనుగుణంగా మార్చేసుకుని రౌడీలా తయారుచేసేస్తారు పూరి. అలాంటిది, రౌడీలాంటి హీరోనే పూరికి దొరికితే అది కచ్చితంగా పర్ఫెక్ట్ కాంబినేషన్ అవుతుంది. వీళ్ల రచ్చకి వెండితెర చిరిగిపోతుంది. అవును, పూరి జగన్నాథ్ – విజయ్ దేవరకొండ కాంబినేషన్‌లో సినిమా రాబోతోంది. ఈ విషయాన్ని ఛార్మి ట్విట్టర్ ద్వారా ప్రకటించారు. పూరి నెక్ట్స్ ప్రాజెక్ట్ ఇదే.

‘‘వన్ అండ్ ఓన్లీ విజయ్ దేవరకొండతో మా నెక్ట్స్ ప్రాజెక్ట్‌ను పూరి కనెక్ట్స్ సగౌరవంగా ప్రకటిస్తోంది. పూరి జగన్నాథ్ దర్శకత్వం వహిస్తారు. లావణ్య సమర్పణలో పూరి కనెక్ట్స్, పూరి జగన్నాథ్ టూరింగ్ టాకీస్ బ్యానర్లపై పూరి జగన్నాథ్, ఛార్మి కౌర్ నిర్మాతలుగా ఈ సినిమా తెరకెక్కుతుంది. త్వరలోనే మరిన్ని విషయాలను వెల్లడిస్తాం. అప్పటి వరకు వేచి చూడండి!!!’’ అని ఛార్మి ట్వీట్ చేశారు. అలాగే.. పూరి జగన్నాథ్, విజయ్ దేవరకొండతో కలిసి తీసుకున్న ఫొటోను ట్వీట్‌లో పొందుపరిచారు.

చాలా కాలంగా హిట్టు కోసం పరితపించిన పూరి జగన్నాథ్‌కు ‘ఇస్మార్ట్ శంకర్’తో బ్లాక్ బస్టర్ విజయాన్ని అందుకున్నారు. రామ్ హీరోగా.. నభా నటేష్, నిధి అగర్వాల్ హీరోయిన్లుగా వచ్చిన ఈ చిత్రం మంచి వసూళ్లను రాబట్టింది. పూరికి గెలుపు దాహాన్ని తీర్చింది. ఈ సినిమాను కూడా పూరి జగన్నాథ్, ఛార్మి సంయుక్తంగా నిర్మించారు. ఇప్పుడు ఇందులో వచ్చిన డబ్బులు విజయ్ దేవరకొండపై ఇన్వెస్ట్ చేయబోతున్నారు. మరి ఈ సినిమాతో ఎలాంటి హిట్టు కొట్టబోతున్నారో చూడాలి.

మరోవైపు, విజయ్ దేవరకొండ హీరోగా వచ్చిన ‘డియర్ కామ్రేడ్’ ప్రేక్షకులను పెద్దగా ఆకట్టుకోలేకపోయింది. మొత్తం నాలుగు దక్షిణాది భాషల్లో విడుదలైన ఈ చిత్రం అంతంతమాత్రం వసూళ్లతో సరిపెట్టుకుంది. ప్రస్తుతం విజయ్ ‘హీరో’ సినిమాలో నటిస్తున్నారు. మాళవిక మోహన్ హీరోయిన్. ఆనంద్ అన్నామలై దర్శకత్వం వహిస్తున్నారు. ఇది కూడా బహుభాషా చిత్రం. ఈ సినిమాను కూడా మైత్రి మూవీ మేకర్స్ సంస్థే నిర్మిస్తోంది. ఈ సినిమా పూర్తయిన తరవాత పూరి-విజయ్ చిత్రం ప్రారంభమయ్యే అవకాశం ఉంది.





Source link

LEAVE A REPLY

Please enter your comment!
Please enter your name here