RGV: బెజవాడ రౌడీ వంగవీటి రాధ.. సారీ సారీ గంగవీటి భవాని.. బాబోయ్ వర్మ!!

0
1


క్రియేటివ్ డైరెక్టర్ రామ్ గోపాల్ వర్మ ఈ మధ్య తీసేవన్నీ వివాదాస్పద సినిమాలే. అన్నీ తనకు తలపోటు తెప్పించే సినిమాలే. కానీ, అలాంటి సినిమాలను కూడా ఎలా ప్రచారం చేసుకోవాలో బహుశా ఆయనకు తెలిసినంతగా ఎవ్వరికీ తెలీదు. నిజ జీవిత పాత్రలనే తీసుకొని భౌతికంగా వాటి స్వభావాన్ని మార్చకుండా పేర్లను మాత్రమే మార్చి జనాలకు చూపిస్తున్నారు వర్మ. ఇప్పటికే అర్థమై ఉంటుంది మనం ఏ సినిమా గురించి మాట్లాడుతున్నామో. అదే.. ‘కమ్మరాజ్యంలో కడపరెడ్లు’. వివాదాస్పద పాత్రలతో అస్సలు వివాదాస్పదం కాని సినిమా అంటూ వర్మ చెబుతున్నారు. కానీ, ఆయన చేష్టలు మాత్రం అత్యంత వివాదాస్పదంగా ఉన్నాయి.

ఈ సినిమాను ప్రకటించడంతోనే అందరి దృష్టిని ఆకర్షించిన వర్మ.. ఆ తరవాత ఒక్కొక్కటిగా పాత్రలను పరిచయం చేసుకుంటూ వదిలిన పోస్టర్లతో రచ్చ చేశారు. ఇక రీసెంట్‌గా వచ్చిన ట్రైలర్ అయితే తెలుగు రాష్ట్రాల్లో హాట్ టాపిక్ అయిపోయింది. అందులో నారా లోకేశ్ పాత్రధారికి చంద్రబాబు పాత్రధారి పప్పు వడ్డించడం మరీ ఫేమస్ అయ్యింది. ఇంతటితో ఆగారా వర్మ అంటే లేదు. స్పీకర్ పమ్మినేని రామ్ రామ్ అనే పాత్ర పోస్టర్ వదిలారు. నిజ జీవితంలో ఈ పాత్ర ఎవరిదో ప్రత్యేకంగా చెప్పాల్సిన అవసరం లేదు. ఈ పాత్రను సినిమాలో అలీ పోషించారు.

Also Read: ‘దర్బార్’ మోషన్ పోస్టర్‌ను రిలీజ్ చేసిన మహేష్.. ఆయనంటే ఎప్పటికీ గౌరవమే

ఇక, ఏపీ అసెంబ్లీ ఎన్నికల్లో కామెడీ పీస్‌గా మారిన కేఏ పాల్‌ పాత్రను రీసెంట్‌గా వర్మ పరిచయం చేశారు. జబర్దస్త్ ద్వారా గుర్తింపు తెచ్చుకున్న ఒక నటుడితో పాల్ పాత్ర వేయించారు. ఇదీ కామెడీనే. ఆ తరవాత నారా లోకేశ్ పాత్రధారిని పవన్ కళ్యాణ్ పాత్రధారి ఓదారుస్తున్నట్టున్న పోస్టర్ వదిలారు. కానీ, ఇప్పుడు మాత్రం బాగా వివాదాస్పదమయ్యే పాత్రను పరిచయం చేశారు. అదికూడా నిజ జీవితంలో ఆ క్యారెక్టర్ ఎవరిదో చెబుతూ ట్వీట్ చేశారు. దీనిలోనూ వర్మ స్టైల్ సెటైర్ ఉంది.

బెజవాడకు చెందిన ప్రముఖ కాపు నాయకుడు వంగవీటి రంగ తనయుడు, ఒకప్పటి వైసీపీ నేత అయిన వంగవీటి రాధ పాత్రను వర్మ పరిచయం చేశారు. ఈ పాత్రలో ధన్‌రాజ్ నటించాడు. అయితే, ఈ పాత్ర పేరును సినిమాలో గంగవీటి భవాని అని పెట్టారు వర్మ. ఈ భవానీని సిట్ ఆఫీసర్ సుందరి పోలీస్ స్టేషన్‌లో బట్టలు విప్పించి మరీ ఇంటరాగేషన్ చేస్తోంది. ఇంతకీ ఆ సిట్ ఆఫీసర్ సుందరి ఎవరో కాదు న్యూస్ ప్రెజెంటర్, యాంకర్ స్వప్న. ఈ పోస్టర్‌ను వదులుతూ వర్మ చేసిన రెండు ట్వీట్లు చాలా వివాదాస్పదంగా ఉన్నాయి.

Also Read: ‘ఏడు చేపల కథ’ టాక్: ఏముందిరా అయ్యా ఇందులో.. తిట్టిపోస్తున్న జనం

‘‘వంగవీటి రాధాను సిట్ ఆఫీసర్ సుందరి విచారిస్తున్నారు.. సారీ సారీ, నా ఉద్దేశం ‘కమ్మరాజ్యంలో కడపరెడ్లు’ సినిమాలో గంగవీటి భవానిని’’ అని ఒక ట్వీట్‌లో పేర్కొన్నారు. మరొక ట్వీట్ చేసిన వర్మ.. ‘‘కమ్మరాజ్యంలో కడపరెడ్లులో బెజవాడ రౌడీ వంగవీటి రాధ సన్ ఆఫ్ వంగవీటి రంగ.. సారీ సారీ నా ఉద్దేశం గంగవీటి భవాని సన్ ఆఫ్ గంగవీటి గంగ’’ అని వెటకారంగా పేర్కొన్నారు.





Source link

LEAVE A REPLY

Please enter your comment!
Please enter your name here