RDX Love రిలీజ్ డేట్ ఫిక్స్.. పాయల్ రిస్క్ చేస్తోందా!

0
4


‘RX 100’ ఫేమ్ పాయ‌ల్ రాజ్‌పుత్‌, తేజస్ కంచ‌ర్ల హీరోహీరోయిన్లుగా శంక‌ర్ భాను ద‌ర్శక‌త్వంలో తెరకెక్కుతోన్న చిత్రం ‘RDX లవ్’. రామ్ మునీష్ సమర్పకుడిగా హ్యపీ మూవీస్ బ్యానర్‌పై సి.కల్యాణ్ నిర్మిస్తున్నారు. ప్రస్తుతం పోస్ట్ ప్రొడ‌క్షన్ కార్యక్రమాలు జ‌రుగుతున్నాయి. అన్ని కార్యక్రమాల‌ను పూర్తిచేసి సినిమాను అక్టోబ‌ర్ 11న విడుద‌ల చేస్తున్నట్లు దర్శక నిర్మాతలు ప్రకటించారు. ఈ మేరకు హీరోయిన్ పాయల్ రాజ్‌పుత్ కూడా ట్విట్టర్ ద్వారా రిలీజ్ పోస్టర్లను అభిమానులతో పంచుకున్నారు.

ఇటీవ‌ల విడుద‌లైన ట్రైలర్‌కు అమేజింగ్ రెస్పాన్స్ వ‌చ్చింది. ఈ ట్రైల‌ర్‌లోని యాక్షన్ స‌న్నివేశాలు, డైలాగ్స్‌తో పాయ‌ల్ ప్రేక్షకుల‌ను ఆక‌ట్టుకున్నారు. వాస్తవానికి టీజర్‌లో అంతా అడల్ట్ కంటెంట్ చూపించడంతో ఇది బూతు సినిమా అనే భావన ప్రేక్షకుల్లో కలిగింది. కానీ, ట్రైలర్‌తో ఆ భావనను పోగొట్టారు. అంత అందంగా ట్రైలర్‌ను కట్ చేశారు. ఈ ట్రైలర్‌తో సినిమాపై అంచ‌నాలు ఏర్పడ్డాయి. అయితే, రిలీజ్ విషయంలో దర్శక నిర్మాతలు రిస్క్ చేస్తున్నారేమో అనే అనుమానం కలుగుతోంది.

వాస్తవానికి మెగాస్టార్ చిరంజీవి ప్రతిష్టాత్మక చిత్రం ‘సైరా’ అక్టోబర్ 2న ప్రేక్షకుల ముందుకు వస్తోంది. ఈ సినిమా విడుదలైన వారం రోజుల వ్యవధిలోనే ‘ఆర్డీఎక్స్ లవ్’ కూడా వచ్చేస్తోంది. సి.కళ్యాణ్ పెద్ద నిర్మాత కాబట్టి థియేటర్లు ఎలాగైనా సంపాదించుకుంటారు. కానీ, అప్పటికి ‘సైరా’ మేనియాలో ఉండే ప్రేక్షకులు పాయల్ వైపు చూస్తారా అనే అనుమానం చాలా మందిలో కలుగుతోంది. ఇంత రిస్క్ చేసి అదే సమయంలో ఈ సినిమాను ఎందుకు రిలీజ్ చేస్తున్నట్టు అనే ప్రశ్నలు తలెత్తుతున్నాయి.

Also Read: ‘డిస్కో రాజా’ కోసం ‘ఫాస్ట్ అండ్ ఫ్యూరియస్’ టీం

అయితే, సినిమా బాగుంటే గనుక అది ఏ సమయంలో విడుదలైనా ప్రేక్షకులు ఆదరించడం ఖాయం. బహుశా ఇదే కాన్ఫిడెన్స్‌లో చిత్ర యూనిట్ ఉండి ఉండొచ్చు. అందుకే, ధైర్యంగా అక్టోబర్ 11న సినిమాను విడుదల చేసేస్తున్నారు. ఈ సినిమాలో వి.కె. న‌రేష్, నాగినీడు, తుల‌సి, ఆమ‌ని కీల‌క పాత్రల్లో న‌టించారు. ఆదిత్య మీనన్, ముమైత్ ఖాన్, విద్యుల్లేఖ రామన్, సత్యశ్రీ, జోయా మీర్జా ఇతర పాత్రలు పోషించారు. ర‌థన్ సంగీతం సమకూర్చారు. సి.రాంప్రసాద్ సినిమాటోగ్రఫీ అందించారు.





Source link

LEAVE A REPLY

Please enter your comment!
Please enter your name here